ततः सुमन्त्रम् ऐक्ष्वाकः पीडितो ऽत्र प्रतिज्ञया । सबाष्पम् अतिनिःश्वस्य जगादेदं पुनः पुनः ॥
सूत रत्नसुसंपूर्णा चतुर्विधबला चमूः । रागवस्यानुयात्रार्थं क्षिप्रं प्रतिविधीयताम् ॥
रूपाजीवा च शालिन्यो वणिजश् च महाधनाः । शोभयन्तु कुमारस्य वाहिनीं सुप्रसारिताः ॥
ये चैनम् उपजीवन्ति रमते यैश् च वीर्यतः । तेषां बहुविधं दत्त्वा तान् अप्य् अत्र नियोजय ॥
निघ्नन् मृगान् कुञ्जरांश् च पिबंश् चारण्यकं मधु । नदीश् च विविधाः पश्यन् न राज्यं संस्मरिष्यति ॥
धान्यकोशश् च यः कश् चिद् धनकोशश् च मामकः । तौ रामम् अनुगच्छेतां वसन्तं निर्जने वने ॥
यजन् पुण्येषु देशेषु विसृजंश् चाप्तदक्षिणाः । ऋषिभिश् च समागम्य प्रवत्स्यति सुखं वने ॥
भरतश् च महाबाहुर् अयोध्यां पालयिष्यति । सर्वकामैः पुनः श्रीमान् रामः संसाध्यताम् इति ॥
tataḥ sumantram aikṣvākaḥ pīḍito 'tra pratijñayā | sabāṣpam atiniḥśvasya jagādedaṃ punaḥ punaḥ ||
sūta ratnasusaṃpūrṇā caturvidhabalā camūḥ | rāgavasyānuyātrārthaṃ kṣipraṃ pratividhīyatām ||
rūpājīvā ca śālinyo vaṇijaś ca mahādhanāḥ | śobhayantu kumārasya vāhinīṃ suprasāritāḥ ||
ye cainam upajīvanti ramate yaiś ca vīryataḥ | teṣāṃ bahuvidhaṃ dattvā tān apy atra niyojaya ||
nighnan mṛgān kuñjarāṃś ca pibaṃś cāraṇyakaṃ madhu | nadīś ca vividhāḥ paśyan na rājyaṃ saṃsmariṣyati ||
dhānyakośaś ca yaḥ kaś cid dhanakośaś ca māmakaḥ | tau rāmam anugacchetāṃ vasantaṃ nirjane vane ||
yajan puṇyeṣu deśeṣu visṛjaṃś cāptadakṣiṇāḥ | ṛṣibhiś ca samāgamya pravatsyati sukhaṃ vane ||
bharataś ca mahābāhur ayodhyāṃ pālayiṣyati | sarvakāmaiḥ punaḥ śrīmān rāmaḥ saṃsādhyatām iti ||
Тогда потомок Икшваку, сдавленный своей клятвой, со слезами и тяжёлыми вздохами снова и снова говорил Сумантре: «О возница, немедленно приготовь для сопровождения Рагхавы войско четырёх родов, полное драгоценностей. Пусть изящные красавицы-служанки и богатые купцы, хорошо размещённые, украсят поход царевича. Тех, кто живёт за счёт Рамы, и тех, с кем он радуется в доблести, одари разными дарами и тоже назначь сопровождать его. Охотясь на зверей и слонов, попивая лесной мёд и созерцая разные реки, он не будет вспоминать о царстве. Пусть вся моя зерновая казна и сокровищница последуют за Рамой, когда он будет жить в безлюдном лесу. Совершая жертвы в святых местах, раздавая полные дакшины и встречаясь с риши, он будет счастливо жить в лесу. А могучерукий Бхарата будет править Айодхьей. Пусть славный Рама снова будет обеспечен всеми благами».
468bf2f65050 · publicado 22 jun 2026, 0:00:00 UTC
Disponible enRUPasa de verso en verso con
Дашаратха не может отменить изгнание и поэтому пытается превратить лес в переносной дворец. Его приказ показывает любовь отца, но также и беспомощность: внешнее богатство не способно заменить Раме утраченное право.