राक्षसेन्द्रो ऽभिषिक्तस् तु भ्रातृभ्यां सहितस् तदा । ततः प्रदानं राक्षस्या भगिन्याः समचिन्तयत् ॥
ददौ तां कालकेयाय दानवेन्द्राय राक्षसीम् । स्वसां शूर्पणखां नाम विद्युज्जिह्वाय नामतः ॥
अथ दत्त्वा स्वसारं स मृगयां पर्यटन् नृपः । तत्रापश्यत् ततो राम मयं नाम दितेः सुतम् ॥
कन्यासहायं तं दृष्ट्वा दशग्रीवो निशाचरः । अपृच्छत् को भवन् एको निर्मनुष्य मृगे वने ॥
मयस् त्व् अथाब्रवीद् राम पृच्छन्तं तं निशाचरम् । श्रूयतां सर्वम् आख्यास्ये यथावृत्तम् इदं मम ॥
हेमा नामाप्सरास् तात श्रुतपूर्वा यदि त्वया । दैवतैर् मम सा दत्ता पौलोमीव शतक्रतोः ॥
तस्यां सक्तमनास् तात पञ्चवर्षशतान्य् अहम् । सा च दैवत कार्येण गता वर्षं चतुर्दशम् ॥
तस्याः कृते च हेमायाः सर्वं हेमपुरं मया । वज्रवैदूर्यचित्रं च मायया निर्मितं तदा ॥
rākṣasendro 'bhiṣiktas tu bhrātṛbhyāṃ sahitas tadā | tataḥ pradānaṃ rākṣasyā bhaginyāḥ samacintayat ||
dadau tāṃ kālakeyāya dānavendrāya rākṣasīm | svasāṃ śūrpaṇakhāṃ nāma vidyujjihvāya nāmataḥ ||
atha dattvā svasāraṃ sa mṛgayāṃ paryaṭan nṛpaḥ | tatrāpaśyat tato rāma mayaṃ nāma diteḥ sutam ||
kanyāsahāyaṃ taṃ dṛṣṭvā daśagrīvo niśācaraḥ | apṛcchat ko bhavan eko nirmanuṣya mṛge vane ||
mayas tv athābravīd rāma pṛcchantaṃ taṃ niśācaram | śrūyatāṃ sarvam ākhyāsye yathāvṛttam idaṃ mama ||
hemā nāmāpsarās tāta śrutapūrvā yadi tvayā | daivatair mama sā dattā paulomīva śatakratoḥ ||
tasyāṃ saktamanās tāta pañcavarṣaśatāny aham | sā ca daivata kāryeṇa gatā varṣaṃ caturdaśam ||
tasyāḥ kṛte ca hemāyāḥ sarvaṃ hemapuraṃ mayā | vajravaidūryacitraṃ ca māyayā nirmitaṃ tadā ||
Когда царь ракшасов был помазан на царство и находился вместе с двумя братьями, он задумался о выдаче своей сестры-ракшаси. Он отдал свою сестру Шурпанакху, ракшаси, данавскому царю из Калакеев, Видьюджихве по имени. Затем, выдав сестру, царь отправился на охоту и, странствуя, увидел там, о Рама, Маю по имени, сына Дити. Увидев его с девушкой-спутницей, ночной странник Дашагрива спросил: «Кто ты, одинокий, в этом безлюдном лесу, полном зверей?» Тогда Мая ответил спрашивавшему его ночному страннику: «Слушай, я расскажу всё, как это со мной произошло. О дитя, если ты прежде слышал об апсаре по имени Хема, то знай: боги дали её мне, как Пауломи была дана Шатакрату. Пять сотен лет мой ум был привязан к ней, но она ушла по делу богов уже на четырнадцатый год. Ради этой Хемы я тогда магией создал целый золотой город, украшенный алмазами и вайдурьями».
278099748957 · publicado 22 jun 2026, 0:00:00 UTC
Disponible enRUPasa de verso en verso con
Сарга начинается с союзов, где род, власть и желание переплетаются. Равана уже действует как правитель Ланки, а встреча с Майей вводит мир данавской красоты и иллюзорного мастерства, который скоро станет частью его дома.