तत् तु तालवनं नॄणाम् असेव्यं दुरतिक्रमम् निर्माणभूतम् इरिणं पुरुषादालयोपमम् ॥
दारुणो धेनुको नाम दैत्यो गर्दभरूपवान् खरयूथेन महता वृतः समुपसेवते ॥
स तत् तलवनं घोरं गर्दभः परिरक्षति नृपक्षिश्वापदगणांस् त्रासयानः स दुर्मतिः ॥
तालशब्दं स तं श्रुत्वा संघुष्टं फलपातने नामर्षयत संक्रुद्धस् तालस्वनम् इव द्विपः ॥
शब्दानुसारी संक्रुद्धो दर्पाविद्धसटाननः स्तब्धाक्षो हेषितपटुः खुरैर् निर्दारयन् महीम् ॥
आविद्धपुच्छो हृषितो व्यात्तानन इवान्तकः आपतन्न् एव ददृशे रौहिणेयम् अवस्थितम् ॥
तालानां तम् अधो दृष्ट्वा स ध्वजाकारम् अव्ययम् रौहिणेयं खरो दुष्टः सो ऽदशद् दशनायुधः ॥
पद्भ्याम् उभाभ्यां च पुनः पश्चिमाभ्यां पराङ्मुखः जघानोरसि दैत्यः स रौहिणेयं निरायुधम् ॥
tat tu tālavanaṃ nṝṇām asevyaṃ duratikramam nirmāṇabhūtam iriṇaṃ puruṣādālayopamam ||
dāruṇo dhenuko nāma daityo gardabharūpavān kharayūthena mahatā vṛtaḥ samupasevate ||
sa tat talavanaṃ ghoraṃ gardabhaḥ parirakṣati nṛpakṣiśvāpadagaṇāṃs trāsayānaḥ sa durmatiḥ ||
tālaśabdaṃ sa taṃ śrutvā saṃghuṣṭaṃ phalapātane nāmarṣayata saṃkruddhas tālasvanam iva dvipaḥ ||
śabdānusārī saṃkruddho darpāviddhasaṭānanaḥ stabdhākṣo heṣitapaṭuḥ khurair nirdārayan mahīm ||
āviddhapuccho hṛṣito vyāttānana ivāntakaḥ āpatann eva dadṛśe rauhiṇeyam avasthitam ||
tālānāṃ tam adho dṛṣṭvā sa dhvajākāram avyayam rauhiṇeyaṃ kharo duṣṭaḥ so 'daśad daśanāyudhaḥ ||
padbhyām ubhābhyāṃ ca punaḥ paścimābhyāṃ parāṅmukhaḥ jaghānorasi daityaḥ sa rauhiṇeyaṃ nirāyudham ||
Но эта Талавана была недоступна людям и труднопроходима; она стала пустынной местностью, похожей на жилище людоедов. Там обитал страшный дайтья по имени Дхенука, имевший облик осла и окружённый большим ослиным стадом. Этот злонравный осёл охранял страшный пальмовый лес, пугая людей, птиц и зверей. Услышав шум пальм, поднявшийся при падении плодов, он разгневался и не стерпел этого звука, как слон не терпит пальмового шума. Следуя за шумом, он мчался в ярости: морда и грива взметнулись от гордости, глаза застыли, он громко ревел и копытами разрывал землю. С поднятым хвостом, разинутой пастью, словно сама смерть, он, уже нападая, увидел стоящего сына Рохини. Увидев неистощимого Балараму под пальмами, высокого как знамя, злой осёл, вооружённый зубами, укусил его. Затем дайтья отвернулся и обеими задними ногами ударил безоружного сына Рохини в грудь.
a9a55a14366e · опубликовано 22 июн. 2026 г., 03:44:09 UTC
Доступно наRUЛистайте стихи клавишами
Дхенука превращает изобильный лес в место страха. Его ослиный образ подчёркивает тупую, упрямую силу, которая не пользуется плодами сама и не даёт пользоваться другим.