स हरीन् प्रीतिसंयुक्तान् सीता श्रुतिसमाहितान् । पुनर् आश्वासयन् प्रीत इदं वचनम् अब्रवीत् ॥
श्रूयताम् इह वैदेह्या यथा मे हरणं श्रुतम् । येन चापि ममाख्यातं यत्र चायतलोचना ॥
अहम् अस्मिन् गिरौ दुर्गे बहुयोजनम् आयते । चिरान् निपतितो वृद्धः क्षीणप्राणपराक्रमः ॥
तं माम् एवंगतं पुत्रः सुपार्श्वो नाम नामतः । आहारेण यथाकालं बिभर्ति पततां वरः ॥
तीक्ष्णकामास् तु गन्धर्वास् तीक्ष्णकोपा भुजंगमाः । मृगाणां तु भयं तीक्ष्णं ततस् तीक्ष्णक्षुधा वयम् ॥
स कदा चित् क्षुधार्तस्य मम चाहारकाङ्क्षिणः । गतसूर्यो ऽहनि प्राप्तो मम पुत्रो ह्य् अनामिषः ॥
स मया वृद्धभावाच् च कोपाच् च परिभर्त्सितः । क्षुत्पिपासा परीतेन कुमारः पततां वरः ॥
स ममाहारसंरोधात् पीडितः प्रीतिवर्धनः । अनुमान्य यथातत्त्वम् इदं वचनम् अब्रवीत् ॥
sa harīn prītisaṃyuktān sītā śrutisamāhitān | punar āśvāsayan prīta idaṃ vacanam abravīt ||
śrūyatām iha vaidehyā yathā me haraṇaṃ śrutam | yena cāpi mamākhyātaṃ yatra cāyatalocanā ||
aham asmin girau durge bahuyojanam āyate | cirān nipatito vṛddhaḥ kṣīṇaprāṇaparākramaḥ ||
taṃ mām evaṃgataṃ putraḥ supārśvo nāma nāmataḥ | āhāreṇa yathākālaṃ bibharti patatāṃ varaḥ ||
tīkṣṇakāmās tu gandharvās tīkṣṇakopā bhujaṃgamāḥ | mṛgāṇāṃ tu bhayaṃ tīkṣṇaṃ tatas tīkṣṇakṣudhā vayam ||
sa kadā cit kṣudhārtasya mama cāhārakāṅkṣiṇaḥ | gatasūryo 'hani prāpto mama putro hy anāmiṣaḥ ||
sa mayā vṛddhabhāvāc ca kopāc ca paribhartsitaḥ | kṣutpipāsā parītena kumāraḥ patatāṃ varaḥ ||
sa mamāhārasaṃrodhāt pīḍitaḥ prītivardhanaḥ | anumānya yathātattvam idaṃ vacanam abravīt ||
Сампати, довольный, снова ободрил харей, радостных и сосредоточенных на слухе о Сите, и сказал: «Слушайте здесь о Вайдехи: как я услышал о её похищении, кто рассказал мне это и где находится длинноокая. Я давно упал на эту трудную гору, протянувшуюся на многие йоджаны; я стар, моя жизнь и доблесть истощены. Моего такого поддерживает пищей в должное время мой сын по имени Супаршва, лучший из летающих. Гандхарвы остры в желаниях, змеи остры в гневе, звери остры страхом, а мы остры голодом. Однажды, когда я мучился голодом и желал пищи, мой сын пришёл после захода солнца без мяса. Из-за старости и гнева я, охваченный голодом и жаждой, стал бранить этого юношу, лучшего из летающих. Он, умножающий мою радость, страдая из-за того, что не принёс мне пищи, умилостивил меня и правдиво сказал такие слова».
5f97c95cc78d · publicado 22 jun 2026, 0:00:00 UTC
Disponible enRUPasa de verso en verso con
Сампати вводит Супаршву как источник вести. Его собственная немощь не мешает служению: даже зависимый от сына старый гриф может передать знание, нужное Раме.