संदिष्टो राक्षसेन्द्रेण प्रहस्तस्य सुतो बली । जम्बुमाली महादंष्ट्रो निर्जगाम धनुर्धरः ॥
रक्तमाल्याम्बरधरः स्रग्वी रुचिरकुण्डलः । महान् विवृत्तनयनश् चण्डः समरदुर्जयः ॥
धनुः शक्रधनुः प्रख्यं महद् रुचिरसायकम् । विस्फारयाणो वेगेन वज्राशनिसमस्वनम् ॥
तस्य विस्फारघोषेण धनुषो महता दिशः । प्रदिशश् च नभश् चैव सहसा समपूर्यत ॥
रथेन खरयुक्तेन तम् आगतम् उदीक्ष्य सः । हनूमान् वेगसंपन्नो जहर्ष च ननाद च ॥
तं तोरणविटङ्कस्थं हनूमन्तं महाकपिम् । जम्बुमाली महाबाहुर् विव्याध निशितैः शरैः ॥
अर्धचन्द्रेण वदने शिरस्य् एकेन कर्णिना । बाह्वोर् विव्याध नाराचैर् दशभिस् तं कपीश्वरम् ॥
तस्य तच् छुशुभे ताम्रं शरेणाभिहतं मुखम् । शरदीवाम्बुजं फुल्लं विद्धं भास्कररश्मिना ॥
saṃdiṣṭo rākṣasendreṇa prahastasya suto balī | jambumālī mahādaṃṣṭro nirjagāma dhanurdharaḥ ||
raktamālyāmbaradharaḥ sragvī rucirakuṇḍalaḥ | mahān vivṛttanayanaś caṇḍaḥ samaradurjayaḥ ||
dhanuḥ śakradhanuḥ prakhyaṃ mahad rucirasāyakam | visphārayāṇo vegena vajrāśanisamasvanam ||
tasya visphāraghoṣeṇa dhanuṣo mahatā diśaḥ | pradiśaś ca nabhaś caiva sahasā samapūryata ||
rathena kharayuktena tam āgatam udīkṣya saḥ | hanūmān vegasaṃpanno jaharṣa ca nanāda ca ||
taṃ toraṇaviṭaṅkasthaṃ hanūmantaṃ mahākapim | jambumālī mahābāhur vivyādha niśitaiḥ śaraiḥ ||
ardhacandreṇa vadane śirasy ekena karṇinā | bāhvor vivyādha nārācair daśabhis taṃ kapīśvaram ||
tasya tac chuśubhe tāmraṃ śareṇābhihataṃ mukham | śaradīvāmbujaṃ phullaṃ viddhaṃ bhāskararaśminā ||
По приказу владыки ракшасов вышел сильный сын Прахасты, большеклыкий Джамбумали, держащий лук. Он носил красные гирлянды и одежды, был украшен венком и прекрасными серьгами; огромный, с широко раскрытыми глазами, яростный, труднопобедимый в бою. Он с силой натягивал великий лук, подобный луку Шакры, с прекрасными стрелами, звучавший как ваджра и молния. Великий гул натягиваемого лука внезапно наполнил стороны света, промежуточные стороны и само небо. Когда быстроногий Хануман увидел его приближающимся на колеснице, запряжённой ослами, он возрадовался и заревел. Могучерукий Джамбумали пронзил острыми стрелами великого капи Ханумана, стоявшего на выступе ворот: стрелой-полумесяцем — в лицо, одной ушастой стрелой — в голову, и десятью нарачами — в обе руки владыки капи. Его медное лицо, поражённое стрелой, засияло, как осенний распустившийся лотос, пронзённый солнечным лучом.
a5a412e6ad1b · publicado 22 jun 2026, 0:00:00 UTC
Disponible enRUPasa de verso en verso con
Даже раны Ханумана становятся украшением его служения. Он не пугается появления сильного противника, а радуется возможности исполнить выбранную тактику до конца.