षष्टिवर्षसहस्राणि मम जातस्य रावण । पितृपैतामहं राज्यं यथावद् अनुतिष्ठतः ॥
वृद्धो ऽहं त्वं युवा धन्वी सरथः कवची शरी । तथाप्य् आदाय वैदेहीं कुशली न गमिष्यसि ॥
न शक्तस् त्वं बलाद् धर्तुं वैदेहीं मम पश्यतः । हेतुभिर् न्यायसंयुक्तैर् ध्रुवां वेदश्रुतीम् इव ॥
युध्यस्व यदि शूरो ऽसि मुहूर्तं तिष्ठ रावण । शयिष्यसे हतो भूमौ यथापूर्वं खरस् तथा ॥
असकृत् संयुगे येन निहता दैत्यदानवाः । नचिराच् चीरवासास् त्वां रामो युधि वधिष्यति ॥
किं नु शक्यं मया कर्तुं गतौ दूरं नृपात्मजौ । क्षिप्रं त्वं नश्यसे नीच तयोर् भीतो न संशयः ॥
न हि मे जीवमानस्य नयिष्यसि शुभाम् इमाम् । सीतां कमलपत्राक्षीं रामस्य महषीं प्रियाम् ॥
अवश्यं तु मया कार्यं प्रियं तस्य महात्मनः । जीवितेनापि रामस्य तथा दशरथस्य च ॥
तिष्ठ तिष्ठ दशग्रीव मुहूर्तं पश्य रावण । युद्धातिथ्यं प्रदास्यामि यथाप्राणं निशाचर । वृन्ताद् इव फलं त्वां तु पातयेयं रथोत्तमात् ॥
ṣaṣṭivarṣasahasrāṇi mama jātasya rāvaṇa | pitṛpaitāmahaṃ rājyaṃ yathāvad anutiṣṭhataḥ ||
vṛddho 'haṃ tvaṃ yuvā dhanvī sarathaḥ kavacī śarī | tathāpy ādāya vaidehīṃ kuśalī na gamiṣyasi ||
na śaktas tvaṃ balād dhartuṃ vaidehīṃ mama paśyataḥ | hetubhir nyāyasaṃyuktair dhruvāṃ vedaśrutīm iva ||
yudhyasva yadi śūro 'si muhūrtaṃ tiṣṭha rāvaṇa | śayiṣyase hato bhūmau yathāpūrvaṃ kharas tathā ||
asakṛt saṃyuge yena nihatā daityadānavāḥ | nacirāc cīravāsās tvāṃ rāmo yudhi vadhiṣyati ||
kiṃ nu śakyaṃ mayā kartuṃ gatau dūraṃ nṛpātmajau | kṣipraṃ tvaṃ naśyase nīca tayor bhīto na saṃśayaḥ ||
na hi me jīvamānasya nayiṣyasi śubhām imām | sītāṃ kamalapatrākṣīṃ rāmasya mahaṣīṃ priyām ||
avaśyaṃ tu mayā kāryaṃ priyaṃ tasya mahātmanaḥ | jīvitenāpi rāmasya tathā daśarathasya ca ||
tiṣṭha tiṣṭha daśagrīva muhūrtaṃ paśya rāvaṇa | yuddhātithyaṃ pradāsyāmi yathāprāṇaṃ niśācara | vṛntād iva phalaṃ tvāṃ tu pātayeyaṃ rathottamāt ||
«С моего рождения прошло шестьдесят тысяч лет, Равана, и всё это время я как следует исполнял царство отцов и дедов. Я стар, а ты молод, лучник, на колеснице, в броне и со стрелами; и всё же, взяв Вайдехи, ты не уйдёшь благополучно. Ты не сможешь силой унести Вайдехи, пока я смотрю на это, как невозможно опровергнуть твёрдую ведийскую традицию доводами, соединёнными с правдой. Сражайся, если ты герой; постой мгновение, Равана. Ты ляжешь убитым на земле, как прежде лёг Кхара. Рама, одетый в лыко, тот самый Рама, которым не раз в битве были убиты дайтьи и данавы, вскоре убьёт тебя в бою. Что я могу сделать, когда два царевича ушли далеко? Но ты быстро погибнешь, низкий, потому что боишься их, в этом нет сомнения. Пока я жив, ты не уведёшь эту прекрасную Ситу, лотосоокую любимую царицу Рамы. Я непременно должен сделать приятное этому великодушному Раме и Дашаратхе, даже ценой жизни. Стой, стой, Десятиглавый! Смотри мгновение, Равана. Я окажу тебе боевое гостеприимство, насколько хватит жизни, ночной странник, и сброшу тебя с лучшей колесницы, как плод со стебля».
8c3f55a5e4d9 · publicado 22 jun 2026, 0:00:00 UTC
Disponible enRUPasa de verso en verso con
Старость Джатаю не отменяет его долга. Он не рассчитывает на удобство или преимущество: его решение держится на верности Раме и Дашаратхе, поэтому даже жизнь становится средством служения дхарме.