इत्य् एवं ब्रुवतस् तस्य सीता रामस्य तद्वचः । मृगीवोत्फुल्लनयना बभूवाश्रुपरिप्लुता ॥
पश्यतस् तां तु रामस्य भूयः क्रोधो ऽभ्यवर्तत । प्रभूताज्यावसिक्तस्य पावकस्येव दीप्यतः ॥
स बद्ध्वा भ्रुकुटिं वक्त्रे तिर्यक्प्रेक्षितलोचनः । अब्रवीत् परुषं सीतां मध्ये वानररक्षसाम् ॥
यत् कर्तव्यं मनुष्येण धर्षणां परिमार्जता । तत् कृतं सकलं सीते शत्रुहस्ताद् अमर्षणात् ॥
निर्जिता जीवलोकस्य तपसा भावितात्मना । अगस्त्येन दुराधर्षा मुनिना दक्षिणेव दिक् ॥
विदितश् चास्तु भद्रं ते यो ऽयं रणपरिश्रमः । स तीर्णः सुहृदां वीर्यान् न त्वदर्थं मया कृतः ॥
रक्षता तु मया वृत्तम् अपवादं च सर्वशः । प्रख्यातस्यात्मवंशस्य न्यङ्गं च परिमार्जता ॥
प्राप्तचारित्रसंदेहा मम प्रतिमुखे स्थिता । दीपो नेत्रातुरस्येव प्रतिकूलासि मे दृढम् ॥
ity evaṃ bruvatas tasya sītā rāmasya tadvacaḥ | mṛgīvotphullanayanā babhūvāśrupariplutā ||
paśyatas tāṃ tu rāmasya bhūyaḥ krodho 'bhyavartata | prabhūtājyāvasiktasya pāvakasyeva dīpyataḥ ||
sa baddhvā bhrukuṭiṃ vaktre tiryakprekṣitalocanaḥ | abravīt paruṣaṃ sītāṃ madhye vānararakṣasām ||
yat kartavyaṃ manuṣyeṇa dharṣaṇāṃ parimārjatā | tat kṛtaṃ sakalaṃ sīte śatruhastād amarṣaṇāt ||
nirjitā jīvalokasya tapasā bhāvitātmanā | agastyena durādharṣā muninā dakṣiṇeva dik ||
viditaś cāstu bhadraṃ te yo 'yaṃ raṇapariśramaḥ | sa tīrṇaḥ suhṛdāṃ vīryān na tvadarthaṃ mayā kṛtaḥ ||
rakṣatā tu mayā vṛttam apavādaṃ ca sarvaśaḥ | prakhyātasyātmavaṃśasya nyaṅgaṃ ca parimārjatā ||
prāptacāritrasaṃdehā mama pratimukhe sthitā | dīpo netrāturasyeva pratikūlāsi me dṛḍham ||
Пока Рама так говорил, Сита, услышав эти слова Рамы, стала похожа на лань с широко раскрытыми глазами и залилась слезами. Но когда Рама смотрел на неё, его гнев разгорелся ещё сильнее, словно огонь, обильно политый топлёным маслом. Нахмурив брови и глядя искоса, он сурово сказал Сите посреди ванаров и ракшасов: «Сита, всё, что должен сделать человек, стирающий оскорбление, нанесённое рукой врага, из негодования мною полностью сделано. Как трудноодолимая южная сторона была покорена мудрецом Агастьей, чья душа очищена аскезой, так и это дело в мире живых покорено. И пусть будет тебе известно, благо тебе: этот боевой труд преодолён силой друзей; он был совершён мною не ради тебя, а ради защиты моего поведения, ради устранения всякого порицания и ради стирания пятна с моего прославленного рода. Ты стоишь передо мной как та, на чьё поведение пало сомнение; ты для меня тяжко неприятна, как светильник для человека с больными глазами».
fdfa91aec70b · publicado 22 jun 2026, 0:00:00 UTC
Disponible enRUPasa de verso en verso con
Слова звучат жестоко, и текст не скрывает этого: он показывает слёзы Ситы и смятение сцены. Драматический смысл в том, что личная чистота Ситы теперь должна быть явлена не частным доверием, а перед всем собранием, где возникло общественное подозрение.