अथ वा मृगशावाक्षीं मृग जानासि मैथिलीम् । मृगविप्रेक्षणी कान्ता मृगीभिः सहिता भवेत् ॥
गज सा गजनासोरुर् यदि दृष्टा त्वया भवेत् । तां मन्ये विदितां तुभ्यम् आख्याहि वरवारण ॥
शार्दूल यदि सा दृष्टा प्रिया चन्द्रनिभानना । मैथिली मम विस्रब्धः कथयस्व न ते भयम् ॥
किं धावसि प्रिये नूनं दृष्टासि कमलेक्षणे । वृक्षेणाच्छाद्य चात्मानं किं मां न प्रतिभाषसे ॥
तिष्ठ तिष्ठ वरारोहे न ते ऽस्ति करुणा मयि । नात्यर्थं हास्यशीलासि किमर्थं माम् उपेक्षसे ॥
पीतकौशेयकेनासि सूचिता वरवर्णिनि । धावन्त्य् अपि मया दृष्टा तिष्ठ यद्य् अस्ति सौहृदम् ॥
atha vā mṛgaśāvākṣīṃ mṛga jānāsi maithilīm | mṛgaviprekṣaṇī kāntā mṛgībhiḥ sahitā bhavet ||
gaja sā gajanāsorur yadi dṛṣṭā tvayā bhavet | tāṃ manye viditāṃ tubhyam ākhyāhi varavāraṇa ||
śārdūla yadi sā dṛṣṭā priyā candranibhānanā | maithilī mama visrabdhaḥ kathayasva na te bhayam ||
kiṃ dhāvasi priye nūnaṃ dṛṣṭāsi kamalekṣaṇe | vṛkṣeṇācchādya cātmānaṃ kiṃ māṃ na pratibhāṣase ||
tiṣṭha tiṣṭha varārohe na te 'sti karuṇā mayi | nātyarthaṃ hāsyaśīlāsi kimarthaṃ mām upekṣase ||
pītakauśeyakenāsi sūcitā varavarṇini | dhāvanty api mayā dṛṣṭā tiṣṭha yady asti sauhṛdam ||
«Или ты, зверь, знаешь ланеглазую Майтили? Моя любимая, смотрящая как лань, может быть с ланями. О слон, если ты видел её, чьи бёдра и походка подобны слоновьим, я думаю, она тебе известна; расскажи, лучший слон. О тигр, если ты видел мою любимую Майтили с лицом, подобным луне, расскажи спокойно: тебе нечего бояться. Любимая, зачем ты бежишь? Наверное, я вижу тебя, лотосоокая. Почему ты, прикрывшись деревом, не отвечаешь мне? Стой, стой, прекраснобёдрая! Разве у тебя нет сострадания ко мне? Ты ведь не настолько склонна к шуткам — почему ты не обращаешь на меня внимания? Твой жёлтый шёлк выдал тебя, прекрасная. Я видел тебя бегущей. Остановись, если в тебе есть любовь».
fc6bf4cef735 · publicado 22 jun 2026, 0:00:00 UTC
Disponible enRUPasa de verso en verso con
Скорбь Рамы переходит в почти видение: он спрашивает зверей, а затем словно видит саму Ситу среди деревьев. Поиск становится разговором с отсутствием.