पितरं वसुदेवं च सततं दुःखभाजनम् दीनं पुत्रवधश्रान्तं युवाम् अथ समेष्यथः ॥
सततं पीड्यमानं च कंसेनाशुभबुद्धिना दशान्ते शोषितं वृद्धं दुःखैः शिथिलतां गतम् ॥
कंसस्य च भयात् त्रस्तं भवद्भ्यां च विनाकृतम् दह्यमानं दिवा रात्रौ सोत्कण्ठेनान्तरात्मना ॥
तां च द्रक्ष्यामि गोविन्द पुत्रैर् अमृदितस्तनीम् देवकीं देवसंकाशां सिदन्तीं विहतप्रभाम् ॥
पुत्रशोकेन शुष्यन्तीं त्वद्दर्शनपरायणाम् वियोगशोकसंतप्तां विवत्साम् इव सौरभीम् ॥
उपप्लुतेक्षणां नित्यं नित्यं मलिनवाससम् स्वर्भानुवदनग्रस्तां शशाङ्कस्य प्रभाम् इव ॥
त्वद्दर्शनपरां नित्यं तवागमनकाङ्क्षिणीम् त्वत्प्रवृत्तेन शोकेन सीदन्तीं वै तपस्विनीम् ॥
त्वत्प्रलापेष्व् अकुशलां त्वया बाल्ये वियोजिताम् अरूपज्ञां तव विभो वक्त्रस्यास्येन्दुवर्चसः ॥
यदि त्वां जनयित्वा सा क्लिश्यते कृष्ण देवकी अपत्यार्थो नु कस् तस्या वरं ह्य् एवानपत्यता ॥
एकः शोको हि नारीणाम् अपुत्राणां विधीयते सपुत्रा त्व् अफले पुत्रे धिक् प्रजातेन तप्यते ॥
त्वं तु शक्रसमः पुत्रो यस्यास् त्वत्सदृशो गुणैः परेषाम् अप्य् अभयदो न सा शोचितुम् अर्हति ॥
वृद्धौ तवाम्बापितरौ परभृत्यत्वम् आगतौ त्वत्कृते भर्त्स्यमानौ तौ कंसेनादीर्घदर्शिना ॥
यदि ते देवकी मान्या पृथिवीवात्मधारिणी तां शोकसलिले मग्नाम् उत्तारयितुम् अर्हसि ॥
तं च वृद्धं प्रियसुतं वसुदेवं महाबलम् पुत्रयोगेन संयोज्य कृष्ण धर्मम् अवाप्स्यसि ॥
pitaraṃ vasudevaṃ ca satataṃ duḥkhabhājanam dīnaṃ putravadhaśrāntaṃ yuvām atha sameṣyathaḥ ||
satataṃ pīḍyamānaṃ ca kaṃsenāśubhabuddhinā daśānte śoṣitaṃ vṛddhaṃ duḥkhaiḥ śithilatāṃ gatam ||
kaṃsasya ca bhayāt trastaṃ bhavadbhyāṃ ca vinākṛtam dahyamānaṃ divā rātrau sotkaṇṭhenāntarātmanā ||
tāṃ ca drakṣyāmi govinda putrair amṛditastanīm devakīṃ devasaṃkāśāṃ sidantīṃ vihataprabhām ||
putraśokena śuṣyantīṃ tvaddarśanaparāyaṇām viyogaśokasaṃtaptāṃ vivatsām iva saurabhīm ||
upaplutekṣaṇāṃ nityaṃ nityaṃ malinavāsasam svarbhānuvadanagrastāṃ śaśāṅkasya prabhām iva ||
tvaddarśanaparāṃ nityaṃ tavāgamanakāṅkṣiṇīm tvatpravṛttena śokena sīdantīṃ vai tapasvinīm ||
tvatpralāpeṣv akuśalāṃ tvayā bālye viyojitām arūpajñāṃ tava vibho vaktrasyāsyenduvarcasaḥ ||
yadi tvāṃ janayitvā sā kliśyate kṛṣṇa devakī apatyārtho nu kas tasyā varaṃ hy evānapatyatā ||
ekaḥ śoko hi nārīṇām aputrāṇāṃ vidhīyate saputrā tv aphale putre dhik prajātena tapyate ||
tvaṃ tu śakrasamaḥ putro yasyās tvatsadṛśo guṇaiḥ pareṣām apy abhayado na sā śocitum arhati ||
vṛddhau tavāmbāpitarau parabhṛtyatvam āgatau tvatkṛte bhartsyamānau tau kaṃsenādīrghadarśinā ||
yadi te devakī mānyā pṛthivīvātmadhāriṇī tāṃ śokasalile magnām uttārayitum arhasi ||
taṃ ca vṛddhaṃ priyasutaṃ vasudevaṃ mahābalam putrayogena saṃyojya kṛṣṇa dharmam avāpsyasi ||
«Тогда вы двое встретите и отца Васудеву, который постоянно несёт страдание: он жалок, измучен убийством сыновей, постоянно мучим злонамеренным Камсой, стар, иссушен крайней участью и ослаблен горем. Он испуган страхом перед Камсой, лишён вас двоих и днём и ночью сгорает внутренней тоской. Я увижу и Деваки, о Говинда: богоподобную, изнемогающую, с угасшим сиянием, с грудью, которую не мяли сыновья. Она иссыхает от скорби по сыну, устремлена к твоему лицезрению, сожжена горем разлуки, словно корова без телёнка. Её глаза постоянно полны слёз, одежда всегда запачкана; она похожа на сияние луны, захваченное пастью Сварбхану. Она всегда обращена к твоему виду, желает твоего прихода, и, подвижница, изнемогает от скорби, возникшей из-за тебя. Разлучённая с тобой в младенчестве, она беспомощна в разговорах о тебе, о владыка, и не знает облика твоего лица, сияющего как луна. Если, родив тебя, Деваки мучится, о Кришна, какой же смысл ей в ребёнке? Лучше было бы быть бездетной. Бездетным женщинам назначена одна скорбь; но женщина, имеющая сына, если сын не приносит плода, мучится самим его рождением. Но ты сын, равный Шакре, подобный самому себе качествами, дающий бесстрашие даже другим; такая мать не должна скорбеть. Твои престарелые мать и отец дошли до служения чужим людям и ради тебя терпят укоры от недальновидного Камсы. Если Деваки почтенна для тебя, как земля, держащая всё сущее, ты должен вывести её из вод скорби. И старого великосильного Васудеву, любящего сына, соединив с сыном, о Кришна, ты обретёшь дхарму».
b86804f26dff · опубликовано 22 июн. 2026 г., 03:44:15 UTC
Доступно наRUЛистайте стихи клавишами
Акрура говорит не политическим языком, а языком сыновнего долга. После подвигов над демонами Кришне указывают на страдание родителей: защита дхармы начинается с освобождения тех, кому он обязан телесным рождением.