ज्ञात्वा तु वरदानं तन् नारदान् मधुसूदनः उपप्रैक्षत तेजस्वी वर्धन्तं यवनेषु तम् ॥
स विवृद्धो यदा राजा यवनानां महाबलः तत एनं नृपा म्लेच्छाः संश्रित्यानुययुस् तदा ॥
शकास् तुषारा दरदाः पारदास् तङ्गणाः खशाः पह्लवाः शतशश् चान्ये म्लेच्छा हैमवतास् तथा ॥
स तैः परिवृतो राजा दस्युभिः शलभैर् इव नानावेषधरैर् भीमैर् मत्रुराम् अभ्यवर्तत ॥
गजवाजिखरोष्ट्राणां सहस्रैर् अयुतैर् अपि पृथिवीं कम्पयाम् आस सैन्येन महता तदा ॥
रेणुना सूर्यमार्गं तु समवच्छाद्य पार्थिवः मूत्रेण शकृता चैव सैन्येन ससृजे नदीम् ॥
अश्वोष्ट्रशकृतो राशेर् निःसृतेति जनाधिप ततो ऽश्वशकृद् इत्येव नाम नद्या बभूव ह ॥
तत् सैन्यं महद् आयाद् वै श्रुत्वा वृष्ण्यन्धकाग्रणीः वासुदेवः समानाय्य ज्ञातीन् इदम् उवाच ह ॥
jñātvā tu varadānaṃ tan nāradān madhusūdanaḥ upapraikṣata tejasvī vardhantaṃ yavaneṣu tam ||
sa vivṛddho yadā rājā yavanānāṃ mahābalaḥ tata enaṃ nṛpā mlecchāḥ saṃśrityānuyayus tadā ||
śakās tuṣārā daradāḥ pāradās taṅgaṇāḥ khaśāḥ pahlavāḥ śataśaś cānye mlecchā haimavatās tathā ||
sa taiḥ parivṛto rājā dasyubhiḥ śalabhair iva nānāveṣadharair bhīmair matrurām abhyavartata ||
gajavājikharoṣṭrāṇāṃ sahasrair ayutair api pṛthivīṃ kampayām āsa sainyena mahatā tadā ||
reṇunā sūryamārgaṃ tu samavacchādya pārthivaḥ mūtreṇa śakṛtā caiva sainyena sasṛje nadīm ||
aśvoṣṭraśakṛto rāśer niḥsṛteti janādhipa tato 'śvaśakṛd ityeva nāma nadyā babhūva ha ||
tat sainyaṃ mahad āyād vai śrutvā vṛṣṇyandhakāgraṇīḥ vāsudevaḥ samānāyya jñātīn idam uvāca ha ||
Мадхусудана, узнав от Нарады о дарованном благословении, наблюдал за тем, как Калаявана растёт среди Яванов. Когда великосильный царь Яванов возмужал, млекчхские владыки прибегли к нему и последовали за ним: Шаки, Тушары, Дарады, Парады, Танганы, Кхаши, Пахлавы и сотни других млекчхов, а также горные племена. Окружённый ими, как саранчой, страшными разбойниками в разных обликах, царь двинулся к Матхуре. Тысячами и десятками тысяч слонов, коней, ослов и верблюдов он сотряс тогда землю своим огромным войском. Покрыв пылью путь солнца, этот владыка создал своей армией реку из мочи и навоза. О царь, из кучи конского и верблюжьего навоза истекла река, и потому она получила имя Ашвашакрит. Услышав, что это огромное войско приближается, Васудева, предводитель Вришни и Андхаков, собрал родных и сказал им:
bf820629d5d6 · опубликовано 22 июн. 2026 г., 04:37:05 UTC
Доступно наRUЛистайте стихи клавишами
Описание войска Калаяваны подчёркивает его чуждую, разрушительную природу. Его приближение загрязняет землю, и потому ответ Кришны должен быть не просто военным, а очищающим и стратегическим.