रावणे तु गते देवाः सेन्द्राश् चैव दिवौकसः । ततः स्वां योनिम् आसाद्य तानि सत्त्वान्य् अथाब्रुवन् ॥
हर्षात् तदाब्रवीद् इन्द्रो मयूरं नीलबर्हिणम् । प्रीतो ऽस्मि तव धर्मज्ञ उपकाराद् विहंगम ॥
मम नेत्रसहस्रं यत् तत् ते बर्हे भविष्यति । वर्षमाणे मयि मुदं प्राप्स्यसे प्रीतिलक्षणम् ॥
नीलाः किल पुरा बर्हा मयूराणां नराधिप । सुराधिपाद् वरं प्राप्य गताः सर्वे विचित्रताम् ॥
धर्मराजो ऽब्रवीद् राम प्राग्वंशे वायसं स्थितम् । पक्षिंस् तवास्मि सुप्रीतः प्रीतस्य च वचः शृणु ॥
यथान्ये विविधै रोगैः पीड्यन्ते प्राणिनो मया । ते न ते प्रभविष्यन्ति मयि प्रीते न संशयः ॥
मृत्युतस् ते भयं नास्ति वरान् मम विहंगम । यावत् त्वां न वधिष्यन्ति नरास् तावद् भविष्यसि ॥
ये च मद्विषयस्थास् तु मानवाः क्षुधयार्दिताः । त्वयि भुक्ते तु तृप्तास् ते भविष्यन्ति सबान्धवाः ॥
rāvaṇe tu gate devāḥ sendrāś caiva divaukasaḥ | tataḥ svāṃ yonim āsādya tāni sattvāny athābruvan ||
harṣāt tadābravīd indro mayūraṃ nīlabarhiṇam | prīto 'smi tava dharmajña upakārād vihaṃgama ||
mama netrasahasraṃ yat tat te barhe bhaviṣyati | varṣamāṇe mayi mudaṃ prāpsyase prītilakṣaṇam ||
nīlāḥ kila purā barhā mayūrāṇāṃ narādhipa | surādhipād varaṃ prāpya gatāḥ sarve vicitratām ||
dharmarājo 'bravīd rāma prāgvaṃśe vāyasaṃ sthitam | pakṣiṃs tavāsmi suprītaḥ prītasya ca vacaḥ śṛṇu ||
yathānye vividhai rogaiḥ pīḍyante prāṇino mayā | te na te prabhaviṣyanti mayi prīte na saṃśayaḥ ||
mṛtyutas te bhayaṃ nāsti varān mama vihaṃgama | yāvat tvāṃ na vadhiṣyanti narās tāvad bhaviṣyasi ||
ye ca madviṣayasthās tu mānavāḥ kṣudhayārditāḥ | tvayi bhukte tu tṛptās te bhaviṣyanti sabāndhavāḥ ||
Когда Равана ушёл, боги вместе с Индрой, небожители, вернулись в свои собственные облики и затем обратились к тем существам. Индра с радостью сказал павлину с синим хвостом: «Знаток дхармы, птица, я доволен тобой за помощь. Моё тысячеглазие будет у тебя на хвосте. Когда я буду проливать дождь, ты будешь получать радость как знак моей приязни». Прежде, о владыка людей, хвосты павлинов были синими; получив дар от владыки богов, все они стали пёстрыми. Дхармараджа, о Рама, сказал вороне, стоявшей на восточном помосте: «Птица, я очень доволен тобой; выслушай слово довольного. Другие существа мучаются от разных болезней, которые исходят от меня, но они тебя не одолеют, когда я доволен, в этом нет сомнения. От моего дара тебе нет страха смерти, птица: пока люди не убьют тебя, до тех пор ты будешь жить. И люди, находящиеся в моей области и мучимые голодом, когда ты поешь, будут насыщены вместе со своими родственниками».
e92e02c68c28 · publicado 22 jun 2026, 0:00:00 UTC
Disponible enRUPasa de verso en verso con
Боги благодарят тех, чьи облики укрыли их от Раваны. Так даже малые существа получают место в космическом порядке: павлин становится знаком дождевой радости Индры, а ворона — связью с миром предков.