सुनिविष्टं हितं वाक्यम् उक्तवन्तं विभीषणम् । अब्रवीत् परुषं वाक्यं रावणः कालचोदितः ॥
वसेत् सह सपत्नेन क्रुद्धेनाशीविषेण वा । न तु मित्रप्रवादेन संवसेच् छत्रुसेविना ॥
जानामि शीलं ज्ञातीनां सर्वलोकेषु राक्षस । हृष्यन्ति व्यसनेष्व् एते ज्ञातीनां ज्ञातयः सदा ॥
प्रधानं साधकं वैद्यं धर्मशीलं च राक्षस । ज्ञातयो ह्य् अवमन्यन्ते शूरं परिभवन्ति च ॥
नित्यम् अन्योन्यसंहृष्टा व्यसनेष्व् आततायिनः । प्रच्छन्नहृदया घोरा ज्ञातयस् तु भयावहाः ॥
श्रूयन्ते हस्तिभिर् गीताः श्लोकाः पद्मवने क्व चित् । पाशहस्तान् नरान् दृष्ट्वा शृणु तान् गदतो मम ॥
नाग्निर् नान्यानि शस्त्राणि न नः पाशा भयावहाः । घोराः स्वार्थप्रयुक्तास् तु ज्ञातयो नो भयावहाः ॥
उपायम् एते वक्ष्यन्ति ग्रहणे नात्र संशयः । कृत्स्नाद् भयाज् ज्ञातिभयं सुकष्टं विदितं च नः ॥
विद्यते गोषु संपन्नं विद्यते ब्राह्मणे दमः । विद्यते स्त्रीषु चापल्यं विद्यते ज्ञातितो भयम् ॥
ततो नेष्टम् इदं सौम्य यद् अहं लोकसत्कृतः । ऐश्वर्यम् अभिजातश् च रिपूणां मूर्ध्नि च स्थितः ॥
अन्यस् त्व् एवंविधं ब्रूयाद् वाक्यम् एतन् निशाचर । अस्मिन् मुहूर्ते न भवेत् त्वां तु धिक् कुलपांसनम् ॥
suniviṣṭaṃ hitaṃ vākyam uktavantaṃ vibhīṣaṇam | abravīt paruṣaṃ vākyaṃ rāvaṇaḥ kālacoditaḥ ||
vaset saha sapatnena kruddhenāśīviṣeṇa vā | na tu mitrapravādena saṃvasec chatrusevinā ||
jānāmi śīlaṃ jñātīnāṃ sarvalokeṣu rākṣasa | hṛṣyanti vyasaneṣv ete jñātīnāṃ jñātayaḥ sadā ||
pradhānaṃ sādhakaṃ vaidyaṃ dharmaśīlaṃ ca rākṣasa | jñātayo hy avamanyante śūraṃ paribhavanti ca ||
nityam anyonyasaṃhṛṣṭā vyasaneṣv ātatāyinaḥ | pracchannahṛdayā ghorā jñātayas tu bhayāvahāḥ ||
śrūyante hastibhir gītāḥ ślokāḥ padmavane kva cit | pāśahastān narān dṛṣṭvā śṛṇu tān gadato mama ||
nāgnir nānyāni śastrāṇi na naḥ pāśā bhayāvahāḥ | ghorāḥ svārthaprayuktās tu jñātayo no bhayāvahāḥ ||
upāyam ete vakṣyanti grahaṇe nātra saṃśayaḥ | kṛtsnād bhayāj jñātibhayaṃ sukaṣṭaṃ viditaṃ ca naḥ ||
vidyate goṣu saṃpannaṃ vidyate brāhmaṇe damaḥ | vidyate strīṣu cāpalyaṃ vidyate jñātito bhayam ||
tato neṣṭam idaṃ saumya yad ahaṃ lokasatkṛtaḥ | aiśvaryam abhijātaś ca ripūṇāṃ mūrdhni ca sthitaḥ ||
anyas tv evaṃvidhaṃ brūyād vākyam etan niśācara | asmin muhūrte na bhavet tvāṃ tu dhik kulapāṃsanam ||
Равана, гонимый роком, сказал грубую речь Вибхишане, который произнёс хорошо обоснованное и полезное слово: «Можно жить с соперником или с разгневанной ядовитой змеёй, но нельзя жить с тем, кто называется другом, а служит врагу. О ракшас, я знаю нрав родственников во всех мирах: родственники всегда радуются бедствиям своих родственников. О ракшас, родственники презирают выдающегося, успешного, учёного и нравственного человека, унижают героя. Родственники всегда страшны: скрывая сердца, они радуются бедствиям друг друга и становятся враждебными. Известны стихи, пропетые слонами где-то в лотосовом лесу, когда они увидели людей с петлями в руках; слушай, я произнесу их: “Не огонь, не другие оружия и не петли страшны для нас; страшны для нас родственники, движимые собственной выгодой. Они подскажут способ нашей поимки — в этом нет сомнения. Из всех страхов страх перед родственниками особенно мучителен, и он известен нам”. У коров есть достаток, у брахмана — самообуздание, у женщин — непостоянство, а от родственников приходит страх. Поэтому мне не любо, о любезный, что я почитаем миром, обладаю властью, благородно рождён и стою на головах врагов. О ночной ходок, если бы кто-то другой сказал такое слово, в этот момент его уже не было бы. Но тебе — позор, позор рода!»
3fa3e7bdea7e · publicado 22 jun 2026, 0:00:00 UTC
Disponible enRUPasa de verso en verso con
Равана не отвечает на суть совета. Он переводит разговор с дхармы на подозрение к родственнику: когда сердце не хочет истины, даже благо звучит как предательство.