तस्य सुप्तस्य शुशुभे नाभिमध्यात् समुत्थितम् आद्यस्य सदनं पद्मं ब्रह्मणः सूर्यसंनिभम् ॥
ब्रह्मसूत्रोद्यतकरः स्वपन्न् एव महामुनिः आवर्तयति लोकानां सर्वेषां कालपर्ययम् ॥
विवृतात् तस्य वदनान् निःश्वासपवनेरिताः प्रजानां पङ्क्तयो ह्य् ओघैर् निष्पतन्ति विशन्ति च ॥
ते सृष्टाः प्राणिनाम् ओघा विभक्ता ब्रह्मणा स्वयम् चतुर्धा स्वां गतिं जग्मुः कृतान्तोक्तेन कर्मणा ॥
न तं वेद स्वयं ब्रह्मा नापि ब्रह्मर्षयो ऽव्ययाः विष्णुं निद्रामयं योगं प्रविष्टं तमसावृतम् ॥
ते तु ब्रह्मर्षयः सर्वे पितामहपुरोगमाः न विदुस् तं क्वचित् सुप्तं क्वचिद् आसीनम् आसने ॥
जागर्ति को ऽत्र कः शेते कः श्वसन् कश् च नेङ्गते को भोगवान् को द्युतिमान् कृष्णात् कृष्णतरश् च कः ॥
विमृशन्ति स्म तं देवं दिव्याभिर् उपपत्तिभिः न चैनं शेकुर् अन्वेष्टुं कर्मतो जन्मतो ऽपि वा ॥
कथाभिस् तत्प्रदिष्टाभिर् ये तस्य चरितं विदुः पुराणं तं पुराणेषु ऋषयः संप्रचक्षते ॥
श्रूयते चास्य चरितं देवेष्व् अपि पुरातनम् महापुराणात् प्रभृति परं तस्य न विद्यते ॥
यच् चास्य वेद वेदो ऽपि चरितं स्वप्रभावजम् तेनेमाः श्रुतयो व्याप्ता वैदिका लौकिकाश् च याः ॥
भवकाले भवत्य् एष लोकानां भूतभावनः दानवानाम् अभावाय जागर्ति मधुसूदनः ॥
यदैनं वीक्षितुं देवा न शेकुः सुप्तम् अच्युतम् ततः स्वपिति घर्मान्ते जागर्ति जलदक्षये ॥
तस्मिन् सुप्ते न वर्तन्ते मन्त्रपूताः क्रतुक्रियाः शरत्प्रवृत्तयज्ञो हि जागर्ति मधुसूदनः ॥
tasya suptasya śuśubhe nābhimadhyāt samutthitam ādyasya sadanaṃ padmaṃ brahmaṇaḥ sūryasaṃnibham ||
brahmasūtrodyatakaraḥ svapann eva mahāmuniḥ āvartayati lokānāṃ sarveṣāṃ kālaparyayam ||
vivṛtāt tasya vadanān niḥśvāsapavaneritāḥ prajānāṃ paṅktayo hy oghair niṣpatanti viśanti ca ||
te sṛṣṭāḥ prāṇinām oghā vibhaktā brahmaṇā svayam caturdhā svāṃ gatiṃ jagmuḥ kṛtāntoktena karmaṇā ||
na taṃ veda svayaṃ brahmā nāpi brahmarṣayo 'vyayāḥ viṣṇuṃ nidrāmayaṃ yogaṃ praviṣṭaṃ tamasāvṛtam ||
te tu brahmarṣayaḥ sarve pitāmahapurogamāḥ na vidus taṃ kvacit suptaṃ kvacid āsīnam āsane ||
jāgarti ko 'tra kaḥ śete kaḥ śvasan kaś ca neṅgate ko bhogavān ko dyutimān kṛṣṇāt kṛṣṇataraś ca kaḥ ||
vimṛśanti sma taṃ devaṃ divyābhir upapattibhiḥ na cainaṃ śekur anveṣṭuṃ karmato janmato 'pi vā ||
kathābhis tatpradiṣṭābhir ye tasya caritaṃ viduḥ purāṇaṃ taṃ purāṇeṣu ṛṣayaḥ saṃpracakṣate ||
śrūyate cāsya caritaṃ deveṣv api purātanam mahāpurāṇāt prabhṛti paraṃ tasya na vidyate ||
yac cāsya veda vedo 'pi caritaṃ svaprabhāvajam tenemāḥ śrutayo vyāptā vaidikā laukikāś ca yāḥ ||
bhavakāle bhavaty eṣa lokānāṃ bhūtabhāvanaḥ dānavānām abhāvāya jāgarti madhusūdanaḥ ||
yadainaṃ vīkṣituṃ devā na śekuḥ suptam acyutam tataḥ svapiti gharmānte jāgarti jaladakṣaye ||
tasmin supte na vartante mantrapūtāḥ kratukriyāḥ śaratpravṛttayajño hi jāgarti madhusūdanaḥ ||
Когда он спал, из середины его пупа сиял лотос, солнеподобное жилище изначального Брахмы. Даже спя, великий муни, с рукой, поднятой к брахма-сутре, вращает смену времени для всех миров. Из его раскрытых уст, движимые ветром выдоха, ряды существ потоками выходят и входят; эти созданные массы живых, разделённые самим Брахмой, четырьмя путями достигают своей участи согласно делу, назначенному Критантым. Даже сам Брахма и нетленные брахмариши не знают Вишну, вошедшего в йогу сна и покрытого тьмой. Все брахмариши во главе с Питамахой не могли понять: где он спит, а где сидит на престоле? Кто здесь бодрствует, кто лежит, кто дышит и кто неподвижен? Кто обладает силой, кто сиянием, кто темнее тёмного? Они исследовали этого бога божественными доводами, но не смогли постичь его ни по деянию, ни по рождению. Те, кто знает его деяние по рассказам, направленным к нему, называют его древним среди древних. Его история слышна как древняя даже среди богов; начиная с великой пураны, нет ничего выше него. Даже Веда знает его деяние, рождённое его собственной силой, и им пронизаны все шрути — ведические и мирские. Во время возникновения миров он становится породителем существ; ради устранения данавов Мадхусудана бодрствует. Когда боги не могли увидеть спящего Ачьюту, он спал в конце зноя и пробуждался при уходе облаков. Когда он спит, мантроочищенные жертвенные действия не совершаются; Мадхусудана бодрствует с началом осенней жертвы. Пока Вишну спит, владыка облаков Пурандара приводит в движение этот годовой круг, совершая дело Вишну.
72390187b730 · опубликовано 22 июн. 2026 г., 03:31:01 UTC
Доступно наRUЛистайте стихи клавишами
Глава связывает сон Вишну с календарём, жертвой и круговоротом существ. Его непостижимость не абстрактна: она проявляется в том, что все пути времени, рождения, смерти, Веды и обряда проходят через него.