रावणस्य ततो रामो धनुर्मुक्तैः शितैः शरैः । चतुर्भिश् चतुरो दीप्तान् हयान् प्रत्यपसर्पयत् ॥
स क्रोधवशम् आपन्नो हयानाम् अपसर्पणे । मुमोच निशितान् बाणान् राघवाय निशाचरः ॥
सो ऽतिविद्धो बलवता दशग्रीवेण राघवः । जगाम न विकारं च न चापि व्यथितो ऽभवत् ॥
चिक्षेप च पुनर् बाणान् वज्रपातसमस्वनान् । सारथिं वज्रहस्तस्य समुद्दिश्य निशाचरः ॥
मातलेस् तु महावेगाः शरीरे पतिताः शराः । न सूक्ष्मम् अपि संमोहं व्यथां वा प्रददुर् युधि ॥
तया धर्षणया क्रोद्धो मातलेर् न तथात्मनः । चकार शरजालेन राघवो विमुखं रिपुम् ॥
विंशतिं त्रिंशतं षष्टिं शतशो ऽथ सहस्रशः । मुमोच राघवो वीरः सायकान् स्यन्दने रिपोः ॥
गदानां मुसलानां च परिघाणां च निस्वनैः । शराणां पुङ्खवातैश् च क्षुभिताः सप्तसागराः ॥
क्षुब्धानां सागराणां च पातालतलवासिनः । व्यथिताः पन्नगाः सर्वे दानवाश् च सहस्रशः ॥
चकम्पे मेदिनी कृत्स्ना सशैलवनकानना । भास्करो निष्प्रभश् चाभून् न ववौ चापि मारुतः ॥
ततो देवाः सगन्धर्वाः सिद्धाश् च परमर्षयः । चिन्ताम् आपेदिरे सर्वे सकिंनरमहोरगाः ॥
स्वस्ति गोब्राह्मणेभ्यो ऽस्तु लोकास् तिष्ठन्तु शाश्वताः । जयतां राघवः संख्ये रावणं राक्षसेश्वरम् ॥
rāvaṇasya tato rāmo dhanurmuktaiḥ śitaiḥ śaraiḥ | caturbhiś caturo dīptān hayān pratyapasarpayat ||
sa krodhavaśam āpanno hayānām apasarpaṇe | mumoca niśitān bāṇān rāghavāya niśācaraḥ ||
so 'tividdho balavatā daśagrīveṇa rāghavaḥ | jagāma na vikāraṃ ca na cāpi vyathito 'bhavat ||
cikṣepa ca punar bāṇān vajrapātasamasvanān | sārathiṃ vajrahastasya samuddiśya niśācaraḥ ||
mātales tu mahāvegāḥ śarīre patitāḥ śarāḥ | na sūkṣmam api saṃmohaṃ vyathāṃ vā pradadur yudhi ||
tayā dharṣaṇayā kroddho mātaler na tathātmanaḥ | cakāra śarajālena rāghavo vimukhaṃ ripum ||
viṃśatiṃ triṃśataṃ ṣaṣṭiṃ śataśo 'tha sahasraśaḥ | mumoca rāghavo vīraḥ sāyakān syandane ripoḥ ||
gadānāṃ musalānāṃ ca parighāṇāṃ ca nisvanaiḥ | śarāṇāṃ puṅkhavātaiś ca kṣubhitāḥ saptasāgarāḥ ||
kṣubdhānāṃ sāgarāṇāṃ ca pātālatalavāsinaḥ | vyathitāḥ pannagāḥ sarve dānavāś ca sahasraśaḥ ||
cakampe medinī kṛtsnā saśailavanakānanā | bhāskaro niṣprabhaś cābhūn na vavau cāpi mārutaḥ ||
tato devāḥ sagandharvāḥ siddhāś ca paramarṣayaḥ | cintām āpedire sarve sakiṃnaramahoragāḥ ||
svasti gobrāhmaṇebhyo 'stu lokās tiṣṭhantu śāśvatāḥ | jayatāṃ rāghavaḥ saṃkhye rāvaṇaṃ rākṣaseśvaram ||
Затем Рама четырьмя острыми стрелами, выпущенными из лука, отогнал четырёх сияющих коней Раваны. Когда его кони отступили, ночной странник Равана попал во власть гнева и выпустил острые стрелы в Рагхаву. Рагхава, сильно пронзённый могучим Десятишеим, не изменился и не был потрясён. Тогда ночной странник снова бросил стрелы, звуком подобные падению молнии, нацелившись на возничего Ваджрахастого. Великостремительные стрелы упали в тело Матали, но в бою не причинили ему ни малейшего помрачения и боли. Разгневанный этим оскорблением Матали больше, чем собственным ранением, Рагхава сетью стрел заставил врага отвернуться. Герой Рагхава выпустил в колесницу врага стрелы: двадцать, тридцать, шестьдесят, затем сотнями и тысячами. От звуков булав, пестов и палиц, а также от ветра оперений стрел взволновались семь океанов. Когда океаны взволновались, все змеи, живущие на дне Паталы, и тысячи данавов пришли в смятение. Вся земля с горами, лесами и рощами задрожала, солнце лишилось блеска, и ветер перестал дуть. Тогда все боги с гандхарвами, сиддхи, высшие риши, кимнары и великие змеи пришли в тревогу и сказали: «Да будет благо коровам и брахманам; пусть миры стоят вечно; пусть Рагхава победит в бою Равану, владыку ракшасов».
da0bccce805e · publicado 22 jun 2026, 0:00:00 UTC
Disponible enRUPasa de verso en verso con
Рама особенно гневается из-за удара по Матали. Его праведность проявляется в защите того, кто служит делу дхармы, а не только в ответе на личное оскорбление.