अथ संस्मारयाम् आस राघवं मातलिस् तदा । अजानन्न् इव किं वीर त्वम् एनम् अनुवर्तसे ॥
विसृजास्मै वधाय त्वम् अस्त्रं पैतामहं प्रभो । विनाशकालः कथितो यः सुरैः सो ऽद्य वर्तते ॥
ततः संस्मारितो रामस् तेन वाक्येन मातलेः । जग्राह स शरं दीप्तं निश्वसन्तम् इवोरगम् ॥
यम् अस्मै प्रथमं प्रादाद् अगस्त्यो भगवान् ऋषिः । ब्रह्मदत्तं महद् बाणम् अमोघं युधि वीर्यवान् ॥
ब्रह्मणा निर्मितं पूर्वम् इन्द्रार्थम् अमितौजसा । दत्तं सुरपतेः पूर्वं त्रिलोकजयकाङ्क्षिणः ॥
यस्य वाजेषु पवनः फले पावकभास्करौ । शरीरम् आकाशमयं गौरवे मेरुमन्दरौ ॥
जाज्वल्यमानं वपुषा सुपुङ्खं हेमभूषितम् । तेजसा सर्वभूतानां कृतं भास्करवर्चसं ॥
सधूमम् इव कालाग्निं दीप्तम् आशीविषं यथा । रथनागाश्ववृन्दानां भेदनं क्षिप्रकारिणम् ॥
द्वाराणां परिघाणां च गिरीणाम् अपि भेदनम् । नानारुधिरसिक्ताङ्गं मेदोदिग्धं सुदारुणम् ॥
वज्रसारं महानादं नानासमितिदारुणम् । सर्ववित्रासनं भीमं श्वसन्तम् इव पन्नगम् ॥
कङ्कगृध्रबलानां च गोमायुगणरक्षसाम् । नित्यं भक्षप्रदं युद्धे यमरूपं भयावहम् ॥
नन्दनं वानरेन्द्राणां रक्षसाम् अवसादनम् । वाजितं विविधैर् वाजैश् चारुचित्रैर् गरुत्मतः ॥
तम् उत्तमेषुं लोकानाम् इक्ष्वाकुभयनाशनम् । द्विषतां कीर्तिहरणं प्रहर्षकरम् आत्मनः ॥
atha saṃsmārayām āsa rāghavaṃ mātalis tadā | ajānann iva kiṃ vīra tvam enam anuvartase ||
visṛjāsmai vadhāya tvam astraṃ paitāmahaṃ prabho | vināśakālaḥ kathito yaḥ suraiḥ so 'dya vartate ||
tataḥ saṃsmārito rāmas tena vākyena mātaleḥ | jagrāha sa śaraṃ dīptaṃ niśvasantam ivoragam ||
yam asmai prathamaṃ prādād agastyo bhagavān ṛṣiḥ | brahmadattaṃ mahad bāṇam amoghaṃ yudhi vīryavān ||
brahmaṇā nirmitaṃ pūrvam indrārtham amitaujasā | dattaṃ surapateḥ pūrvaṃ trilokajayakāṅkṣiṇaḥ ||
yasya vājeṣu pavanaḥ phale pāvakabhāskarau | śarīram ākāśamayaṃ gaurave merumandarau ||
jājvalyamānaṃ vapuṣā supuṅkhaṃ hemabhūṣitam | tejasā sarvabhūtānāṃ kṛtaṃ bhāskaravarcasaṃ ||
sadhūmam iva kālāgniṃ dīptam āśīviṣaṃ yathā | rathanāgāśvavṛndānāṃ bhedanaṃ kṣiprakāriṇam ||
dvārāṇāṃ parighāṇāṃ ca girīṇām api bhedanam | nānārudhirasiktāṅgaṃ medodigdhaṃ sudāruṇam ||
vajrasāraṃ mahānādaṃ nānāsamitidāruṇam | sarvavitrāsanaṃ bhīmaṃ śvasantam iva pannagam ||
kaṅkagṛdhrabalānāṃ ca gomāyugaṇarakṣasām | nityaṃ bhakṣapradaṃ yuddhe yamarūpaṃ bhayāvaham ||
nandanaṃ vānarendrāṇāṃ rakṣasām avasādanam | vājitaṃ vividhair vājaiś cārucitrair garutmataḥ ||
tam uttameṣuṃ lokānām ikṣvākubhayanāśanam | dviṣatāṃ kīrtiharaṇaṃ praharṣakaram ātmanaḥ ||
Тогда Матали напомнил Рагхаве: «Герой, почему ты следуешь за ним, словно не знаешь? Владыка, выпусти для его убийства оружие Прадеда. То время уничтожения, которое назвали боги, наступило сегодня». Напомненный этим словом Матали, Рама взял сияющую стрелу, дышащую словно змея. Эту великую, непромахивающуюся в бою стрелу, данную Брахмой, прежде дал ему благой риши Агастья. Безмерносильный Брахма прежде создал её для Индры и дал владыке богов, желавшему победы над тремя мирами. В её перьях был ветер, в наконечнике — огонь и солнце, тело её было из пространства, а тяжестью она была как Меру и Мандара. Она ярко пылала телом, имела прекрасное оперение, была украшена золотом и создана с блеском солнца силой всех существ. Она была как дымный огонь времени, пылающая как ядовитая змея, быстро действующая, пробивающая множества колесниц, слонов и коней, пробивающая ворота, засовы и даже горы. Её тело было смочено разной кровью, смазано жиром, она была очень страшна, молниесущна, великозвучна, ужасна в разных битвах, устрашала всех, дышала словно змея. В бою она постоянно давала пищу цаплям, грифам, воронам, стаям шакалов и ракшасам; она была образом Ямы, наводящим страх, радостью владык ванаров и погибелью ракшасов. Оперённая прекрасными пёстрыми перьями Гаруды, она была лучшей стрелой миров, уничтожала страх Икшваку, уносила славу врагов и приносила радость самому Раме.
3921f225d2ae · publicado 22 jun 2026, 0:00:00 UTC
Disponible enRUPasa de verso en verso con
Матали не даёт новое оружие, а напоминает о уже данном средстве. Решающая победа приходит тогда, когда сила соединяется с правильным временем, памятью о наставлении и точным знанием цели.