तत्राहम् एकाम् अद्राक्षम् अशोकवनिकां गताम् । कौशेयवस्त्रां मलिनां निरानन्दां दृढव्रताम् ॥
तया समेत्य विधिवत् पृष्ट्वा सर्वम् अनिन्दिताम् । अभिज्ञानं मणिं लब्ध्वा चरितार्थो ऽहम् आगतः ॥
मया च पुनर् आगम्य रामस्याक्लिष्टकर्मणः । अभिज्ञानं मया दत्तम् अर्चिष्मान् स महामणिः ॥
श्रुत्वा तां मैथिलीं हृष्टस् त्व् आशशंसे स जीवितम् । जीवितान्तम् अनुप्राप्तः पीत्वामृतम् इवातुरः ॥
उद्योजयिष्यन्न् उद्योगं दध्रे लङ्कावधे मनः । जिघांसुर् इव लोकांस् ते सर्वांल् लोकान् विभावसुः ॥
ततः समुद्रम् आसाद्य नलं सेतुम् अकारयत् । अतरत् कपिवीराणां वाहिनी तेन सेतुना ॥
प्रहस्तम् अवधीन् नीलः कुम्भकर्णं तु राघवः । लक्ष्मणो रावणसुतं स्वयं रामस् तु रावणम् ॥
स शक्रेण समागम्य यमेन वरुणेन च । सुरर्षिभिश् च काकुत्स्थो वरांल् लेभे परंतपः ॥
स तु दत्तवरः प्रीत्या वानरैश् च समागतः । पुष्पकेण विमानेन किष्किन्धाम् अभ्युपागमत् ॥
तं गङ्गां पुनर् आसाद्य वसन्तं मुनिसंनिधौ । अविघ्नं पुष्ययोगेन श्वो रामं द्रष्टुम् अर्हसि ॥
tatrāham ekām adrākṣam aśokavanikāṃ gatām | kauśeyavastrāṃ malināṃ nirānandāṃ dṛḍhavratām ||
tayā sametya vidhivat pṛṣṭvā sarvam aninditām | abhijñānaṃ maṇiṃ labdhvā caritārtho 'ham āgataḥ ||
mayā ca punar āgamya rāmasyākliṣṭakarmaṇaḥ | abhijñānaṃ mayā dattam arciṣmān sa mahāmaṇiḥ ||
śrutvā tāṃ maithilīṃ hṛṣṭas tv āśaśaṃse sa jīvitam | jīvitāntam anuprāptaḥ pītvāmṛtam ivāturaḥ ||
udyojayiṣyann udyogaṃ dadhre laṅkāvadhe manaḥ | jighāṃsur iva lokāṃs te sarvāṃl lokān vibhāvasuḥ ||
tataḥ samudram āsādya nalaṃ setum akārayat | atarat kapivīrāṇāṃ vāhinī tena setunā ||
prahastam avadhīn nīlaḥ kumbhakarṇaṃ tu rāghavaḥ | lakṣmaṇo rāvaṇasutaṃ svayaṃ rāmas tu rāvaṇam ||
sa śakreṇa samāgamya yamena varuṇena ca | surarṣibhiś ca kākutstho varāṃl lebhe paraṃtapaḥ ||
sa tu dattavaraḥ prītyā vānaraiś ca samāgataḥ | puṣpakeṇa vimānena kiṣkindhām abhyupāgamat ||
taṃ gaṅgāṃ punar āsādya vasantaṃ munisaṃnidhau | avighnaṃ puṣyayogena śvo rāmaṃ draṣṭum arhasi ||
«Там я увидел одну женщину, вошедшую в рощу Ашока: в шёлковой одежде, загрязнённую, лишённую радости, но твёрдую в обете. Встретившись с безупречной Ситой как должно, расспросив её обо всём и получив драгоценность как знак узнавания, я вернулся, достигнув цели. Затем, снова придя к Раме неутомимых деяний, я передал ему этот сияющий великий камень как знак узнавания. Услышав о Майтхили, Рама обрадовался и стал надеяться на жизнь, словно больной, уже дошедший до конца жизни, выпил нектар. Желая поднять усилие, он сосредоточил ум на уничтожении Ланки, словно огонь, желающий сжечь все миры. Затем, достигнув океана, он велел Нале построить мост, и войско героев-обезьян переправилось по этому мосту. Нила убил Прахасту, Рагхава — Кумбхакарну, Лакшмана — сына Раваны, а сам Рама — Равану. После этого Какутстха, губитель врагов, встретился с Шакрой, Ямой, Варуной и божественными риши и получил дары. Получив дары и радостно собравшись с обезьянами, он на колеснице Пушпаке прибыл к Кишкиндхе. Теперь он снова достиг Ганги и живёт рядом с мудрецом. Завтра, без препятствий, при соединении Пушьи, ты должен увидеть Раму».
371f0117d600 · publicado 22 jun 2026, 0:00:00 UTC
Disponible enRUPasa de verso en verso con
Весть о Сите оживляет Раму, как нектар возвращает жизнь умирающему. Но эта радость сразу превращается в действие: мост, битва и возвращение становятся следствием любви, которая не остаётся только чувством.