वैशंपायन उवाच
तं पार्थः प्रतिजग्राह वायुवेगम् इवोद्धतम् ॥
शरजालेन महता वर्षमाणम् इवाम्बुदम् ॥
तयोर् देवासुरसमः संनिपातो महान् अभूत् ॥
किरतोः शरजालानि वृत्रवासवयोर् इव ॥
न स्म सूर्यस् तदा भाति न च वाति समीरणः ॥
शरगाढे कृते व्योम्नि छायाभूते समन्ततः ॥
महांश् चटचटाशब्दो योधयोर् हन्यमानयोः ॥
दह्यताम् इव वेणूनाम् आसीत् परपुरंजय ॥
हयान् अस्यार्जुनः सर्वान् कृतवान् अल्पजीवितान् ॥
स राजन् न प्रजानाति दिशं कां चन मोहितः ॥
ततो द्रौणिर् महावीर्यः पार्थस्य विचरिष्यतः ॥
विवरं सूक्ष्मम् आलोक्य ज्यां चिच्छेद क्षुरेण ह ॥
तद् अस्यापूजयन् देवाः कर्म दृष्ट्वातिमानुषम् ॥
ततो द्रौणिर् धनूंष्य् अष्टौ व्यपक्रम्य नरर्षभम् ॥
पुनर् अभ्याहनत् पार्थं हृदये कङ्कपत्रिभिः ॥
ततः पार्थो महाबाहुः प्रहस्य स्वनवत् तदा ॥
योजयाम् आस नवया मौर्व्या गाण्डीवम् ओजसा ॥
vaiśaṃpāyana uvāca
taṃ pārthaḥ pratijagrāha vāyuvegam ivoddhatam ||
śarajālena mahatā varṣamāṇam ivāmbudam ||
tayor devāsurasamaḥ saṃnipāto mahān abhūt ||
kiratoḥ śarajālāni vṛtravāsavayor iva ||
na sma sūryas tadā bhāti na ca vāti samīraṇaḥ ||
śaragāḍhe kṛte vyomni chāyābhūte samantataḥ ||
mahāṃś caṭacaṭāśabdo yodhayor hanyamānayoḥ ||
dahyatām iva veṇūnām āsīt parapuraṃjaya ||
hayān asyārjunaḥ sarvān kṛtavān alpajīvitān ||
sa rājan na prajānāti diśaṃ kāṃ cana mohitaḥ ||
tato drauṇir mahāvīryaḥ pārthasya vicariṣyataḥ ||
vivaraṃ sūkṣmam ālokya jyāṃ ciccheda kṣureṇa ha ||
tad asyāpūjayan devāḥ karma dṛṣṭvātimānuṣam ||
tato drauṇir dhanūṃṣy aṣṭau vyapakramya nararṣabham ||
punar abhyāhanat pārthaṃ hṛdaye kaṅkapatribhiḥ ||
tataḥ pārtho mahābāhuḥ prahasya svanavat tadā ||
yojayām āsa navayā maurvyā gāṇḍīvam ojasā ||
Вайшампаяна сказал: «Ашваттхаман выступил против Арджуны, и Партха встретил его сетью стрел, как туча встречает землю дождём. Их столкновение было подобно битве богов с асурами, Вритры с Васавой. Стрелы закрыли небо: солнце не светило, ветер не двигался, а треск был подобен шуму горящего бамбука. Драуни увидел малый промежуток и бритвенной стрелой рассёк тетиву Гандивы. Боги восхвалили это как нечеловеческое дело. Отступив на восемь длин лука, он снова поразил Партху в сердце острыми стрелами. Арджуна рассмеялся и мгновенно снова натянул Гандиву».
8b16b6b79a9d · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Ашваттхаман на миг достигает невозможного: касается самой основы оружия Арджуны. Но смех Партхи показывает, что внешняя помеха не поколебала внутреннего владения собой.