सो ऽग्र्यान् रक्षोगणान् हत्वा नरकस्य महाबलान् क्षुरान्तान् मौरवान् पाशान् षट्सहस्रान् ददर्श ह ॥
संछिद्य पाशान् सर्वांस् तान् मुरं हत्वा सहान्वयम् शिलासंघान् अतिक्रम्य निसुन्दम् अवपोथयत् यः सहस्रसमास् त्व् एकः सर्वान् देवान् अपोथयत् ॥
यथा देवासुरं युद्धम् अभवद् भरतर्षभ नानाप्रहरणाकीर्णं तथा घोरम् अवर्तत ॥
ततः शार्ङ्गविनिर्मुक्तैर् नानावर्णैर् महाशरैः गरुडस्थो महाबाहुर् निजघान महासुरान् ॥
महालाङ्गलनिर्भिन्नाः शरखङ्गनिपातिताः विनेशुर् दानवास् तत्र समासाद्य जनार्दनम् ॥
केचिच् चक्राग्निनिर्दग्धा दानवाः पेतुर् अम्बरात् संनिकर्षगताः केचिद् गतासुविकृताननाः ॥
तं जघान महाघोरं हयग्रीवं महासुरम् अपारतेजा दुर्धर्षः सर्वयादवनन्दनः ॥
मध्ये लोहितगङ्गस्य भगवान् देवकीसुतः अलकायां विरूपाक्षं पाप्मानं पुरुषोत्तमः ॥
तं च पञ्चजनं घोरं नरकस्य महासुरम् ॥
ततः प्राग्ज्योतिषं नाम दीप्यमानम् इव श्रिया पुरम् आसादयाम् आस तत्र युद्धम् अभून् महत् ॥
so 'gryān rakṣogaṇān hatvā narakasya mahābalān kṣurāntān mauravān pāśān ṣaṭsahasrān dadarśa ha ||
saṃchidya pāśān sarvāṃs tān muraṃ hatvā sahānvayam śilāsaṃghān atikramya nisundam avapothayat yaḥ sahasrasamās tv ekaḥ sarvān devān apothayat ||
yathā devāsuraṃ yuddham abhavad bharatarṣabha nānāpraharaṇākīrṇaṃ tathā ghoram avartata ||
tataḥ śārṅgavinirmuktair nānāvarṇair mahāśaraiḥ garuḍastho mahābāhur nijaghāna mahāsurān ||
mahālāṅgalanirbhinnāḥ śarakhaṅganipātitāḥ vineśur dānavās tatra samāsādya janārdanam ||
kecic cakrāgninirdagdhā dānavāḥ petur ambarāt saṃnikarṣagatāḥ kecid gatāsuvikṛtānanāḥ ||
taṃ jaghāna mahāghoraṃ hayagrīvaṃ mahāsuram apāratejā durdharṣaḥ sarvayādavanandanaḥ ||
madhye lohitagaṅgasya bhagavān devakīsutaḥ alakāyāṃ virūpākṣaṃ pāpmānaṃ puruṣottamaḥ ||
taṃ ca pañcajanaṃ ghoraṃ narakasya mahāsuram ||
tataḥ prāgjyotiṣaṃ nāma dīpyamānam iva śriyā puram āsādayām āsa tatra yuddham abhūn mahat ||
«Кришна сразил главные отряды могучих ракшасов Нараки и увидел шесть тысяч мауравских петель с острыми концами. Разрубив все эти петли, убив Муру вместе с его родом, пройдя скопления скал, он сокрушил Нисунду, который один тысячу лет теснил всех богов. О лучший Бхаратов, как некогда бывала битва богов с асурами, наполненная разным оружием, так развернулась страшная битва. Затем могучерукий, находясь на Гаруде, выпущенными из Шарнги великими разноцветными стрелами разил великих асуров. Рассечённые великим плугом, поверженные стрелами и мечом, данавы гибли там, столкнувшись с Джанарданой. Одни данавы, сожжённые огнём диска, падали с неба; другие, приблизившись, падали бездыханными, с искажёнными лицами. Беспредельно сияющий, неодолимый Кришна, радость всех Ядавов, убил ужасного великого асуру Хаягриву. Посреди Лохитаганги благой сын Деваки, высший пуруша, убил в Алаке грешного Вирупакшу и того страшного Панчаджану, великого асуру Нараки. Затем он подошёл к городу по имени Прагджьотиша, сиявшему словно великолепием, и там началась великая битва».
99b75622aadd · опубликовано 22 июн. 2026 г., 05:03:48 UTC
Доступно наRUЛистайте стихи клавишами
Дорога к Нараке проходит через охранные круги насилия: петли, скалы, демоны, воздушные битвы. Кришна разрушает не только воинов, но и саму систему запугивания, которой Нарака оградил своё царство.