न नागा नापि गन्धर्वा नासुरा न मरुद्गणाः । तव राम मुखे स्थातुं शक्ताः प्रतिसमाधितुम् ॥
तव वीर्यवतः कच्चिन् मयि यद्य् अस्ति संभ्रमः । क्षिप्रं सुनिशितैर् बाणैर् हन्यतां युधि रावणः ॥
भ्रातुर् आदेशम् आदाय लक्ष्मणो वा परंतपः । स किमर्थं नरवरो न मां रक्षति राघवः ॥
शक्तौ तौ पुरुषव्याघ्रौ वाय्वग्निसमतेजसौ । सुराणाम् अपि दुर्धर्षौ किमर्थं माम् उपेक्षतः ॥
ममैव दुष्कृतं किं चिन् महद् अस्ति न संशयः । समर्थौ सहितौ यन् मां नापेक्षेते परंतपौ ॥
वैदेह्या वचनं श्रुत्वा करुणं साश्रुभाषितम् । पुनर् अप्य् अहम् आर्यां ताम् इदं वचनम् अब्रुवम् ॥
त्वच्छोकविमुखो रामो देवि सत्येन ते शपे । रामे दुःखाभिभूते च लक्ष्मणः परितप्यते ॥
कथं चिद् भवती दृष्टा न कालः परिशोचितुम् । इमं मुहूर्तं दुःखानाम् अन्तं द्रक्ष्यसि भामिनि ॥
ताव् उभौ नरशार्दूलौ राजपुत्राव् अरिंदमौ । त्वद्दर्शनकृतोत्साहौ लङ्कां भस्मीकरिष्यतः ॥
हत्वा च समरे रौद्रं रावणं सह बान्धवम् । राघवस् त्वां महाबाहुः स्वां पुरीं नयते ध्रुवम् ॥
na nāgā nāpi gandharvā nāsurā na marudgaṇāḥ | tava rāma mukhe sthātuṃ śaktāḥ pratisamādhitum ||
tava vīryavataḥ kaccin mayi yady asti saṃbhramaḥ | kṣipraṃ suniśitair bāṇair hanyatāṃ yudhi rāvaṇaḥ ||
bhrātur ādeśam ādāya lakṣmaṇo vā paraṃtapaḥ | sa kimarthaṃ naravaro na māṃ rakṣati rāghavaḥ ||
śaktau tau puruṣavyāghrau vāyvagnisamatejasau | surāṇām api durdharṣau kimarthaṃ mām upekṣataḥ ||
mamaiva duṣkṛtaṃ kiṃ cin mahad asti na saṃśayaḥ | samarthau sahitau yan māṃ nāpekṣete paraṃtapau ||
vaidehyā vacanaṃ śrutvā karuṇaṃ sāśrubhāṣitam | punar apy aham āryāṃ tām idaṃ vacanam abruvam ||
tvacchokavimukho rāmo devi satyena te śape | rāme duḥkhābhibhūte ca lakṣmaṇaḥ paritapyate ||
kathaṃ cid bhavatī dṛṣṭā na kālaḥ pariśocitum | imaṃ muhūrtaṃ duḥkhānām antaṃ drakṣyasi bhāmini ||
tāv ubhau naraśārdūlau rājaputrāv ariṃdamau | tvaddarśanakṛtotsāhau laṅkāṃ bhasmīkariṣyataḥ ||
hatvā ca samare raudraṃ rāvaṇaṃ saha bāndhavam | rāghavas tvāṃ mahābāhuḥ svāṃ purīṃ nayate dhruvam ||
«Ни наги, ни гандхарвы, ни асуры, ни сонмы Марутов не способны стоять перед твоим лицом и противостоять тебе, о Рама. Если у тебя, доблестного, есть забота обо мне, пусть Равана будет быстро убит в бою очень острыми стрелами. Или пусть Лакшмана, сокрушитель врагов, приняв приказ брата, защитит меня. Почему лучший из людей, Рагхава, не защищает меня? Эти два тигра среди людей, равные сиянием ветру и огню, способны и трудны для преодоления даже богам; почему они оставляют меня без внимания? Несомненно, у меня есть какое-то великое дурное деяние, если эти два способных сокрушителя врагов вместе не обращают на меня внимания». Услышав это жалостное слово Вайдехи, сказанное со слезами, я снова сказал той благородной: «О богиня, клянусь тебе истиной: Рама, погружённый в твою скорбь, отвёрнут от всего, а когда Рама подавлен скорбью, Лакшмана сильно страдает. Ты как-то найдена; теперь не время скорбеть. О блистательная, в этот миг ты увидишь конец страданий. Те два царских сына, тигры среди людей, покорители врагов, воодушевлённые тем, что ты найдена, обратят Ланку в пепел. Убив в битве грозного Равану вместе с родичами, могучерукий Рагхава несомненно поведёт тебя в свой город».
c10ea6342b07 · publicado 22 jun 2026, 0:00:00 UTC
Disponible enRUPasa de verso en verso con
Слова Ситы звучат как боль покинутой, но Хануман отвечает клятвой и возвращает ей уверенность: Рама не забыл её, он сражён её скорбью, и теперь действие неизбежно.