ब्रुवन्त्याम् एवम् आर्तायां जनन्यां भरताग्रजः । पादाव् आसाद्य जग्राह वसिष्ठस्य स राघवः ॥
पुरोहितस्याग्निसमस्य तस्य वै; बृहस्पतेर् इन्द्र इवामराधिपः । प्रगृह्य पादौ सुसमृद्धतेजसः; सहैव तेनोपविवेश राघवः ॥
ततो जघन्यं सहितैः स मन्त्रिभिः; पुरप्रधानैश् च सहैव सैनिकैः । जनेन धर्मज्ञतमेन धर्मवान्; उपोपविष्टो भरतस् तदाग्रजम् ॥
उपोपविष्टस् तु तदा स वीर्यवांस्; तपस्विवेषेण समीक्ष्य राघवम् । श्रिया ज्वलन्तं भरतः कृताञ्जलिर्; यथा महेन्द्रः प्रयतः प्रजापतिम् ॥
किम् एष वाक्यं भरतो ऽद्य राघवं; प्रणम्य सत्कृत्य च साधु वक्ष्यति । इतीव तस्यार्यजनस्य तत्त्वतो; बभूव कौतूहलम् उत्तमं तदा ॥
स राघवः सत्यधृतिश् च लक्ष्मणो; महानुभावो भरतश् च धार्मिकः । वृताः सुहृद्भिश् च विरेजुर् अध्वरे; यथा सदस्यैः सहितास् त्रयो ऽग्नयः ॥
bruvantyām evam ārtāyāṃ jananyāṃ bharatāgrajaḥ | pādāv āsādya jagrāha vasiṣṭhasya sa rāghavaḥ ||
purohitasyāgnisamasya tasya vai; bṛhaspater indra ivāmarādhipaḥ | pragṛhya pādau susamṛddhatejasaḥ; sahaiva tenopaviveśa rāghavaḥ ||
tato jaghanyaṃ sahitaiḥ sa mantribhiḥ; purapradhānaiś ca sahaiva sainikaiḥ | janena dharmajñatamena dharmavān; upopaviṣṭo bharatas tadāgrajam ||
upopaviṣṭas tu tadā sa vīryavāṃs; tapasviveṣeṇa samīkṣya rāghavam | śriyā jvalantaṃ bharataḥ kṛtāñjalir; yathā mahendraḥ prayataḥ prajāpatim ||
kim eṣa vākyaṃ bharato 'dya rāghavaṃ; praṇamya satkṛtya ca sādhu vakṣyati | itīva tasyāryajanasya tattvato; babhūva kautūhalam uttamaṃ tadā ||
sa rāghavaḥ satyadhṛtiś ca lakṣmaṇo; mahānubhāvo bharataś ca dhārmikaḥ | vṛtāḥ suhṛdbhiś ca virejur adhvare; yathā sadasyaiḥ sahitās trayo 'gnayaḥ ||
Пока скорбящая мать говорила так, Рама, старший брат Бхараты, подошёл и коснулся стоп Васиштхи. Рагхава почтительно взял стопы этого пурохита, подобного огню и сияющего как Брихаспати, словно Индра, владыка бессмертных, почитает Брихаспати, и сел рядом с ним. Затем праведный Бхарата вместе с министрами, городскими старейшинами, воинами и народом сел ниже, рядом со старшим братом, величайшим знатоком дхармы. Сев рядом, доблестный Бхарата увидел Раму в одежде подвижника, но сияющего красотой, и сложил ладони, как почтительный Махендра перед Праджапати. У достойных людей возникло сильное ожидание: «Что же сегодня Бхарата, поклонившись и почтив Рагхаву, скажет ему?» Рагхава, твёрдый в истине, Лакшмана и праведный великодушный Бхарата, окружённые друзьями, сияли, словно три священных огня на жертвоприношении вместе с жрецами.
54a7628cc896 · publicado 22 jun 2026, 0:00:00 UTC
Disponible enRUPasa de verso en verso con
Сцена собирает вокруг Рамы весь порядок: матери, наставник, братья, министры, войско и народ. Рама в одежде подвижника не теряет царского сияния; его истинное величие держится на правде, почтении и дхарме.