संजय उवाच
दृष्ट्वा भीमं महाबाहुं सूतपुत्रः प्रतापवान् ॥
क्रोधरक्तेक्षणो राजन् भीमसेनम् उपाद्रवत् ॥
तावकं च बलं दृष्ट्वा भीमसेनात् पराङ्मुखम् ॥
यत्नेन महता राजन् पर्यवस्थापयद् बली ॥
व्यवस्थाप्य महाबाहुस् तव पुत्रस्य वाहिनीम् ॥
प्रत्युद्ययौ तदा कर्णः पाण्डवान् युद्धदुर्मदान् ॥
प्रत्युद्ययुस् तु राधेयं पाण्डवानां महारथाः ॥
धुन्वानाः कार्मुकाण्य् आजौ विक्षिपन्तश् च सायकान् ॥
भीमसेनः शिनेर् नप्ता शिखण्डी जनमेजयः ॥
धृष्टद्युम्नश् च बलवान् सर्वे चापि प्रभद्रकाः ॥
पाञ्चालाश् च नरव्याघ्राः समन्तात् तव वाहिनीम् ॥
अभ्यद्रवन्त संक्रुद्धाः समरे जितकाशिनः ॥
तथैव तावका राजन् पाण्डवानाम् अनीकिनीम् ॥
अभ्यद्रवन्त त्वरिता जिघांसन्तो महारथाः ॥
रथनागाश्वकलिलं पत्तिध्वजसमाकुलम् ॥
बभूव पुरुषव्याघ्र सैन्यम् अद्भुतदर्शनम् ॥
saṃjaya uvāca
dṛṣṭvā bhīmaṃ mahābāhuṃ sūtaputraḥ pratāpavān ||
krodharaktekṣaṇo rājan bhīmasenam upādravat ||
tāvakaṃ ca balaṃ dṛṣṭvā bhīmasenāt parāṅmukham ||
yatnena mahatā rājan paryavasthāpayad balī ||
vyavasthāpya mahābāhus tava putrasya vāhinīm ||
pratyudyayau tadā karṇaḥ pāṇḍavān yuddhadurmadān ||
pratyudyayus tu rādheyaṃ pāṇḍavānāṃ mahārathāḥ ||
dhunvānāḥ kārmukāṇy ājau vikṣipantaś ca sāyakān ||
bhīmasenaḥ śiner naptā śikhaṇḍī janamejayaḥ ||
dhṛṣṭadyumnaś ca balavān sarve cāpi prabhadrakāḥ ||
pāñcālāś ca naravyāghrāḥ samantāt tava vāhinīm ||
abhyadravanta saṃkruddhāḥ samare jitakāśinaḥ ||
tathaiva tāvakā rājan pāṇḍavānām anīkinīm ||
abhyadravanta tvaritā jighāṃsanto mahārathāḥ ||
rathanāgāśvakalilaṃ pattidhvajasamākulam ||
babhūva puruṣavyāghra sainyam adbhutadarśanam ||
Санджая сказал: «Увидев могучего Бхиму, могущественный сын суты с глазами, покрасневшими от гнева, бросился на Бхимасену. Видя, что твоё войско отворачивается от Бхимасены, сильный Карна великим усилием остановил его, царь. Собрав войско твоего сына, могучий Карна выступил тогда навстречу воинственным Пандавам. Махаратхи Пандавов пошли навстречу Радхее, потрясая луками в бою и выпуская стрелы: Бхимасена, внук Шини, Шикханди, Джанамеджая, сильный Дхриштадьюмна и все Прабхадраки. Разгневанные Панчалы, тигры среди людей, победно сияя в бою, со всех сторон бросились на твоё войско. Так же и твои махаратхи стремительно напали на армию Пандавов, желая убить их. Войско, полное колесниц, слонов, коней, пехоты и стягов, стало удивительным зрелищем, о тигр среди людей».
9adbd2de48b7 · опубликовано 20 июн. 2026 г., 06:38:46 UTC
Доступно наRUЛистайте стихи клавишами
Карна снова выполняет роль стержня кауравского строя: он не только бьётся, но и возвращает бегущих к бою. Так личная доблесть на время удерживает армию, чья мораль уже подорвана.