ततः पितुस् तद् वचनं निशम्य; प्रदक्षिणं दक्षसुतप्रभावः । चकार भर्तारम् अदीनसत्त्वो; रणाय वीरः प्रतिपन्नबुद्धिः ॥
ततस् तैः स्वगणैर् इष्टैर् इन्द्रजित् प्रतिपूजितः । युद्धोद्धतकृतोत्साहः संग्रामं प्रतिपद्यत ॥
श्रीमान् पद्मपलाशाक्षो राक्षसाधिपतेः सुतः । निर्जगाम महातेजाः समुद्र इव पर्वसु ॥
स पक्षि राजोपमतुल्यवेगैर्; व्यालैश् चतुर्भिः सिततीक्ष्णदंष्ट्रैः । रथं समायुक्तम् असंगवेगं; समारुरोहेन्द्रजिद् इन्द्रकल्पः ॥
स रथी धन्विनां श्रेष्ठः शस्त्रज्ञो ऽस्त्रविदां वरः । रथेनाभिययौ क्षिप्रं हनूमान् यत्र सो ऽभवत् ॥
स तस्य रथनिर्घोषं ज्यास्वनं कार्मुकस्य च । निशम्य हरिवीरो ऽसौ संप्रहृष्टतरो ऽभवत् ॥
सुमहच् चापम् आदाय शितशल्यांश् च सायकान् । हनूमन्तम् अभिप्रेत्य जगाम रणपण्डितः ॥
तस्मिंस् ततः संयति जातहर्षे; रणाय निर्गच्छति बाणपाणौ । दिशश् च सर्वाः कलुषा बभूवुर्; मृगाश् च रौद्रा बहुधा विनेदुः ॥
समागतास् तत्र तु नागयक्षा; महर्षयश् चक्रचराश् च सिद्धाः । नभः समावृत्य च पक्षिसंघा; विनेदुर् उच्चैः परमप्रहृष्टाः ॥
आयन्तं सरथं दृष्ट्वा तूर्णम् इन्द्रजितं कपिः । विननाद महानादं व्यवर्धत च वेगवान् ॥
इन्द्रजित् तु रथं दिव्यम् आस्थितश् चित्रकार्मुकः । धनुर् विस्फारयाम् आस तडिदूर्जितनिःस्वनम् ॥
ततः समेताव् अतितीक्ष्णवेगौ; महाबलौ तौ रणनिर्विशङ्कौ । कपिश् च रक्षोऽधिपतेश् च पुत्रः; सुरासुरेन्द्राव् इव बद्धवैरौ ॥
tataḥ pitus tad vacanaṃ niśamya; pradakṣiṇaṃ dakṣasutaprabhāvaḥ | cakāra bhartāram adīnasattvo; raṇāya vīraḥ pratipannabuddhiḥ ||
tatas taiḥ svagaṇair iṣṭair indrajit pratipūjitaḥ | yuddhoddhatakṛtotsāhaḥ saṃgrāmaṃ pratipadyata ||
śrīmān padmapalāśākṣo rākṣasādhipateḥ sutaḥ | nirjagāma mahātejāḥ samudra iva parvasu ||
sa pakṣi rājopamatulyavegair; vyālaiś caturbhiḥ sitatīkṣṇadaṃṣṭraiḥ | rathaṃ samāyuktam asaṃgavegaṃ; samārurohendrajid indrakalpaḥ ||
sa rathī dhanvināṃ śreṣṭhaḥ śastrajño 'stravidāṃ varaḥ | rathenābhiyayau kṣipraṃ hanūmān yatra so 'bhavat ||
sa tasya rathanirghoṣaṃ jyāsvanaṃ kārmukasya ca | niśamya harivīro 'sau saṃprahṛṣṭataro 'bhavat ||
sumahac cāpam ādāya śitaśalyāṃś ca sāyakān | hanūmantam abhipretya jagāma raṇapaṇḍitaḥ ||
tasmiṃs tataḥ saṃyati jātaharṣe; raṇāya nirgacchati bāṇapāṇau | diśaś ca sarvāḥ kaluṣā babhūvur; mṛgāś ca raudrā bahudhā vineduḥ ||
samāgatās tatra tu nāgayakṣā; maharṣayaś cakracarāś ca siddhāḥ | nabhaḥ samāvṛtya ca pakṣisaṃghā; vinedur uccaiḥ paramaprahṛṣṭāḥ ||
āyantaṃ sarathaṃ dṛṣṭvā tūrṇam indrajitaṃ kapiḥ | vinanāda mahānādaṃ vyavardhata ca vegavān ||
indrajit tu rathaṃ divyam āsthitaś citrakārmukaḥ | dhanur visphārayām āsa taḍidūrjitaniḥsvanam ||
tataḥ sametāv atitīkṣṇavegau; mahābalau tau raṇanirviśaṅkau | kapiś ca rakṣo'dhipateś ca putraḥ; surāsurendrāv iva baddhavairau ||
Услышав слова отца, герой неунывающего духа, подобный силой сыну Дакши, принял решение идти в бой и обошёл владыку справа. Затем Индраджит, почтённый своими любимыми отрядами, с рвением, поднятым битвой, приступил к сражению. Славный, лотосоокий, великосияющий сын владыки ракшасов вышел, словно океан в дни парван. Подобный Индре Индраджит взошёл на колесницу беспрепятственной скорости, запряжённую четырьмя белыми остроклыкими змеями, равными скоростью царю птиц. Этот колесничий, лучший лучников, знаток оружия и лучший среди знающих астра, быстро подъехал на колеснице к тому месту, где был Хануман. Услышав грохот его колесницы и звук тетивы лука, герой хари стал ещё радостнее. Взяв огромный лук и стрелы с острыми наконечниками, знаток боя направился к Хануману. Когда он, со стрелой в руке, радостно выходил к битве, все стороны света помутнели, а ужасные звери завыли разными голосами. Там собрались наги, якши, махарши и сиддхи, движущиеся кругами; стаи птиц закрыли небо и громко закричали, охваченные великой радостью. Увидев быстро приближающегося Индраджита на колеснице, капи издал великий рёв и, полный скорости, вырос ещё больше. А Индраджит, стоя на божественной колеснице с пёстрым луком, натянул лук, звучавший мощно, как молния. Тогда сошлись двое великосильных, сверхбыстрых и бесстрашных в бою: капи и сын владыки ракшасов, словно владыки богов и асуров, связанные враждой.
27c7814453d6 · publicado 22 jun 2026, 0:00:00 UTC
Disponible enRUPasa de verso en verso con
Выход Индраджита меняет масштаб боя. Небо, звери и небесные существа реагируют на встречу двух сил, потому что теперь против Ханумана выходит не просто воин, а владыка астра.