प्रहृष्टा मुदिता लङ्का मत्तद्विपसमाकुला । महती रथसंपूर्णा रक्षोगणसमाकुला ॥
दृढबद्धकवाटानि महापरिघवन्ति च । द्वाराणि विपुलान्य् अस्याश् चत्वारि सुमहान्ति च ॥
वप्रेषूपलयन्त्राणि बलवन्ति महान्ति च । आगतं परसैन्यं तैस् तत्र प्रतिनिवार्यते ॥
द्वारेषु संस्कृता भीमाः कालायसमयाः शिताः । शतशो रोचिता वीरैः शतघ्न्यो रक्षसां गणैः ॥
सौवर्णश् च महांस् तस्याः प्राकारो दुष्प्रधर्षणः । मणिविद्रुमवैदूर्यमुक्ताविचरितान्तरः ॥
सर्वतश् च महाभीमाः शीततोया महाशुभाः । अगाधा ग्राहवत्यश् च परिखा मीनसेविताः ॥
द्वारेषु तासां चत्वारः संक्रमाः परमायताः । यन्त्रैर् उपेता बहुभिर् महद्भिर् दृढसंधिभिः ॥
त्रायन्ते संक्रमास् तत्र परसैन्यागमे सति । यन्त्रैस् तैर् अवकीर्यन्ते परिखासु समन्ततः ॥
एकस् त्व् अकम्प्यो बलवान् संक्रमः सुमहादृढः । काञ्चनैर् बहुभिः स्तम्भैर् वेदिकाभिश् च शोभितः ॥
prahṛṣṭā muditā laṅkā mattadvipasamākulā | mahatī rathasaṃpūrṇā rakṣogaṇasamākulā ||
dṛḍhabaddhakavāṭāni mahāparighavanti ca | dvārāṇi vipulāny asyāś catvāri sumahānti ca ||
vapreṣūpalayantrāṇi balavanti mahānti ca | āgataṃ parasainyaṃ tais tatra pratinivāryate ||
dvāreṣu saṃskṛtā bhīmāḥ kālāyasamayāḥ śitāḥ | śataśo rocitā vīraiḥ śataghnyo rakṣasāṃ gaṇaiḥ ||
sauvarṇaś ca mahāṃs tasyāḥ prākāro duṣpradharṣaṇaḥ | maṇividrumavaidūryamuktāvicaritāntaraḥ ||
sarvataś ca mahābhīmāḥ śītatoyā mahāśubhāḥ | agādhā grāhavatyaś ca parikhā mīnasevitāḥ ||
dvāreṣu tāsāṃ catvāraḥ saṃkramāḥ paramāyatāḥ | yantrair upetā bahubhir mahadbhir dṛḍhasaṃdhibhiḥ ||
trāyante saṃkramās tatra parasainyāgame sati | yantrais tair avakīryante parikhāsu samantataḥ ||
ekas tv akampyo balavān saṃkramaḥ sumahādṛḍhaḥ | kāñcanair bahubhiḥ stambhair vedikābhiś ca śobhitaḥ ||
«Ланка радостна и ликующа, наполнена пьяными слонами; она велика, полна колесниц и толп ракшасов. У неё четыре широких и огромных ворот с крепко запертыми створками и великими засовами. На валах стоят большие и мощные камнемётные машины; ими там отражают подступившее вражеское войско. У ворот сотнями установлены страшные, острые, сделанные из чёрного железа шата-гхни, размещённые героями из отрядов ракшасов. Её огромная золотая стена трудна для штурма, а промежутки в ней украшены драгоценными камнями, кораллами, вайдурьями и жемчугом. Со всех сторон идут очень страшные, прекрасные, глубокие рвы с холодной водой, водяными хищниками и рыбами. У этих рвов при воротах четыре очень длинных перехода, оснащённых многими большими механизмами с крепкими соединениями. Когда приходит вражеское войско, эти переходы защищаются: механизмами их со всех сторон сбрасывают во рвы. Но один переход непоколебим, мощен и чрезвычайно крепок, украшен многими золотыми опорами и площадками».
76a32cd633de · publicado 22 jun 2026, 0:00:00 UTC
Disponible enRUPasa de verso en verso con
Описание Ланки показывает внешнюю полноту демонической силы: богатство, техника, стены, оружие и страх. Но сама подробность разведки уже начинает разрушать эту неприступность: то, что точно увидено, может быть преодолено.