पश्य सीतापदेशेन साक्षाद् वैवस्वतो यमः । इमं देशम् अनुप्राप्तो वानराणां विपत्तये ॥
रामस्य न कृतं कार्यं राज्ञो न च वचः कृतम् । हरीणाम् इयम् अज्ञाता विपत्तिः सहसागता ॥
वैदेह्याः प्रियकामेन कृतं कर्म जटायुषा । गृध्रराजेन यत् तत्र श्रुतं वस् तद् अशेषतः ॥
तथा सर्वाणि भूतानि तिर्यग्योनिगतान्य् अपि । प्रियं कुर्वन्ति रामस्य त्यक्त्वा प्राणान् यथा वयम् ॥
राघवार्थे परिश्रान्ता वयं संत्यक्तजीविताः । कान्ताराणि प्रपन्नाः स्म न च पश्याम मैथिलीम् ॥
स सुखी गृध्रराजस् तु रावणेन हतो रणे । मुक्तश् च सुग्रीवभयाद् गतश् च परमां गतिम् ॥
जटायुषो विनाशेन राज्ञो दशरथस्य च । हरणेन च वैदेह्याः संशयं हरयो गताः ॥
रामलक्ष्मणयोर् वासाम् अरण्ये सह सीतया । राघवस्य च बाणेन वालिनश् च तथा वधः ॥
रामकोपाद् अशेषाणां राक्षसानां तथा वधः । कैकेय्या वरदानेन इदं हि विकृतं कृतम् ॥
paśya sītāpadeśena sākṣād vaivasvato yamaḥ | imaṃ deśam anuprāpto vānarāṇāṃ vipattaye ||
rāmasya na kṛtaṃ kāryaṃ rājño na ca vacaḥ kṛtam | harīṇām iyam ajñātā vipattiḥ sahasāgatā ||
vaidehyāḥ priyakāmena kṛtaṃ karma jaṭāyuṣā | gṛdhrarājena yat tatra śrutaṃ vas tad aśeṣataḥ ||
tathā sarvāṇi bhūtāni tiryagyonigatāny api | priyaṃ kurvanti rāmasya tyaktvā prāṇān yathā vayam ||
rāghavārthe pariśrāntā vayaṃ saṃtyaktajīvitāḥ | kāntārāṇi prapannāḥ sma na ca paśyāma maithilīm ||
sa sukhī gṛdhrarājas tu rāvaṇena hato raṇe | muktaś ca sugrīvabhayād gataś ca paramāṃ gatim ||
jaṭāyuṣo vināśena rājño daśarathasya ca | haraṇena ca vaidehyāḥ saṃśayaṃ harayo gatāḥ ||
rāmalakṣmaṇayor vāsām araṇye saha sītayā | rāghavasya ca bāṇena vālinaś ca tathā vadhaḥ ||
rāmakopād aśeṣāṇāṃ rākṣasānāṃ tathā vadhaḥ | kaikeyyā varadānena idaṃ hi vikṛtaṃ kṛtam ||
Ангада сказал: «Смотри, под предлогом Ситы сам Яма, сын Вивасвана, пришёл в эту область для гибели ванаров. Дело Рамы не сделано, слово царя не исполнено, и эта неизвестная беда внезапно пришла к харям. Вы полностью слышали о деле, которое совершил царь грифов Джатаю ради того, что дорого Вайдехи. Так все существа, даже рождённые в животном лоне, делают дорогое Раме, отдавая жизни, как и мы. Мы, измученные ради Рагхавы и уже отказавшиеся от жизни, вошли в пустыни, но не видим Майтхили. Счастлив тот царь грифов: он был убит Раваной в битве, освободился от страха перед Сугривой и достиг высшей участи. Из-за гибели Джатаю, смерти царя Дашаратхи и похищения Вайдехи хари вошли в сомнение. Жизнь Рамы и Лакшманы в лесу вместе с Ситой, убийство Вали стрелой Рагхавы, будущая гибель всех ракшасов от гнева Рамы — всё это стало искажённым из-за дара Кайкейи».
50bb38ffa3fc · publicado 22 jun 2026, 0:00:00 UTC
Disponible enRUPasa de verso en verso con
В отчаянии Ангада связывает все беды в одну цепь: изгнание Рамы, похищение Ситы, смерть Джатаю, страх перед Сугривой. Но имя Джатаю, произнесённое в скорби, становится ключом к спасительной вести.