विरथं धर्मराजं च दृष्ट्वा सुदृढविक्षतम् ॥
शिखण्डिनं सात्यकिं च धृष्टद्युम्नं च पार्षतम् ॥
द्रौपदेयान् युधामन्युम् उत्तमौजसम् एव च ॥
नकुलं सहदेवं च भ्रातरौ द्वौ समीक्ष्य च ॥
सहसैकरथः पार्थस् त्वाम् अभ्येति परंतप ॥
क्रोधरक्तेक्षणः क्रुद्धो जिघांसुः सर्वधन्विनाम् ॥
त्वरितो ऽभिपतत्य् अस्मांस् त्यक्त्वा सैन्यान्य् असंशयम् ॥
त्वं कर्ण प्रतियाह्य् एनं नास्त्य् अन्यो हि धनुर्धरः ॥
न तं पश्यामि लोके ऽस्मिंस् त्वत्तो ऽप्य् अन्यं धनुर्धरम् ॥
अर्जुनं समरे क्रुद्धं यो वेलाम् इव धारयेत् ॥
न चास्य रक्षां पश्यामि पृष्ठतो न च पार्श्वतः ॥
एक एवाभियाति त्वां पश्य साफल्यम् आत्मनः ॥
त्वं हि कृष्णौ रणे शक्तः संसाधयितुम् आहवे ॥
तवैष भारो राधेय प्रत्युद्याहि धनंजयम् ॥
त्वं कृतो ह्य् एव भीष्मेण द्रोणद्रौणिकृपैर् अपि ॥
सव्यसाचिप्रतिरथस् तं निवर्तय पाण्डवम् ॥
लेलिहानं यथा सर्पं गर्जन्तम् ऋषभं यथा ॥
लयस्थितं यथा व्याघ्रं जहि कर्ण धनंजयम् ॥
एते द्रवन्ति समरे धार्तराष्ट्रा महारथाः ॥
अर्जुनस्य भयात् तूर्णं निरपेक्षा जनाधिपाः ॥
द्रवताम् अथ तेषां तु युधि नान्यो ऽस्ति मानवः ॥
भयहा यो भवेद् वीर त्वाम् ऋते सूतनन्दन ॥
एते त्वां कुरवः सर्वे द्वीपम् आसाद्य संयुगे ॥
विष्ठिताः पुरुषव्याघ्र त्वत्तः शरणकाङ्क्षिणः ॥
वैदेहाम्बष्ठकाम्बोजास् तथा नग्नजितस् त्वया ॥
गान्धाराश् च यया धृत्या जिताः संख्ये सुदुर्जयाः ॥
तां धृतिं कुरु राधेय ततः प्रत्येहि पाण्डवम् ॥
वासुदेवं च वार्ष्णेयं प्रीयमाणं किरीटिना ॥
virathaṃ dharmarājaṃ ca dṛṣṭvā sudṛḍhavikṣatam ||
śikhaṇḍinaṃ sātyakiṃ ca dhṛṣṭadyumnaṃ ca pārṣatam ||
draupadeyān yudhāmanyum uttamaujasam eva ca ||
nakulaṃ sahadevaṃ ca bhrātarau dvau samīkṣya ca ||
sahasaikarathaḥ pārthas tvām abhyeti paraṃtapa ||
krodharaktekṣaṇaḥ kruddho jighāṃsuḥ sarvadhanvinām ||
tvarito 'bhipataty asmāṃs tyaktvā sainyāny asaṃśayam ||
tvaṃ karṇa pratiyāhy enaṃ nāsty anyo hi dhanurdharaḥ ||
na taṃ paśyāmi loke 'smiṃs tvatto 'py anyaṃ dhanurdharam ||
arjunaṃ samare kruddhaṃ yo velām iva dhārayet ||
na cāsya rakṣāṃ paśyāmi pṛṣṭhato na ca pārśvataḥ ||
eka evābhiyāti tvāṃ paśya sāphalyam ātmanaḥ ||
tvaṃ hi kṛṣṇau raṇe śaktaḥ saṃsādhayitum āhave ||
tavaiṣa bhāro rādheya pratyudyāhi dhanaṃjayam ||
tvaṃ kṛto hy eva bhīṣmeṇa droṇadrauṇikṛpair api ||
savyasācipratirathas taṃ nivartaya pāṇḍavam ||
lelihānaṃ yathā sarpaṃ garjantam ṛṣabhaṃ yathā ||
layasthitaṃ yathā vyāghraṃ jahi karṇa dhanaṃjayam ||
ete dravanti samare dhārtarāṣṭrā mahārathāḥ ||
arjunasya bhayāt tūrṇaṃ nirapekṣā janādhipāḥ ||
dravatām atha teṣāṃ tu yudhi nānyo 'sti mānavaḥ ||
bhayahā yo bhaved vīra tvām ṛte sūtanandana ||
ete tvāṃ kuravaḥ sarve dvīpam āsādya saṃyuge ||
viṣṭhitāḥ puruṣavyāghra tvattaḥ śaraṇakāṅkṣiṇaḥ ||
vaidehāmbaṣṭhakāmbojās tathā nagnajitas tvayā ||
gāndhārāś ca yayā dhṛtyā jitāḥ saṃkhye sudurjayāḥ ||
tāṃ dhṛtiṃ kuru rādheya tataḥ pratyehi pāṇḍavam ||
vāsudevaṃ ca vārṣṇeyaṃ prīyamāṇaṃ kirīṭinā ||
«Увидев Дхармараджу без колесницы и тяжело израненным, увидев Шикханди, Сатьяки, Дхриштадьюмну Паршату, сыновей Драупади, Юдхаманью, Уттамауджаса, Накулу, Сахадеву и двух братьев, Партха внезапно один на колеснице идёт на тебя, палящий врагов. Гневный, с глазами, красными от ярости, он идёт, желая уничтожить всех лучников. Он быстро нападает на нас, без сомнения минуя войска. Карна, выступи против него: другого лучника нет. В этом мире я не вижу лучника, кроме тебя, который мог бы удержать разгневанного Арджуну в бою, словно берег удерживает море. Я не вижу у него охраны ни сзади, ни сбоку; он один идёт на тебя. Увидь плод своей жизни. Ты способен в бою одолеть двух Кришн; это твоя ноша, Радхея, выступи навстречу Дхананджае. Ведь Бхишма, Дрона, Драуни и Крипа признали тебя противником Савьясачина на колеснице. Останови этого Пандаву. Срази Дхананджаю, Карна: он как змея, высовывающая язык, как ревущий бык, как тигр, стоящий в засаде. В бою эти кауравские махаратхи, цари, бегут без оглядки от страха перед Арджуной. Для них, бегущих в бою, нет другого человека, кто мог бы отнять страх, кроме тебя, герой, сын возницы. Все Куру стоят вокруг тебя, тигр среди людей, как вокруг острова в битве, и ищут у тебя защиты. С той же стойкостью, с которой ты в бою победил труднопобедимых Вайдехов, Амбаштхов, Камбоджей, Нагнаджитов и Гандхаров, прояви твёрдость, Радхея, и выступи против Пандавы и Васудевы Варшнеи, радующегося вместе с Киритиным».
4f8c95a694e3 · опубликовано 20 июн. 2026 г., 07:56:05 UTC
Доступно наRUЛистайте стихи клавишами
Шалья говорит Карне правду о положении войска: Куру уже держатся только за него. Но эта правда звучит как давление на гордость, а не как обращение к дхарме.