अहं च कृतवर्मा च प्रयान्तं त्वां नरोत्तम ॥
अनुयास्याव सहितौ धन्विनौ परतापिनौ ॥
रथिनं त्वरया यान्तं रथाव् आस्थाय दंशितौ ॥
स गत्वा शिबिरं तेषां नाम विश्राव्य चाहवे ॥
ततः कर्तासि शत्रूणां युध्यतां कदनं महत् ॥
कृत्वा च कदनं तेषां प्रभाते विमले ऽहनि ॥
विहरस्व यथा शक्रः सूदयित्वा महासुरान् ॥
त्वं हि शक्तो रणे जेतुं पाञ्चालानां वरूथिनीम् ॥
दैत्यसेनाम् इव क्रुद्धः सर्वदानवसूदनः ॥
मया त्वां सहितं संख्ये गुप्तं च कृतवर्मणा ॥
न सहेत विभुः साक्षाद् वज्रपाणिर् अपि स्वयम् ॥
न चाहं समरे तात कृतवर्मा तथैव च ॥
अनिर्जित्य रणे पाण्डून् व्यपयास्याव कर्हि चित् ॥
हत्वा च समरे क्षुद्रान् पाञ्चालान् पाण्डुभिः सह ॥
निवर्तिष्यामहे सर्वे हता वा स्वर्गगा वयम् ॥
सर्वोपायैः सहायास् ते प्रभाते वयम् एव हि ॥
सत्यम् एतन् महाबाहो प्रब्रवीमि तवानघ ॥
ahaṃ ca kṛtavarmā ca prayāntaṃ tvāṃ narottama ||
anuyāsyāva sahitau dhanvinau paratāpinau ||
rathinaṃ tvarayā yāntaṃ rathāv āsthāya daṃśitau ||
sa gatvā śibiraṃ teṣāṃ nāma viśrāvya cāhave ||
tataḥ kartāsi śatrūṇāṃ yudhyatāṃ kadanaṃ mahat ||
kṛtvā ca kadanaṃ teṣāṃ prabhāte vimale 'hani ||
viharasva yathā śakraḥ sūdayitvā mahāsurān ||
tvaṃ hi śakto raṇe jetuṃ pāñcālānāṃ varūthinīm ||
daityasenām iva kruddhaḥ sarvadānavasūdanaḥ ||
mayā tvāṃ sahitaṃ saṃkhye guptaṃ ca kṛtavarmaṇā ||
na saheta vibhuḥ sākṣād vajrapāṇir api svayam ||
na cāhaṃ samare tāta kṛtavarmā tathaiva ca ||
anirjitya raṇe pāṇḍūn vyapayāsyāva karhi cit ||
hatvā ca samare kṣudrān pāñcālān pāṇḍubhiḥ saha ||
nivartiṣyāmahe sarve hatā vā svargagā vayam ||
sarvopāyaiḥ sahāyās te prabhāte vayam eva hi ||
satyam etan mahābāho prabravīmi tavānagha ||
«Я и Критаварман, оба лучники, жгущие врагов, последуем вместе за тобой, о лучший муж, когда ты быстро выступишь на колеснице; мы взойдём на свои ратхи вооружёнными. Ты придёшь в их лагерь, возгласишь своё имя в бою и затем устроишь великое истребление сражающимся врагам. Разгромив их на ясном рассвете, ликуй, как Шакра после истребления великих асуров. Ты способен в бою победить войско Панчалов, как разгневанный истребитель всех данавов побеждает войско дайтьев. Тебя, сражающегося рядом со мной и защищённого Критаварманом, не выдержал бы даже сам держатель ваджры. И ни я, ни Критаварман никогда не уйдём с поля, не победив в бою Пандавов. Убив в сражении низких Панчалов вместе с Пандавами, мы все вернёмся — или же, пав, пойдём на небо. Утром мы будем твоими помощниками всеми способами. Это правда, о мощнорукий безупречный, я говорю тебе».
2144a125578f · опубликовано 20 июн. 2026 г., 12:04:50 UTC
Доступно наRUЛистайте стихи клавишами
Даже уговаривая ждать утра, Крипа вплетает в речь язык воинской славы. Так видно, как трудно остановить неправедный замысел, когда все собеседники уже приняли месть как допустимую цель и спорят только о времени.