पिता सोमस्य वै राजञ् जज्ञे ऽत्रिर् भगवान् ऋषिः तत्रात्रिः सर्वलोकानां तस्थौ स्वविनयैर् वृतः कर्मणा मनसा वाचा शुभान्य् एव चचार ह ॥
अहिंस्रः सर्वभूतेषु धर्मात्मा संशितव्रतः काष्ठकुड्यशिलाभूत ऊर्ध्वबाहुर् महाद्युतिः ॥
अनुत्तमं नाम तपो येन तप्तं महत् पुरा त्रीणि वर्षसहस्राणि दिव्यानीति हि नः श्रुतम् ॥
ततोर्ध्वरेतसस् तस्य स्थितस्यानिमिषस्य हि सोमत्वं तनुर् आपेदे महाबुद्धस्य भारत ॥
ऊर्ध्वम् आचक्रमे तस्य सोमत्वं भावितात्मनः नेत्राभ्यां वारि सुस्राव दशधा द्योतयद् दिशः ॥
तं गर्भं दशधा दृष्ट्वा दश देव्यो दधुस् ततः समेत्य धारयाम् आसुर् न च ताः तम् अशक्नुवन् ॥
स ताभ्यः सहसैवाथ दिग्भ्यो गर्भः प्रभान्वितः पपात भासयंल् लोकाञ् शीतांशुः सर्वभावनः ॥
यदा न धारणे शक्तास् तस्य गर्भस्य ता दिशः ततस् ताभिः सहैवाशु निपतात वसुंधराम् ॥
पतितं सोमम् आलोक्य ब्रह्मा लोकपितामहः रथम् आरोपयाम् आस लोकानां हितकाम्यया ॥
स हि वेदमयस् तात धर्मात्मा सत्यसंगरः युक्तो वाजिसहस्रेण सितेनेति हि नः श्रुतम् ॥
तस्मिन् निपतिते देवाः पुत्रे ऽत्रेः परमात्मनि तुष्टुवुर् ब्रह्मणः पुत्रा मानसाः सप्त ये श्रुताः ॥
तथैवाङ्गिरसस् तत्र भृगोर् एवात्मजैः सह ऋग्भिर् यजुर्भिः सामभिर् अथर्वाङ्गिरसैर् अपि ॥
तस्य संस्तूयमानस्य तेजः सोमस्य भास्वतः आप्यायमानं लोकांस् त्रीन् भावयाम् आस सर्वतः ॥
स तेन रथमुख्येन सागरान्तां वसुंधराम् त्रिःसप्तकृत्वो ऽतियशाश् चकाराभिप्रदक्षिणाम् ॥
तस्य यच् च्यावितं तेजः पृथिवीम् अन्वपद्यत ओषध्यस् ताः समुद्भूतास् तेजसा प्रज्वलन्त्य् उत ॥
ताभिऋ धार्यो ह्य् अयं लोकः प्रजाश् चैव चतुर्विधाः पोष्टा हि भगवान् सोमो जगतो जगतीपते ॥
pitā somasya vai rājañ jajñe 'trir bhagavān ṛṣiḥ tatrātriḥ sarvalokānāṃ tasthau svavinayair vṛtaḥ karmaṇā manasā vācā śubhāny eva cacāra ha ||
ahiṃsraḥ sarvabhūteṣu dharmātmā saṃśitavrataḥ kāṣṭhakuḍyaśilābhūta ūrdhvabāhur mahādyutiḥ ||
anuttamaṃ nāma tapo yena taptaṃ mahat purā trīṇi varṣasahasrāṇi divyānīti hi naḥ śrutam ||
tatordhvaretasas tasya sthitasyānimiṣasya hi somatvaṃ tanur āpede mahābuddhasya bhārata ||
ūrdhvam ācakrame tasya somatvaṃ bhāvitātmanaḥ netrābhyāṃ vāri susrāva daśadhā dyotayad diśaḥ ||
taṃ garbhaṃ daśadhā dṛṣṭvā daśa devyo dadhus tataḥ sametya dhārayām āsur na ca tāḥ tam aśaknuvan ||
sa tābhyaḥ sahasaivātha digbhyo garbhaḥ prabhānvitaḥ papāta bhāsayaṃl lokāñ śītāṃśuḥ sarvabhāvanaḥ ||
yadā na dhāraṇe śaktās tasya garbhasya tā diśaḥ tatas tābhiḥ sahaivāśu nipatāta vasuṃdharām ||
patitaṃ somam ālokya brahmā lokapitāmahaḥ ratham āropayām āsa lokānāṃ hitakāmyayā ||
sa hi vedamayas tāta dharmātmā satyasaṃgaraḥ yukto vājisahasreṇa siteneti hi naḥ śrutam ||
tasmin nipatite devāḥ putre 'treḥ paramātmani tuṣṭuvur brahmaṇaḥ putrā mānasāḥ sapta ye śrutāḥ ||
tathaivāṅgirasas tatra bhṛgor evātmajaiḥ saha ṛgbhir yajurbhiḥ sāmabhir atharvāṅgirasair api ||
tasya saṃstūyamānasya tejaḥ somasya bhāsvataḥ āpyāyamānaṃ lokāṃs trīn bhāvayām āsa sarvataḥ ||
sa tena rathamukhyena sāgarāntāṃ vasuṃdharām triḥsaptakṛtvo 'tiyaśāś cakārābhipradakṣiṇām ||
tasya yac cyāvitaṃ tejaḥ pṛthivīm anvapadyata oṣadhyas tāḥ samudbhūtās tejasā prajvalanty uta ||
tābhiṛ dhāryo hy ayaṃ lokaḥ prajāś caiva caturvidhāḥ poṣṭā hi bhagavān somo jagato jagatīpate ||
Вайшампаяна сказал: «О царь, отцом Сомы родился блаженный риши Атри. Там Атри, окружённый собственной дисциплиной, пребывал ради всех миров и делом, умом и речью совершал только благое. Он был ненасильственен ко всем существам, праведнодушен и строг в обете; великосияющий, с поднятыми руками, он стоял словно дерево, стена и камень. В древности он совершал великий тапас, называемый Непревзойдённым, три тысячи божественных лет, как мы слышали. Затем у этого великомудрого, стоявшего неподвижно, немигающего и соблюдавшего воздержание, тело обрело состояние Сомы, о Бхарата. У очищенного духом лунная сущность поднялась вверх, и из его глаз потекла влага, освещая десять направлений. Увидев этот зародыш в десяти частях, десять богинь приняли его и, собравшись, стали носить, но не смогли удержать. Тогда этот светозарный плод, холоднолучный и питающий всё, внезапно пал от них, от сторон света, освещая миры. Когда направления оказались неспособны носить этот зародыш, он вместе с ними быстро низошёл на землю. Увидев упавшего Сому, Брахма, праотец миров, ради блага миров поместил его на колесницу. О сын мой, он был ведической природой, праведнодушный и верный слову; колесница была запряжена тысячей белых коней, как мы слышали. Когда этот сын Атри, высшая душа, низошёл, боги и семь известных мысленных сыновей Брахмы стали его восхвалять. Там же Ангиры вместе с сыновьями Бхригу воспевали его ригами, яджусами, саманами и атхарваническими формулами. Когда лучезарного Сому восхваляли, его сияние, насыщаемое хвалами, со всех сторон поддерживало три мира. На той превосходной колеснице великославный Сома двадцать один раз почтительно обошёл землю до океана. Его сияние, пролившись на землю, породило растения, и они пылали этим светом. Ими держится этот мир и четыре вида существ; ведь блаженный Сома — питатель мира, о владыка земли».
9fff5c504cb1 · опубликовано 22 июн. 2026 г., 03:30:45 UTC
Доступно наRUЛистайте стихи клавишами
Рождение Сомы описано как плод аскезы, света и жертвенного прославления. Он не просто небесное тело: через него питаются растения, воды, брахманы и сами миры. Так сомавамша начинается с образа питания и священного света.