तेषाम् आपततां शब्दस् तीव्र आसीद् विशां पते ॥
उद्धूतानां यथा वृष्ट्या सागराणां भयावहः ॥
ते सेने भृशसंविग्ने दृष्ट्वान्योन्यं महारणे ॥
हर्षेण महता युक्ते परिगृह्य परस्परम् ॥
ततः प्रववृते युद्धं मध्यं प्राप्ते दिवाकरे ॥
यादृशं न कदा चिद् धि दृष्टपूर्वं न च श्रुतम् ॥
बलौघस् तु समासाद्य बलौघं सहसा रणे ॥
उपासर्पत वेगेन जलौघ इव सागरम् ॥
आसीन् निनादः सुमहान् बलौघानां परस्परम् ॥
गर्जतां सागरौघाणां यथा स्यान् निस्वनो महान् ॥
ते तु सेने समासाद्य वेगवत्यौ परस्परम् ॥
एकीभावम् अनुप्राप्ते नद्याव् इव समागमे ॥
ततः प्रववृते युद्धं घोररूपं विशां पते ॥
कुरूणां पाण्डवानां च लिप्सतां सुमहद् यशः ॥
कुरूणां गर्जतां तत्र अविच्छेदकृता गिरः ॥
श्रूयन्ते विविधा राजन् नामान्य् उद्दिश्य भारत ॥
यस्य यद् धि रणे न्यङ्गं पितृतो मातृतो ऽपि वा ॥
कर्मतः शीलतो वापि स तच् छ्रावयते युधि ॥
तान् दृष्ट्वा समरे शूरांस् तर्जयानान् परस्परम् ॥
अभवन् मे मती राजन् नैषाम् अस्तीति जीवितम् ॥
तेषां दृष्ट्वा तु क्रुद्धानां वपूंष्य् अमिततेजसाम् ॥
अभवन् मे भयं तीव्रं कथम् एतद् भविष्यति ॥
ततस् ते पाण्डवा राजन् कौरवाश् च महारथाः ॥
ततक्षुः सायकैस् तीक्ष्णैर् निघ्नन्तो हि परस्परम् ॥
teṣām āpatatāṃ śabdas tīvra āsīd viśāṃ pate ||
uddhūtānāṃ yathā vṛṣṭyā sāgarāṇāṃ bhayāvahaḥ ||
te sene bhṛśasaṃvigne dṛṣṭvānyonyaṃ mahāraṇe ||
harṣeṇa mahatā yukte parigṛhya parasparam ||
tataḥ pravavṛte yuddhaṃ madhyaṃ prāpte divākare ||
yādṛśaṃ na kadā cid dhi dṛṣṭapūrvaṃ na ca śrutam ||
balaughas tu samāsādya balaughaṃ sahasā raṇe ||
upāsarpata vegena jalaugha iva sāgaram ||
āsīn ninādaḥ sumahān balaughānāṃ parasparam ||
garjatāṃ sāgaraughāṇāṃ yathā syān nisvano mahān ||
te tu sene samāsādya vegavatyau parasparam ||
ekībhāvam anuprāpte nadyāv iva samāgame ||
tataḥ pravavṛte yuddhaṃ ghorarūpaṃ viśāṃ pate ||
kurūṇāṃ pāṇḍavānāṃ ca lipsatāṃ sumahad yaśaḥ ||
kurūṇāṃ garjatāṃ tatra avicchedakṛtā giraḥ ||
śrūyante vividhā rājan nāmāny uddiśya bhārata ||
yasya yad dhi raṇe nyaṅgaṃ pitṛto mātṛto 'pi vā ||
karmataḥ śīlato vāpi sa tac chrāvayate yudhi ||
tān dṛṣṭvā samare śūrāṃs tarjayānān parasparam ||
abhavan me matī rājan naiṣām astīti jīvitam ||
teṣāṃ dṛṣṭvā tu kruddhānāṃ vapūṃṣy amitatejasām ||
abhavan me bhayaṃ tīvraṃ katham etad bhaviṣyati ||
tatas te pāṇḍavā rājan kauravāś ca mahārathāḥ ||
tatakṣuḥ sāyakais tīkṣṇair nighnanto hi parasparam ||
Шум их наступления был резким и страшным, владыка людей, словно грохот океанов, вздымаемых дождём. Две сильно встревоженные армии, увидев друг друга в великой битве, исполнились великого боевого восторга и схватились между собой. Тогда, когда солнце достигло середины неба, началась такая битва, какой прежде не видели и не слышали. Поток войска внезапно приблизился в бою к потоку войска, как водный поток к океану. Грохот этих двух масс войск был велик, словно великий рёв морских валов. Две стремительные армии, сойдясь друг с другом, пришли к единству, как две реки при слиянии. Затем началась страшная видом битва Куру и Пандавов, жаждущих великой славы. Там у ревущих Куру слышались разные непрерывные крики, о царь, называвшие имена. Какой у кого был изъян в бою, по отцу или матери, по поступку или нраву, то и выкрикивали друг другу. Увидев в бою этих героев, угрожающих друг другу, я подумал, царь: ‘Им не выжить’. А когда я увидел гневные тела этих безмерносильных воинов, меня охватил сильный страх: ‘Чем же это кончится?’ Затем Пандавы и великие ратхины Кауравов стали рассекать друг друга острыми стрелами, взаимно убивая».
07133ebf1b00 · опубликовано 20 июн. 2026 г., 05:56:58 UTC
Доступно наRUЛистайте стихи клавишами
Глава завершается не победой одного героя, а новым слиянием двух армий. Даже Санджая, привыкший видеть войну, признаёт страх: человеческая ярость стала слишком велика, и исход кажется непостижимым.