वचनान्ते तु रामस्य लक्ष्मणः परवीरहा । अवदत् प्रश्रितं वाक्यं सुग्रीवं गतचेतसं ॥
कुरु त्वम् अस्य सुग्रीव प्रेतकार्यम् अनन्तरम् । ताराङ्गदाभ्यां सहितो वालिनो दहनं प्रति ॥
समाज्ञापय काष्ठानि शुष्काणि च बहूनि च । चन्दनानि च दिव्यानि वालिसंस्कारकारणात् ॥
समाश्वासय चैनं त्वम् अङ्गदं दीनचेतसं । मा भूर् बालिशबुद्धिस् त्वं त्वदधीनम् इदं पुरम् ॥
अङ्गदस् त्व् आनयेन् माल्यं वस्त्राणि विविधानि च । घृतं तैलम् अथो गन्धान् यच् चात्र समनन्तरम् ॥
त्वं तार शिबिकां शीघ्रम् आदायागच्छ संभ्रमात् । त्वरा गुणवती युक्ता ह्य् अस्मिन् काले विशेषतः ॥
सज्जीभवन्तु प्लवगाः शिबिकावाहनोचिताः । समर्था बलिनश् चैव निर्हरिष्यन्ति वालिनम् ॥
एवम् उक्त्वा तु सुग्रीवं सुमित्रानन्दवर्धनः । तस्थौ भ्रातृसमीपस्थो लक्ष्मणः परवीरहा ॥
vacanānte tu rāmasya lakṣmaṇaḥ paravīrahā | avadat praśritaṃ vākyaṃ sugrīvaṃ gatacetasaṃ ||
kuru tvam asya sugrīva pretakāryam anantaram | tārāṅgadābhyāṃ sahito vālino dahanaṃ prati ||
samājñāpaya kāṣṭhāni śuṣkāṇi ca bahūni ca | candanāni ca divyāni vālisaṃskārakāraṇāt ||
samāśvāsaya cainaṃ tvam aṅgadaṃ dīnacetasaṃ | mā bhūr bāliśabuddhis tvaṃ tvadadhīnam idaṃ puram ||
aṅgadas tv ānayen mālyaṃ vastrāṇi vividhāni ca | ghṛtaṃ tailam atho gandhān yac cātra samanantaram ||
tvaṃ tāra śibikāṃ śīghram ādāyāgaccha saṃbhramāt | tvarā guṇavatī yuktā hy asmin kāle viśeṣataḥ ||
sajjībhavantu plavagāḥ śibikāvāhanocitāḥ | samarthā balinaś caiva nirhariṣyanti vālinam ||
evam uktvā tu sugrīvaṃ sumitrānandavardhanaḥ | tasthau bhrātṛsamīpastho lakṣmaṇaḥ paravīrahā ||
Когда Рама закончил, Лакшмана, губитель вражеских героев, сказал смиренные слова Сугриве, чей ум был подавлен: «Сугрива, немедленно соверши для него погребальное дело; вместе с Тарой и Ангадой устрой сожжение Вали. Прикажи собрать много сухих дров и божественного сандала для обряда Вали. Утешь Ангаду, чьё сердце подавлено. Не будь человеком с детским разумом: этот город теперь подвластен тебе. Пусть Ангада принесёт гирлянды, разные одежды, гхи, масло, благовония и всё, что требуется далее. Тара, ты быстро возьми носилки и приходи без промедления: в это время спешка особенно уместна и достойна. Пусть готовятся ванары, подходящие для несения носилок, способные и сильные: они вынесут Вали». Сказав так Сугриве, Лакшмана, радость Сумитры и губитель вражеских героев, остался стоять рядом с братом.
7a89b50d1086 · publicado 22 jun 2026, 0:00:00 UTC
Disponible enRUPasa de verso en verso con
Лакшмана говорит языком действия. Там, где скорбь обездвиживает, он возвращает порядок: кто утешает, кто несёт, кто приносит, кто отвечает за город.