दुर्योधनवचः श्रुत्वा शल्यः क्रोधसमन्वितः ॥
त्रिशिखां भ्रुकुटीं कृत्वा धुन्वन् हस्तौ पुनः पुनः ॥
क्रोधरक्ते महानेत्रे परिवर्त्य महाभुजः ॥
कुलैश्वर्यश्रुतिबलैर् दृप्तः शल्यो ऽब्रवीद् इदम् ॥
अवमन्यसे मां गान्धारे ध्रुवं मां परिशङ्कसे ॥
यन् मां ब्रवीषि विस्रब्धं सारथ्यं क्रियताम् इति ॥
अस्मत्तो ऽभ्यधिकं कर्णं मन्यमानः प्रशंससि ॥
न चाहं युधि राधेयं गणये तुल्यम् आत्मना ॥
आदिश्यताम् अभ्यधिको ममांशः पृथिवीपते ॥
तम् अहं समरे हत्वा गमिष्यामि यथागतम् ॥
अथ वाप्य् एक एवाहं योत्स्यामि कुरुनन्दन ॥
पश्य वीर्यं ममाद्य त्वं संग्रामे दहतो रिपून् ॥
न चाभिकामान् कौरव्य विधाय हृदये पुमान् ॥
अस्मद्विधः प्रवर्तेत मा मा त्वम् अतिशङ्किथाः ॥
युधि चाप्य् अवमानो मे न कर्तव्यः कथं चन ॥
पश्य हीमौ मम भुजौ वज्रसंहननोपमौ ॥
धनुः पश्य च मे चित्रं शरांश् चाशीविषोपमान् ॥
रथं पश्य च मे कॢप्तं सदश्वैर् वातवेगितैः ॥
गदां च पश्य गान्धारे हेमपट्टविभूषिताम् ॥
दारयेयं महीं क्रुद्धो विकिरेयं च पर्वतान् ॥
शोषयेयं समुद्रांश् च तेजसा स्वेन पार्थिव ॥
तन् माम् एवंविधं जानन् समर्थम् अरिनिग्रहे ॥
कस्माद् युनक्षि सारथ्ये न्यूनस्याधिरथेर् नृप ॥
न नाम धुरि राजेन्द्र प्रयोक्तुं त्वम् इहार्हसि ॥
न हि पापीयसः श्रेयान् भूत्वा प्रेष्यत्वम् उत्सहे ॥
यो ह्य् अभ्युपगतं प्रीत्या गरीयांसं वशे स्थितम् ॥
वशे पापीयसो धत्ते तत् पापम् अधरोत्तरम् ॥
ब्राह्मणा ब्रह्मणा सृष्टा मुखात् क्षत्रम् अथोरसः ॥
ऊरुभ्याम् असृजद् वैश्याञ् शूद्रान् पद्भ्याम् इति श्रुतिः ॥
तेभ्यो वर्णविशेषाश् च प्रतिलोमानुलोमजाः ॥
अथान्योन्यस्य संयोगाच् चातुर्वर्ण्यस्य भारत ॥
गोप्तारः संग्रहीतारो दातारः क्षत्रियाः स्मृताः ॥
याजनाध्यापनैर् विप्रा विशुद्धैश् च प्रतिग्रहैः ॥
लोकस्यानुग्रहार्थाय स्थापिता ब्रह्मणा भुवि ॥
कृषिश् च पाशुपाल्यं च विशां दानं च सर्वशः ॥
ब्रह्मक्षत्रविशां शूद्रा विहिताः परिचारकाः ॥
ब्रह्मक्षत्रस्य विहिताः सूता वै परिचारकाः ॥
न विट्शूद्रस्य तत्रैव शृणु वाक्यं ममानघ ॥
सो ऽहं मूर्धावसिक्तः सन् राजर्षिकुलसंभवः ॥
महारथः समाख्यातः सेव्यः स्तव्यश् च बन्दिनाम् ॥
सो ऽहम् एतादृशो भूत्वा नेहारिकुलमर्दन ॥
सूतपुत्रस्य संग्रामे सारथ्यं कर्तुम् उत्सहे ॥
अवमानम् अहं प्राप्य न योत्स्यामि कथं चन ॥
आपृच्छ्य त्वाद्य गान्धारे गमिष्यामि यथागतम् ॥
एवम् उक्त्वा नरव्याघ्रः शल्यः समितिशोभनः ॥
उत्थाय प्रययौ तूर्णं राजमध्याद् अमर्षितः ॥
duryodhanavacaḥ śrutvā śalyaḥ krodhasamanvitaḥ ||
triśikhāṃ bhrukuṭīṃ kṛtvā dhunvan hastau punaḥ punaḥ ||
krodharakte mahānetre parivartya mahābhujaḥ ||
kulaiśvaryaśrutibalair dṛptaḥ śalyo 'bravīd idam ||
avamanyase māṃ gāndhāre dhruvaṃ māṃ pariśaṅkase ||
yan māṃ bravīṣi visrabdhaṃ sārathyaṃ kriyatām iti ||
asmatto 'bhyadhikaṃ karṇaṃ manyamānaḥ praśaṃsasi ||
na cāhaṃ yudhi rādheyaṃ gaṇaye tulyam ātmanā ||
ādiśyatām abhyadhiko mamāṃśaḥ pṛthivīpate ||
tam ahaṃ samare hatvā gamiṣyāmi yathāgatam ||
atha vāpy eka evāhaṃ yotsyāmi kurunandana ||
paśya vīryaṃ mamādya tvaṃ saṃgrāme dahato ripūn ||
na cābhikāmān kauravya vidhāya hṛdaye pumān ||
asmadvidhaḥ pravarteta mā mā tvam atiśaṅkithāḥ ||
yudhi cāpy avamāno me na kartavyaḥ kathaṃ cana ||
paśya hīmau mama bhujau vajrasaṃhananopamau ||
dhanuḥ paśya ca me citraṃ śarāṃś cāśīviṣopamān ||
rathaṃ paśya ca me kḷptaṃ sadaśvair vātavegitaiḥ ||
gadāṃ ca paśya gāndhāre hemapaṭṭavibhūṣitām ||
dārayeyaṃ mahīṃ kruddho vikireyaṃ ca parvatān ||
śoṣayeyaṃ samudrāṃś ca tejasā svena pārthiva ||
tan mām evaṃvidhaṃ jānan samartham arinigrahe ||
kasmād yunakṣi sārathye nyūnasyādhirather nṛpa ||
na nāma dhuri rājendra prayoktuṃ tvam ihārhasi ||
na hi pāpīyasaḥ śreyān bhūtvā preṣyatvam utsahe ||
yo hy abhyupagataṃ prītyā garīyāṃsaṃ vaśe sthitam ||
vaśe pāpīyaso dhatte tat pāpam adharottaram ||
brāhmaṇā brahmaṇā sṛṣṭā mukhāt kṣatram athorasaḥ ||
ūrubhyām asṛjad vaiśyāñ śūdrān padbhyām iti śrutiḥ ||
tebhyo varṇaviśeṣāś ca pratilomānulomajāḥ ||
athānyonyasya saṃyogāc cāturvarṇyasya bhārata ||
goptāraḥ saṃgrahītāro dātāraḥ kṣatriyāḥ smṛtāḥ ||
yājanādhyāpanair viprā viśuddhaiś ca pratigrahaiḥ ||
lokasyānugrahārthāya sthāpitā brahmaṇā bhuvi ||
kṛṣiś ca pāśupālyaṃ ca viśāṃ dānaṃ ca sarvaśaḥ ||
brahmakṣatraviśāṃ śūdrā vihitāḥ paricārakāḥ ||
brahmakṣatrasya vihitāḥ sūtā vai paricārakāḥ ||
na viṭśūdrasya tatraiva śṛṇu vākyaṃ mamānagha ||
so 'haṃ mūrdhāvasiktaḥ san rājarṣikulasaṃbhavaḥ ||
mahārathaḥ samākhyātaḥ sevyaḥ stavyaś ca bandinām ||
so 'ham etādṛśo bhūtvā nehārikulamardana ||
sūtaputrasya saṃgrāme sārathyaṃ kartum utsahe ||
avamānam ahaṃ prāpya na yotsyāmi kathaṃ cana ||
āpṛcchya tvādya gāndhāre gamiṣyāmi yathāgatam ||
evam uktvā naravyāghraḥ śalyaḥ samitiśobhanaḥ ||
utthāya prayayau tūrṇaṃ rājamadhyād amarṣitaḥ ||
Услышав слова Дурьодханы, Шалья разгневался. Нахмурив брови, снова и снова махая руками, вращая большими глазами, покрасневшими от гнева, гордый родом, властью, учёностью и силой, он сказал: «Ты унижаешь меня, сын Гандхари; несомненно, ты подозреваешь меня, раз так прямо говоришь: “Стань возницей”. Считая Карну выше меня, ты восхваляешь его; но я в бою не считаю Радхею равным себе. Назначь мне долю сильнейшего противника, о владыка земли, и я, убив его в бою, уйду так же, как пришёл. Или я один буду сражаться, о радость Куру: сегодня ты увидишь мою мощь, когда я буду сжигать врагов в сражении. Такой человек, как я, не действует, держа в сердце пристрастные желания, о Кауравья; не подозревай меня. В бою нельзя допускать моего унижения. Посмотри на эти мои руки, крепкие как ваджра; посмотри на мой пёстрый лук и стрелы, подобные ядовитым змеям; посмотри на мою готовую колесницу с добрыми конями, быстрыми как ветер, и на мою палицу, украшенную золотыми пластинами. Разгневанный, я мог бы рассечь землю, разбросать горы и иссушить моря собственной силой, о царь. Зная, что я таков и способен подавлять врагов, почему ты ставишь меня возницей низшего сына Адхиратхи? Неужели ты вправе поставить меня здесь к ярму, о царь царей? Лучший не вытерпит службы у худшего. Кто старшего, пришедшего с любовью и находящегося в его власти, отдаёт во власть худшему, тот совершает зло, ставя низшее над высшим. Брахманы созданы Брахмой из уст, кшатрии — из груди, вайшьи — из бёдер, шудры — из стоп: так говорит шрути. От них происходят особые варны, рождённые по порядку и против порядка; от взаимного смешения четырёх варн, о Бхарата, кшатрии считаются защитниками, собирателями и дарителями. Брахманы установлены Брахмой на земле для блага мира через жертвоприношение, обучение и чистое принятие даров. Земледелие, скотоводство и даяние во всех видах — дело вайшьев; шудры назначены служителями брахманов, кшатриев и вайшьев. Суты же назначены служителями брахманов и кшатриев, а не вайшьев и шудр. Выслушай моё слово, о безгрешный. Я помазан на царство, рождён в роду царственных риши, известен как махаратха, достоин служения и хвалы певцов. Будучи таким, о сокрушитель вражеских родов, я не желаю в бою быть возницей сына суты. Получив унижение, я ни за что не буду сражаться. Попрощавшись с тобой сегодня, сын Гандхари, я уйду так же, как пришёл». Сказав это, тигр среди людей Шалья, украшающий битву, оскорблённый, быстро поднялся и ушёл из царского собрания».
f0d92a6d54b4 · опубликовано 20 июн. 2026 г., 04:50:30 UTC
Доступно наRUЛистайте стихи клавишами
Речь Шальи важна не как нравственный идеал, а как обнажение гордости, которая живёт внутри союзников Дурьодханы. Даже перед решающим боем они заняты рангом, престижем и тем, кто кому должен служить.