घोरो राक्षसराजो ऽयं दृष्टिश् च न सुखा मयि । त्वां च श्रुत्वा विपद्यन्तं न जीवेयम् अहं क्षणम् ॥
वैदेह्या वचनं श्रुत्वा करुणं साश्रुभाषितम् । अथाब्रवीन् महातेजा हनुमान् मारुतात्मजः ॥
त्वच्छोकविमुखो रामो देवि सत्येन ते शपे । रामे शोकाभिभूते तु लक्ष्मणः परितप्यते ॥
दृष्टा कथं चिद् भवती न कालः परिशोचितुम् । इमं मुहूर्तं दुःखानाम् अन्तं द्रक्ष्यसि भामिनि ॥
ताव् उभौ पुरुषव्याघ्रौ राजपुत्राव् अनिन्दितौ । त्वद्दर्शनकृतोत्साहौ लङ्कां भस्मीकरिष्यतः ॥
हत्वा तु समरे क्रूरं रावणं सह बान्धवम् । राघवौ त्वां विशालाक्षि स्वां पुरीं प्रापयिष्यतः ॥
यत् तु रामो विजानीयाद् अभिज्ञानम् अनिन्दिते । प्रीतिसंजननं तस्य भूयस् त्वं दातुम् अर्हसि ॥
साब्रवीद् दत्तम् एवेह मयाभिज्ञानम् उत्तमम् । एतद् एव हि रामस्य दृष्ट्वा मत्केशभूषणम् । श्रद्धेयं हनुमन् वाक्यं तव वीर भविष्यति ॥
ghoro rākṣasarājo 'yaṃ dṛṣṭiś ca na sukhā mayi | tvāṃ ca śrutvā vipadyantaṃ na jīveyam ahaṃ kṣaṇam ||
vaidehyā vacanaṃ śrutvā karuṇaṃ sāśrubhāṣitam | athābravīn mahātejā hanumān mārutātmajaḥ ||
tvacchokavimukho rāmo devi satyena te śape | rāme śokābhibhūte tu lakṣmaṇaḥ paritapyate ||
dṛṣṭā kathaṃ cid bhavatī na kālaḥ pariśocitum | imaṃ muhūrtaṃ duḥkhānām antaṃ drakṣyasi bhāmini ||
tāv ubhau puruṣavyāghrau rājaputrāv aninditau | tvaddarśanakṛtotsāhau laṅkāṃ bhasmīkariṣyataḥ ||
hatvā tu samare krūraṃ rāvaṇaṃ saha bāndhavam | rāghavau tvāṃ viśālākṣi svāṃ purīṃ prāpayiṣyataḥ ||
yat tu rāmo vijānīyād abhijñānam anindite | prītisaṃjananaṃ tasya bhūyas tvaṃ dātum arhasi ||
sābravīd dattam eveha mayābhijñānam uttamam | etad eva hi rāmasya dṛṣṭvā matkeśabhūṣaṇam | śraddheyaṃ hanuman vākyaṃ tava vīra bhaviṣyati ||
«Этот ужасный царь ракшасов смотрит на меня недобро. Если я услышу, что с тобой случилась беда, я не проживу и мгновения». Услышав жалостные слова Вайдехи, сказанные со слезами, великосияющий Хануман, сын Ветра, ответил: «Богиня, истиной клянусь тебе: Рама отвратился от всего из-за твоей скорби, а когда Рама подавлен страданием, Лакшмана тоже мучится. Но теперь ты увидена; не время скорбеть. Безупречная, ты увидишь конец этим страданиям уже в ближайшее время. Эти два тигра среди людей, два великомощных царевича, воодушевлённые встречей с тобой, обратят Ланку в пепел. Убив в битве жестокого Равану с родичами, два Рагхавы приведут тебя, широкоокая, в свой город. Но ты должна дать ещё один знак, который Рама узнает и который породит в нём радость». Она сказала: «Лучший опознавательный знак уже дан мной здесь. Увидев это моё украшение волос, Рама поверит твоим словам, Хануман, герой».
7de5a4007492 · publicado 22 jun 2026, 0:00:00 UTC
Disponible enRUPasa de verso en verso con
Хануман переводит отчаяние Ситы в уверенность: её уже нашли, а значит ход событий изменился. С этого момента страдание имеет конец, потому что весть дойдёт до Рамы.