संजय उवाच
ततः कर्णो महेष्वासः पाण्डवानाम् अनीकिनीम् ॥
जघान समरे शूरः शरैः संनतपर्वभिः ॥
तथैव पाण्डवा राजंस् तव पुत्रस्य वाहिनीम् ॥
कर्णस्य प्रमुखे क्रुद्धा विनिजघ्नुर् महारथाः ॥
कर्णो राजन् महाबाहुर् न्यवधीत् पाण्डवीं चमूम् ॥
नाराचैर् अर्करश्म्याभैः कर्मारपरिमार्जितैः ॥
तत्र भारत कर्णेन नाराचैस् ताडिता गजाः ॥
नेदुः सेदुश् च मम्लुश् च बभ्रमुश् च दिशो दश ॥
वध्यमाने बले तस्मिन् सूतपुत्रेण मारिष ॥
नकुलो ऽभ्यद्रवत् तूर्णं सूतपुत्रं महारणे ॥
भीमसेनस् तथा द्रौणिं कुर्वाणं कर्म दुष्करम् ॥
विन्दानुविन्दौ कैकेयौ सात्यकिः समवारयत् ॥
श्रुतकर्माणम् आयान्तं चित्रसेनो महीपतिः ॥
प्रतिविन्ध्यं तथा चित्रश् चित्रकेतनकार्मुकः ॥
दुर्योधनस् तु राजानं धर्मपुत्रं युधिष्ठिरम् ॥
संशप्तकगणान् क्रुद्धो अभ्यधावद् धनंजयः ॥
धृष्टद्युम्नः कृपं चाथ तस्मिन् वीरवरक्षये ॥
शिखण्डी कृतवर्माणं समासादयद् अच्युतम् ॥
श्रुतकीर्तिस् तथा शल्यं माद्रीपुत्रः सुतं तव ॥
दुःशासनं महाराज सहदेवः प्रतापवान् ॥
saṃjaya uvāca
tataḥ karṇo maheṣvāsaḥ pāṇḍavānām anīkinīm ||
jaghāna samare śūraḥ śaraiḥ saṃnataparvabhiḥ ||
tathaiva pāṇḍavā rājaṃs tava putrasya vāhinīm ||
karṇasya pramukhe kruddhā vinijaghnur mahārathāḥ ||
karṇo rājan mahābāhur nyavadhīt pāṇḍavīṃ camūm ||
nārācair arkaraśmyābhaiḥ karmāraparimārjitaiḥ ||
tatra bhārata karṇena nārācais tāḍitā gajāḥ ||
neduḥ seduś ca mamluś ca babhramuś ca diśo daśa ||
vadhyamāne bale tasmin sūtaputreṇa māriṣa ||
nakulo 'bhyadravat tūrṇaṃ sūtaputraṃ mahāraṇe ||
bhīmasenas tathā drauṇiṃ kurvāṇaṃ karma duṣkaram ||
vindānuvindau kaikeyau sātyakiḥ samavārayat ||
śrutakarmāṇam āyāntaṃ citraseno mahīpatiḥ ||
prativindhyaṃ tathā citraś citraketanakārmukaḥ ||
duryodhanas tu rājānaṃ dharmaputraṃ yudhiṣṭhiram ||
saṃśaptakagaṇān kruddho abhyadhāvad dhanaṃjayaḥ ||
dhṛṣṭadyumnaḥ kṛpaṃ cātha tasmin vīravarakṣaye ||
śikhaṇḍī kṛtavarmāṇaṃ samāsādayad acyutam ||
śrutakīrtis tathā śalyaṃ mādrīputraḥ sutaṃ tava ||
duḥśāsanaṃ mahārāja sahadevaḥ pratāpavān ||
Санджая сказал: «Затем герой Карна, великий лучник, поражал в битве войско Пандавов прямыми стрелами. Так же разгневанные Пандавы-махаратхи перед лицом Карны сильно били войско твоего сына, о царь. Великорукий Карна, о царь, уничтожал пандавскую армию нарачами, подобными солнечным лучам и отполированными кузнецами. Там, о Бхарата, слоны, поражённые нарачами Карны, ревели, падали, слабели и метались во все десять сторон. Когда это войско поражалось сыном суты, о почтенный, Накула быстро бросился на Карну в великой битве. Бхимасена так же пошёл на Драуни, совершавшего трудный подвиг, а Сатьяки сдержал двух кекаев, Винду и Анувинду. Царь Читрасена встретил приближавшегося Шрутакармана, а Читра с пёстрым знаменем и луком - Пративиндхью. Дурьодхана выступил против царя Юдхиштхиры, сына Дхармы, а разгневанный Дхананджая бросился на отряды самшаптаков. В этом истреблении лучших героев Дхриштадьюмна сошёлся с Крипой, а Шикхандин - с непоколебимым Критаварманом. Шрутакирти встретил Шалью, а славный Сахадева, сын Мадри, твоего сына Духшасану, о великий царь».
afb40328a770 · опубликовано 20 июн. 2026 г., 03:50:15 UTC
Доступно наRUЛистайте стихи клавишами
В начале главы поле боя дробится на отдельные дуэли. Большая битва становится сетью личных столкновений, где каждый герой получает своего противника и свой плод.