यवीयान् अस्य तु भ्राता पश्यैनं पर्वतोपमम् । भ्रात्रा समानो रूपेण विशिष्टस् तु पराक्रमे ॥
स एष जाम्बवान् नाम महायूथपयूथपः । प्रशान्तो गुरुवर्ती च संप्रहारेष्व् अमर्षणः ॥
एतेन साह्यं सुमहत् कृतं शक्रस्य धीमता । देवासुरे जाम्बवता लब्धाश् च बहवो वराः ॥
आरुह्य पर्वताग्रेभ्यो महाभ्रविपुलाः शिलाः । मुञ्चन्ति विपुलाकारा न मृत्योर् उद्विजन्ति च ॥
राक्षसानां च सदृशाः पिशाचानां च रोमशाः । एतस्य सैन्ये बहवो विचरन्त्य् अग्नितेजसः ॥
यं त्व् एनम् अभिसंरब्धं प्लवमानम् इव स्थितम् । प्रेक्षन्ते वानराः सर्वे स्थितं यूथपयूथपम् ॥
एष राजन् सहस्राक्षं पर्युपास्ते हरीश्वरः । बलेन बलसंपन्नो रम्भो नामैष यूथपः ॥
यः स्थितं योजने शैलं गच्छन् पार्श्वेन सेवते । ऊर्ध्वं तथैव कायेन गतः प्राप्नोति योजनम् ॥
यस्मान् न परमं रूपं चतुष्पादेषु विद्यते । श्रुतः संनादनो नाम वानराणां पितामहः ॥
येन युद्धं तदा दत्तं रणे शक्रस्य धीमता । पराजयश् च न प्राप्तः सो ऽयं यूथपयूथपः । यस्य विक्रममाणस्य शक्रस्येव पराक्रमः ॥
yavīyān asya tu bhrātā paśyainaṃ parvatopamam | bhrātrā samāno rūpeṇa viśiṣṭas tu parākrame ||
sa eṣa jāmbavān nāma mahāyūthapayūthapaḥ | praśānto guruvartī ca saṃprahāreṣv amarṣaṇaḥ ||
etena sāhyaṃ sumahat kṛtaṃ śakrasya dhīmatā | devāsure jāmbavatā labdhāś ca bahavo varāḥ ||
āruhya parvatāgrebhyo mahābhravipulāḥ śilāḥ | muñcanti vipulākārā na mṛtyor udvijanti ca ||
rākṣasānāṃ ca sadṛśāḥ piśācānāṃ ca romaśāḥ | etasya sainye bahavo vicaranty agnitejasaḥ ||
yaṃ tv enam abhisaṃrabdhaṃ plavamānam iva sthitam | prekṣante vānarāḥ sarve sthitaṃ yūthapayūthapam ||
eṣa rājan sahasrākṣaṃ paryupāste harīśvaraḥ | balena balasaṃpanno rambho nāmaiṣa yūthapaḥ ||
yaḥ sthitaṃ yojane śailaṃ gacchan pārśvena sevate | ūrdhvaṃ tathaiva kāyena gataḥ prāpnoti yojanam ||
yasmān na paramaṃ rūpaṃ catuṣpādeṣu vidyate | śrutaḥ saṃnādano nāma vānarāṇāṃ pitāmahaḥ ||
yena yuddhaṃ tadā dattaṃ raṇe śakrasya dhīmatā | parājayaś ca na prāptaḥ so 'yaṃ yūthapayūthapaḥ | yasya vikramamāṇasya śakrasyeva parākramaḥ ||
«Посмотри на его младшего брата, подобного горе: обликом он равен брату, но превосходит его доблестью. Это Джамбаван, великий предводитель предводителей отрядов: спокойный, следующий старшим, но в сражениях неукротимый. Этот мудрый Джамбаван оказал Шакре великую помощь в битве богов и асуров и получил многие дары. Его огромные телом воины взбираются на вершины гор и сбрасывают скалы, огромные как большие облака, и не страшатся смерти. В его войске движется множество волосатых, сияющих как огонь, подобных ракшасам и пишачам. А того, кого все ванары видят стоящим разъярённым, словно готовым прыгнуть, — это владыка ванар, предводитель предводителей отрядов по имени Рамбха, наделённый силой. О царь, он служит Тысячеглазому. Идя, он боком задевает гору в йоджану высотой, а когда вытягивается вверх, его тело достигает йоджаны. Среди четвероногих нет облика выше его. Известен также Самнадана, прародитель ванар: этот мудрый предводитель предводителей в бою помог Шакре и не потерпел поражения; когда он действует доблестно, его доблесть подобна доблести Шакры».
bd71a18fb424 · publicado 22 jun 2026, 0:00:00 UTC
Disponible enRUPasa de verso en verso con
Джамбаван и древние вожди связывают поход Рамы с прежними битвами богов и асуров. Это не случайное собрание сил, а продолжение космической борьбы дхармы с насилием.