ततस् तं पाण्डुरं शौरिर् मूर्ध्नि तिष्ठन् गरुत्मतः प्रीतः शङ्खम् उपाध्मासीद् द्विषतां लोमहर्षणम् ॥
तस्य शङ्खस्य शब्देन सागरश् चुक्षुभे भृशम् ररास च नभः कृत्स्नं तच् चित्रम् अभचत् तदा ॥
पाञ्चजन्यस्य निर्घोषं संश्रुत्य कुकुरान्धकाः विशोकाः समपद्यन्त गरुडस्य च दर्शनात् ॥
शङ्खचक्रगदापाणिं गरुडस्योपरि स्थितम् दृष्ट्वा जहृषिरे भौमा भास्करोपमतेजसम् ॥
ततस् तूर्यप्रणादश् च भेरीणां च महास्वनः सिंहनादश् च संजज्ञे सर्वेषां पुरवासिनाम् ॥
ततः सर्वे दशार्हाश् च सर्वे च कुकुरान्धकाः प्रीयमाणाः समाजग्मुर् आलोक्य मधुसूदनम् ॥
वसुदेवं पुरस्कृत्य भेरीशङ्खरवैः सह उग्रसेनो ययौ राजा वासुदेवनिवेशनम् ॥
tatas taṃ pāṇḍuraṃ śaurir mūrdhni tiṣṭhan garutmataḥ prītaḥ śaṅkham upādhmāsīd dviṣatāṃ lomaharṣaṇam ||
tasya śaṅkhasya śabdena sāgaraś cukṣubhe bhṛśam rarāsa ca nabhaḥ kṛtsnaṃ tac citram abhacat tadā ||
pāñcajanyasya nirghoṣaṃ saṃśrutya kukurāndhakāḥ viśokāḥ samapadyanta garuḍasya ca darśanāt ||
śaṅkhacakragadāpāṇiṃ garuḍasyopari sthitam dṛṣṭvā jahṛṣire bhaumā bhāskaropamatejasam ||
tatas tūryapraṇādaś ca bherīṇāṃ ca mahāsvanaḥ siṃhanādaś ca saṃjajñe sarveṣāṃ puravāsinām ||
tataḥ sarve daśārhāś ca sarve ca kukurāndhakāḥ prīyamāṇāḥ samājagmur ālokya madhusūdanam ||
vasudevaṃ puraskṛtya bherīśaṅkharavaiḥ saha ugraseno yayau rājā vāsudevaniveśanam ||
Тогда Шаури, стоя на Гаруде, радостно затрубил в белосияющую раковину, от которой у врагов вставали волосы дыбом. От звука этой раковины океан сильно взволновался, и всё небо загремело; это было чудесно. Услышав грохот Панчаджаньи и увидев Гаруду, Кукуры и Андхаки освободились от скорби. Увидев Кришну, стоящего на Гаруде, держащего раковину, диск и палицу и сияющего как солнце, жители земли возрадовались. Затем раздались трубы, великий гул барабанов и львиный клич всех горожан. Все Дашархи, Кукуры и Андхаки радостно собрались, увидев Мадхусудану. Поставив Васудеву впереди, царь Уграсена под звуки барабанов и раковин пошёл к жилищу Васудевы.
944b6ec7a105 · опубликовано 22 июн. 2026 г., 05:17:05 UTC
Доступно наRUЛистайте стихи клавишами
Звук Панчаджаньи снимает скорбь с рода Яду. Возвращение Кришны переживается не как частный приход царевича, а как восстановление жизни всего города.