एवम् उक्तः स धर्मात्मा शबर्या शबरीम् इदम् । राघवः प्राह विज्ञाने तां नित्यम् अबहिष्कृताम् ॥
दनोः सकाशात् तत्त्वेन प्रभावं ते महात्मनः । श्रुतं प्रत्यक्षम् इच्छामि संद्रष्टुं यदि मन्यसे ॥
एतत् तु वचनं श्रुत्वा रामवक्त्राद् विनिःसृतम् । शबरी दर्शयाम् आस ताव् उभौ तद् वनं महत् ॥
पश्य मेघघनप्रख्यं मृगपक्षिसमाकुलम् । मतङ्गवनम् इत्य् एव विश्रुतं रघुनन्दन ॥
इह ते भावितात्मानो गुरवो मे महाद्युते । जुहवांश् चक्रिरे तीर्थं मन्त्रवन् मन्त्रपूजितम् ॥
इयं प्रत्यक् स्थली वेदी यत्र ते मे सुसत्कृताः । पुष्पोपहारं कुर्वन्ति श्रमाद् उद्वेपिभिः करैः ॥
तेषां तपः प्रभावेन पश्याद्यापि रघूत्तम । द्योतयन्ति दिशः सर्वाः श्रिया वेद्यो ऽतुलप्रभाः ॥
अशक्नुवद्भिस् तैर् गन्तुम् उपवासश्रमालसैः । चिन्तिते ऽभ्यागतान् पश्य समेतान् सप्त सागरान् ॥
कृताभिषेकैस् तैर् न्यस्ता वल्कलाः पादपेष्व् इह । अद्यापि न विशुष्यन्ति प्रदेशे रघुनन्दन ॥
evam uktaḥ sa dharmātmā śabaryā śabarīm idam | rāghavaḥ prāha vijñāne tāṃ nityam abahiṣkṛtām ||
danoḥ sakāśāt tattvena prabhāvaṃ te mahātmanaḥ | śrutaṃ pratyakṣam icchāmi saṃdraṣṭuṃ yadi manyase ||
etat tu vacanaṃ śrutvā rāmavaktrād viniḥsṛtam | śabarī darśayām āsa tāv ubhau tad vanaṃ mahat ||
paśya meghaghanaprakhyaṃ mṛgapakṣisamākulam | mataṅgavanam ity eva viśrutaṃ raghunandana ||
iha te bhāvitātmāno guravo me mahādyute | juhavāṃś cakrire tīrthaṃ mantravan mantrapūjitam ||
iyaṃ pratyak sthalī vedī yatra te me susatkṛtāḥ | puṣpopahāraṃ kurvanti śramād udvepibhiḥ karaiḥ ||
teṣāṃ tapaḥ prabhāvena paśyādyāpi raghūttama | dyotayanti diśaḥ sarvāḥ śriyā vedyo 'tulaprabhāḥ ||
aśaknuvadbhis tair gantum upavāsaśramālasaiḥ | cintite 'bhyāgatān paśya sametān sapta sāgarān ||
kṛtābhiṣekais tair nyastā valkalāḥ pādapeṣv iha | adyāpi na viśuṣyanti pradeśe raghunandana ||
Когда Шабари сказала это, праведный Рагхава обратился к ней, всегда принятой и не отвергнутой: «От Дану я поистине услышал о могуществе тебя, великой души. Если ты считаешь возможным, я хочу увидеть это своими глазами». Услышав слово, вышедшее из уст Рамы, Шабари показала им обоим тот великий лес и сказала: «Посмотри, радость Рагху, это знаменитый лес Матанги, подобный тёмному грозовому облаку и наполненный зверями и птицами. Здесь мои учителя, очищенные душой, о великосияющий, совершали жертвоприношения и создали тиртху, почтённую мантрами. Вот западная площадка, алтарь, где мои достойно почтённые наставники дрожащими от усталости руками совершали цветочные подношения. Посмотри, лучший из Рагху: даже сегодня силой их аскезы эти алтари несравненного сияния озаряют красотой все стороны. Когда они, утомлённые постом и трудом, уже не могли идти, семь океанов пришли сюда по одной их мысли. Вот одежды из коры, оставленные ими на деревьях после омовения: даже сегодня они не высыхают в этом месте, радость Рагху».
4f0bb94a1f8b · publicado 22 jun 2026, 0:00:00 UTC
Disponible enRUPasa de verso en verso con
Шабари показывает Раме не собственные достижения, а славу своих учителей. Так раскрывается природа её совершенства: она хранит место служения, память наставников и верность их слову.