श्वेतो रजतसंकाशः सबलो भीमविक्रमः । बुद्धिमान् वानरः शूरस् त्रिषु लोकेषु विश्रुतः ॥
तूर्णं सुग्रीवम् आगम्य पुनर् गच्छति वानरः । विभजन् वानरीं सेनाम् अनीकानि प्रहर्षयन् ॥
यः पुरा गोमतीतीरे रम्यं पर्येति पर्वतम् । नाम्ना संकोचनो नाम नानानगयुतो गिरिः ॥
तत्र राज्यं प्रशास्त्य् एष कुमुदो नाम यूथपः । यो ऽसौ शतसहस्राणां सहस्रं परिकर्षति ॥
यस्य वाला बहुव्यामा दीर्घलाङ्गूलम् आश्रिताः । ताम्राः पीताः सिताः श्वेताः प्रकीर्णा घोरकर्मणः ॥
अदीनो रोषणश् चण्डः संग्रामम् अभिकाङ्क्षति । एषैवाशंसते लङ्कां स्वेनानीकेन मर्दितुम् ॥
यस् त्व् एष सिंहसंकाशः कपिलो दीर्घकेसरः । निभृतः प्रेक्षते लङ्कां दिधक्षन्न् इव चक्षुषा ॥
विन्ध्यं कृष्णगिरिं सह्यं पर्वतं च सुदर्शनम् । राजन् सततम् अध्यास्ते रम्भो नामैष यूथपः ॥
शतं शतसहस्राणां त्रिंशच् च हरियूथपाः । परिवार्यानुगच्छन्ति लङ्कां मर्दितुम् ओजसा ॥
यस् तु कर्णौ विवृणुते जृम्भते च पुनः पुनः । न च संविजते मृत्योर् न च यूथाद् विधावति ॥
महाबलो वीतभयो रम्यं साल्वेय पर्वतम् । राजन् सततम् अध्यास्ते शरभो नाम यूथपः ॥
एतस्य बलिनः सर्वे विहारा नाम यूथपाः । राजञ् शतसहस्राणि चत्वारिंशत् तथैव च ॥
śveto rajatasaṃkāśaḥ sabalo bhīmavikramaḥ | buddhimān vānaraḥ śūras triṣu lokeṣu viśrutaḥ ||
tūrṇaṃ sugrīvam āgamya punar gacchati vānaraḥ | vibhajan vānarīṃ senām anīkāni praharṣayan ||
yaḥ purā gomatītīre ramyaṃ paryeti parvatam | nāmnā saṃkocano nāma nānānagayuto giriḥ ||
tatra rājyaṃ praśāsty eṣa kumudo nāma yūthapaḥ | yo 'sau śatasahasrāṇāṃ sahasraṃ parikarṣati ||
yasya vālā bahuvyāmā dīrghalāṅgūlam āśritāḥ | tāmrāḥ pītāḥ sitāḥ śvetāḥ prakīrṇā ghorakarmaṇaḥ ||
adīno roṣaṇaś caṇḍaḥ saṃgrāmam abhikāṅkṣati | eṣaivāśaṃsate laṅkāṃ svenānīkena marditum ||
yas tv eṣa siṃhasaṃkāśaḥ kapilo dīrghakesaraḥ | nibhṛtaḥ prekṣate laṅkāṃ didhakṣann iva cakṣuṣā ||
vindhyaṃ kṛṣṇagiriṃ sahyaṃ parvataṃ ca sudarśanam | rājan satatam adhyāste rambho nāmaiṣa yūthapaḥ ||
śataṃ śatasahasrāṇāṃ triṃśac ca hariyūthapāḥ | parivāryānugacchanti laṅkāṃ marditum ojasā ||
yas tu karṇau vivṛṇute jṛmbhate ca punaḥ punaḥ | na ca saṃvijate mṛtyor na ca yūthād vidhāvati ||
mahābalo vītabhayo ramyaṃ sālveya parvatam | rājan satatam adhyāste śarabho nāma yūthapaḥ ||
etasya balinaḥ sarve vihārā nāma yūthapāḥ | rājañ śatasahasrāṇi catvāriṃśat tathaiva ca ||
«Швета, сияющий как серебро, с войском, страшной доблести, разумный ванара-герой, известный в трёх мирах, быстро приходит к Сугриве и снова уходит, распределяя ванарскую армию и ободряя отряды. А тот, кто прежде обитал на прекрасной горе Самкочана на берегу Гомати, горе со множеством разных деревьев, — это предводитель отряда по имени Кумуда. Там он правит царством и ведёт за собой тысячу сотен тысяч. Его волосы во много саженей покрывают длинный хвост; они медные, жёлтые, светлые и белые, раскинутые у этого страшного в делах. Он не унывает, гневлив и яростен, желает битвы и тоже стремится сокрушить Ланку своим войском. А тот, кто подобен льву, рыжеват, с длинной гривой и неподвижно смотрит на Ланку, словно желая сжечь её взглядом, — это предводитель отряда по имени Рамбха. О царь, он постоянно обитает на Виндхье, Кришнагири, Сахье и горе Сударшане. Сто тридцать сотен тысяч предводителей ванарских отрядов следуют за ним, окружив его, чтобы мощью сокрушить Ланку. А тот, кто раскрывает уши и снова и снова потягивается, не боится смерти и не убегает от отряда, — это великосильный и бесстрашный предводитель по имени Шарабха. О царь, он постоянно обитает на прекрасной горе Сальвея. Все его сильные предводители отрядов называются Вихары; их, о царь, сорок сотен тысяч».
968a937a19e2 · publicado 22 jun 2026, 0:00:00 UTC
Disponible enRUPasa de verso en verso con
Каждый названный вождь имеет своё место, силу и задачу. Войско Рамы не безликая масса: это множество личных служений, соединённых одной целью.