सा राक्षसी मध्यगता सीता सुरसुतोपमा । न शर्म लेभे दुःखार्ता रावणेन च तर्जिता ॥
वेपते स्माधिकं सीता विशन्तीवाङ्गम् आत्मनः । वने यूथपरिभ्रष्टा मृगी कोकैर् इवार्दिता ॥
सा त्व् अशोकस्य विपुलां शाखाम् आलम्ब्य पुष्पिताम् । चिन्तयाम् आस शोकेन भर्तारं भग्नमानसा ॥
सा स्नापयन्ती विपुलौ स्तनौ नेत्रजलस्रवैः । चिन्तयन्ती न शोकस्य तदान्तम् अधिगच्छति ॥
सा वेपमाना पतिता प्रवाते कदली यथा । राक्षसीनां भयत्रस्ता विवर्णवदनाभवत् ॥
तस्या सा दीर्घविपुला वेपन्त्याः सीतया तदा । ददृशे कम्पिनी वेणी व्यालीव परिसर्पती ॥
सा निःश्वसन्ती दुःखार्ता शोकोपहतचेतना । आर्ता व्यसृजद् अश्रूणि मैथिली विललाप ह ॥
sā rākṣasī madhyagatā sītā surasutopamā | na śarma lebhe duḥkhārtā rāvaṇena ca tarjitā ||
vepate smādhikaṃ sītā viśantīvāṅgam ātmanaḥ | vane yūthaparibhraṣṭā mṛgī kokair ivārditā ||
sā tv aśokasya vipulāṃ śākhām ālambya puṣpitām | cintayām āsa śokena bhartāraṃ bhagnamānasā ||
sā snāpayantī vipulau stanau netrajalasravaiḥ | cintayantī na śokasya tadāntam adhigacchati ||
sā vepamānā patitā pravāte kadalī yathā | rākṣasīnāṃ bhayatrastā vivarṇavadanābhavat ||
tasyā sā dīrghavipulā vepantyāḥ sītayā tadā | dadṛśe kampinī veṇī vyālīva parisarpatī ||
sā niḥśvasantī duḥkhārtā śokopahatacetanā | ārtā vyasṛjad aśrūṇi maithilī vilalāpa ha ||
Сита, подобная дочери богов, оказавшись среди ракшаси, измученная страданием и устрашённая Раваной, не находила покоя. Она дрожала всё сильнее, словно сжимаясь внутрь собственного тела, как олениха в лесу, отбившаяся от стада и терзаемая волками. Ухватившись за большую цветущую ветвь ашоки, она, сломленная духом, думала о муже. Потоки слёз из её глаз омывали грудь; думая о Раме, она не находила конца своей скорби. Дрожащая, как банан на ветру, испуганная страхом перед ракшаси, она стала бледнолицей. У дрожащей Ситы её длинная большая коса казалась змеёй, ползущей и содрогающейся. Вздыхая, измученная страданием, с сознанием, поражённым скорбью, Майтхили пролила слёзы и зарыдала.
542da8fb83d3 · publicado 22 jun 2026, 0:00:00 UTC
Disponible enRUPasa de verso en verso con
Описание не унижает Ситу слабостью, а показывает цену верности в мире, где над ней совершается насилие. Её скорбь не отменяет чистоты: она раскрывает глубину разлуки с Рамой.