संजय उवाच
इति स्म कृष्णवचनात् प्रत्युच्चार्य युधिष्ठिरम् ॥
बभूव विमनाः पार्थः किं चित् कृत्वेव पातकम् ॥
ततो ऽब्रवीद् वासुदेवः प्रहसन्न् इव पाण्डवम् ॥
कथं नाम भवेद् एतद् यदि त्वं पार्थ धर्मजम् ॥
असिना तीक्ष्णधारेण हन्या धर्मे व्यवस्थितम् ॥
त्वम् इत्य् उक्त्वैव राजानम् एवं कश्मलम् आविशः ॥
हत्वा तु नृपतिं पार्थ अकरिष्यः किम् उत्तरम् ॥
एवं सुदुर्विदो धर्मो मन्दप्रज्ञैर् विशेषतः ॥
स भवान् धर्मभीरुत्वाद् ध्रुवम् ऐष्यन् महत्तमः ॥
नरकं घोररूपं च भ्रातुर् ज्येष्ठस्य वै वधात् ॥
स त्वं धर्मभृतां श्रेष्ठं राजानं धर्मसंहितम् ॥
प्रसादय कुरुश्रेष्ठम् एतद् अत्र मतं मम ॥
प्रसाद्य भक्त्या राजानं प्रीतं चैव युधिष्ठिरम् ॥
प्रयामस् त्वरिता योद्धुं सूतपुत्ररथं प्रति ॥
हत्वा सुदुर्जयं कर्णं त्वम् अद्य निशितैः शरैः ॥
विपुलां प्रीतिम् आधत्स्व धर्मपुत्रस्य मानद ॥
एतद् अत्र महाबाहो प्राप्तकालं मतं मम ॥
एवं कृते कृतं चैव तव कार्यं भविष्यति ॥
saṃjaya uvāca
iti sma kṛṣṇavacanāt pratyuccārya yudhiṣṭhiram ||
babhūva vimanāḥ pārthaḥ kiṃ cit kṛtveva pātakam ||
tato 'bravīd vāsudevaḥ prahasann iva pāṇḍavam ||
kathaṃ nāma bhaved etad yadi tvaṃ pārtha dharmajam ||
asinā tīkṣṇadhāreṇa hanyā dharme vyavasthitam ||
tvam ity uktvaiva rājānam evaṃ kaśmalam āviśaḥ ||
hatvā tu nṛpatiṃ pārtha akariṣyaḥ kim uttaram ||
evaṃ sudurvido dharmo mandaprajñair viśeṣataḥ ||
sa bhavān dharmabhīrutvād dhruvam aiṣyan mahattamaḥ ||
narakaṃ ghorarūpaṃ ca bhrātur jyeṣṭhasya vai vadhāt ||
sa tvaṃ dharmabhṛtāṃ śreṣṭhaṃ rājānaṃ dharmasaṃhitam ||
prasādaya kuruśreṣṭham etad atra mataṃ mama ||
prasādya bhaktyā rājānaṃ prītaṃ caiva yudhiṣṭhiram ||
prayāmas tvaritā yoddhuṃ sūtaputrarathaṃ prati ||
hatvā sudurjayaṃ karṇaṃ tvam adya niśitaiḥ śaraiḥ ||
vipulāṃ prītim ādhatsva dharmaputrasya mānada ||
etad atra mahābāho prāptakālaṃ mataṃ mama ||
evaṃ kṛte kṛtaṃ caiva tava kāryaṃ bhaviṣyati ||
Санджая сказал: «По слову Кришны резко ответив Юдхиштхире, Партха помрачнел, словно совершил некий грех. Тогда Васудева, как бы улыбаясь, сказал Пандаве: “Как это было бы, Партха, если бы ты острым мечом убил сына Дхармы, стоящего в дхарме? Ты впал в такое смятение, лишь сказав царю ‘ты’; что же ты сделал бы потом, убив царя, Партха? Так дхарма труднопознаваема, особенно для слабого ума. Из боязни за дхарму ты, великий, несомненно пошёл бы в ужасный ад за убийство старшего брата. Поэтому умилостивь царя, лучшего из хранителей дхармы, лучшего из Куру, праведного; таково здесь моё мнение. Почтительно примирив царя и обрадовав Юдхиштхиру, мы быстро отправимся сражаться против колесницы сына суты. Сразив сегодня трудноодолимого Карну острыми стрелами, доставь великую радость сыну Дхармы, о дарующий честь. Вот сейчас, могучий, мой своевременный совет: когда это будет сделано, твоё дело будет исполнено”».
d3c8d1237842 · опубликовано 20 июн. 2026 г., 07:15:19 UTC
Доступно наRUЛистайте стихи клавишами
Кришна завершает внутренний кризис Арджуны и возвращает его к настоящему делу. Дхарма здесь не отделена от действия: примирить старшего и выйти против Карны — две стороны одного долга.