संजय उवाच
तं शयानं नृपश्रेष्ठं ततो भरतसत्तम ॥
अश्वत्थामा समालोक्य करुणं पर्यदेवयत् ॥
आहुस् त्वां राजशार्दूल मुख्यं सर्वधनुष्मताम् ॥
धनाध्यक्षोपमं युद्धे शिष्यं संकर्षणस्य ह ॥
कथं विवरम् अद्राक्षीद् भीमसेनस् तवानघ ॥
बलिनः कृतिनो नित्यं स च पापात्मवान् नृप ॥
कालो नूनं महाराज लोके ऽस्मिन् बलवत्तरः ॥
पश्यामो निहतं त्वां चेद् भीमसेनेन संयुगे ॥
कथं त्वां सर्वधर्मज्ञं क्षुद्रः पापो वृकोदरः ॥
निकृत्या हतवान् मन्दो नूनं कालो दुरत्ययः ॥
धर्मयुद्धे ह्य् अधर्मेण समाहूयौजसा मृधे ॥
गदया भीमसेनेन निर्भिन्ने सक्थिनी तव ॥
अधर्मेण हतस्याजौ मृद्यमानं पदा शिरः ॥
यद् उपेक्षितवान् क्षुद्रो धिक् तम् अस्तु युधिष्ठिरम् ॥
युद्धेष्व् अपवदिष्यन्ति योधा नूनं वृकोदरम् ॥
यावत् स्थास्यन्ति भूतानि निकृत्या ह्य् असि पातितः ॥
ननु रामो ऽब्रवीद् राजंस् त्वां सदा यदुनन्दनः ॥
दुर्योधनसमो नास्ति गदया इति वीर्यवान् ॥
श्लाघते त्वां हि वार्ष्णेयो राजन् संसत्सु भारत ॥
सुशिष्यो मम कौरव्यो गदायुद्ध इति प्रभो ॥
यां गतिं क्षत्रियस्याहुः प्रशस्तां परमर्षयः ॥
हतस्याभिमुखस्याजौ प्राप्तस् त्वम् असि तां गतिम् ॥
दुर्योधन न शोचामि त्वाम् अहं पुरुषर्षभ ॥
हतपुत्रां तु शोचामि गान्धारीं पितरं च ते ॥
भिक्षुकौ विचरिष्येते शोचन्तौ पृथिवीम् इमाम् ॥
धिग् अस्तु कृष्णं वार्ष्णेयम् अर्जुनं चापि दुर्मतिम् ॥
धर्मज्ञमानिनौ यौ त्वां वध्यमानम् उपेक्षताम् ॥
पाण्डवाश् चापि ते सर्वे किं वक्ष्यन्ति नराधिपान् ॥
कथं दुर्योधनो ऽस्माभिर् हत इत्य् अनपत्रपाः ॥
धन्यस् त्वम् असि गान्धारे यस् त्वम् आयोधने हतः ॥
प्रयातो ऽभिमुखः शत्रून् धर्मेण पुरुषर्षभ ॥
हतपुत्रा हि गान्धारी निहतज्ञातिबान्धवा ॥
प्रज्ञाचक्षुश् च दुर्धर्षः कां गतिं प्रतिपत्स्यते ॥
धिग् अस्तु कृतवर्माणं मां कृपं च महारथम् ॥
ये वयं न गताः स्वर्गं त्वां पुरस्कृत्य पार्थिवम् ॥
दातारं सर्वकामानां रक्षितारं प्रजाहितम् ॥
यद् वयं नानुगच्छामस् त्वां धिग् अस्मान् नराधमान् ॥
कृपस्य तव वीर्येण मम चैव पितुश् च मे ॥
सभृत्यानां नरव्याघ्र रत्नवन्ति गृहाणि च ॥
भवत्प्रसादाद् अस्माभिः समित्रैः सहबान्धवैः ॥
अवाप्ताः क्रतवो मुख्या बहवो भूरिदक्षिणाः ॥
कुतश् चापीदृशं सार्थम् उपलप्स्यामहे वयम् ॥
यादृशेन पुरस्कृत्य त्वं गतः सर्वपार्थिवान् ॥
वयम् एव त्रयो राजन् गच्छन्तं परमां गतिम् ॥
यद् वै त्वां नानुगच्छामस् तेन तप्स्यामहे वयम् ॥
त्वत्स्वर्गहीना हीनार्थाः स्मरन्तः सुकृतस्य ते ॥
किं नाम तद् भवेत् कर्म येन त्वानुव्रजेम वै ॥
दुःखं नूनं कुरुश्रेष्ठ चरिष्यामो महीम् इमाम् ॥
हीनानां नस् त्वया राजन् कुतः शान्तिः कुतः सुखम् ॥
गत्वैतांस् तु महाराज समेत्य त्वं महारथान् ॥
यथाश्रेष्ठं यथाज्येष्ठं पूजयेर् वचनान् मम ॥
आचार्यं पूजयित्वा च केतुं सर्वधनुष्मताम् ॥
हतं मयाद्य शंसेथा धृष्टद्युम्नं नराधिप ॥
परिष्वजेथा राजानं बाह्लिकं सुमहारथम् ॥
सैन्धवं सोमदत्तं च भूरिश्रवसम् एव च ॥
तथा पूर्वगतान् अन्यान् स्वर्गं पार्थिवसत्तमान् ॥
अस्मद् वाक्यात् परिष्वज्य पृच्छेथास् त्वम् अनामयम् ॥
saṃjaya uvāca
taṃ śayānaṃ nṛpaśreṣṭhaṃ tato bharatasattama ||
aśvatthāmā samālokya karuṇaṃ paryadevayat ||
āhus tvāṃ rājaśārdūla mukhyaṃ sarvadhanuṣmatām ||
dhanādhyakṣopamaṃ yuddhe śiṣyaṃ saṃkarṣaṇasya ha ||
kathaṃ vivaram adrākṣīd bhīmasenas tavānagha ||
balinaḥ kṛtino nityaṃ sa ca pāpātmavān nṛpa ||
kālo nūnaṃ mahārāja loke 'smin balavattaraḥ ||
paśyāmo nihataṃ tvāṃ ced bhīmasenena saṃyuge ||
kathaṃ tvāṃ sarvadharmajñaṃ kṣudraḥ pāpo vṛkodaraḥ ||
nikṛtyā hatavān mando nūnaṃ kālo duratyayaḥ ||
dharmayuddhe hy adharmeṇa samāhūyaujasā mṛdhe ||
gadayā bhīmasenena nirbhinne sakthinī tava ||
adharmeṇa hatasyājau mṛdyamānaṃ padā śiraḥ ||
yad upekṣitavān kṣudro dhik tam astu yudhiṣṭhiram ||
yuddheṣv apavadiṣyanti yodhā nūnaṃ vṛkodaram ||
yāvat sthāsyanti bhūtāni nikṛtyā hy asi pātitaḥ ||
nanu rāmo 'bravīd rājaṃs tvāṃ sadā yadunandanaḥ ||
duryodhanasamo nāsti gadayā iti vīryavān ||
ślāghate tvāṃ hi vārṣṇeyo rājan saṃsatsu bhārata ||
suśiṣyo mama kauravyo gadāyuddha iti prabho ||
yāṃ gatiṃ kṣatriyasyāhuḥ praśastāṃ paramarṣayaḥ ||
hatasyābhimukhasyājau prāptas tvam asi tāṃ gatim ||
duryodhana na śocāmi tvām ahaṃ puruṣarṣabha ||
hataputrāṃ tu śocāmi gāndhārīṃ pitaraṃ ca te ||
bhikṣukau vicariṣyete śocantau pṛthivīm imām ||
dhig astu kṛṣṇaṃ vārṣṇeyam arjunaṃ cāpi durmatim ||
dharmajñamāninau yau tvāṃ vadhyamānam upekṣatām ||
pāṇḍavāś cāpi te sarve kiṃ vakṣyanti narādhipān ||
kathaṃ duryodhano 'smābhir hata ity anapatrapāḥ ||
dhanyas tvam asi gāndhāre yas tvam āyodhane hataḥ ||
prayāto 'bhimukhaḥ śatrūn dharmeṇa puruṣarṣabha ||
hataputrā hi gāndhārī nihatajñātibāndhavā ||
prajñācakṣuś ca durdharṣaḥ kāṃ gatiṃ pratipatsyate ||
dhig astu kṛtavarmāṇaṃ māṃ kṛpaṃ ca mahāratham ||
ye vayaṃ na gatāḥ svargaṃ tvāṃ puraskṛtya pārthivam ||
dātāraṃ sarvakāmānāṃ rakṣitāraṃ prajāhitam ||
yad vayaṃ nānugacchāmas tvāṃ dhig asmān narādhamān ||
kṛpasya tava vīryeṇa mama caiva pituś ca me ||
sabhṛtyānāṃ naravyāghra ratnavanti gṛhāṇi ca ||
bhavatprasādād asmābhiḥ samitraiḥ sahabāndhavaiḥ ||
avāptāḥ kratavo mukhyā bahavo bhūridakṣiṇāḥ ||
kutaś cāpīdṛśaṃ sārtham upalapsyāmahe vayam ||
yādṛśena puraskṛtya tvaṃ gataḥ sarvapārthivān ||
vayam eva trayo rājan gacchantaṃ paramāṃ gatim ||
yad vai tvāṃ nānugacchāmas tena tapsyāmahe vayam ||
tvatsvargahīnā hīnārthāḥ smarantaḥ sukṛtasya te ||
kiṃ nāma tad bhavet karma yena tvānuvrajema vai ||
duḥkhaṃ nūnaṃ kuruśreṣṭha cariṣyāmo mahīm imām ||
hīnānāṃ nas tvayā rājan kutaḥ śāntiḥ kutaḥ sukham ||
gatvaitāṃs tu mahārāja sametya tvaṃ mahārathān ||
yathāśreṣṭhaṃ yathājyeṣṭhaṃ pūjayer vacanān mama ||
ācāryaṃ pūjayitvā ca ketuṃ sarvadhanuṣmatām ||
hataṃ mayādya śaṃsethā dhṛṣṭadyumnaṃ narādhipa ||
pariṣvajethā rājānaṃ bāhlikaṃ sumahāratham ||
saindhavaṃ somadattaṃ ca bhūriśravasam eva ca ||
tathā pūrvagatān anyān svargaṃ pārthivasattamān ||
asmad vākyāt pariṣvajya pṛcchethās tvam anāmayam ||
Санджая сказал: «Затем Ашваттхаман, увидев лежащего лучшего из царей, о лучший Бхаратов, жалобно стал его оплакивать: “О тигр царей, тебя называли главным среди всех лучников, подобным Кубере в бою, учеником Санкаршаны. Как грешнодушный Бхимасена, о безупречный царь, смог найти уязвимость в тебе, сильном и всегда искусном? Несомненно, Время сильнее всего в этом мире, раз мы видим тебя, убитого Бхимасеной в бою, о великий царь. Как низкий, грешный, глупый Врикодара коварством убил тебя, знатока всей дхармы? Несомненно, Время непреодолимо. В честном поединке палицей Бхимасена неправедно раздробил тебе бёдра. Позор Юдхиштхире, который допустил, что голову тебя, неправедно убитого в бою, попирали ногой. Пока будут существовать живые существа, воины несомненно будут порицать Врикодару в битвах, ведь ты повержен коварством. Разве доблестный Рама, радость Яду, не говорил всегда о тебе, о царь: ‘Нет равного Дурьодхане в бою палицей’? Варшнея хвалил тебя в собраниях, о Бхарата: ‘Каурава — мой хороший ученик в бою палицей’. Ты достиг той прославленной участи кшатрия, о которой говорят великие риши: участи того, кто пал в бою лицом к врагу. Дурьодхана, я не скорблю о тебе, о бык среди людей; я скорблю о Гандхари, лишённой сыновей, и о твоём отце. Скорбя, они будут бродить по этой земле как нищие. Позор Кришне Варшнее и дурноумному Арджуне, мнящим себя знатоками дхармы, которые смотрели, как тебя убивали. Что скажут все эти бесстыдные Пандавы царям: ‘Как мы убили Дурьодхану’? Ты счастлив, сын Гандхари: ты пал в битве, идя лицом к врагам, по дхарме, о бык людей. Что будет с Гандхари, лишённой сыновей, родичей и близких, и с неприступным мудрооким твоим отцом? Позор Критаварману, мне и махаратхе Крипе, что мы не пошли на небо следом за тобой, царём. Ты давал всё желанное, был защитником и благом подданных; если мы не следуем за тобой, позор нам, низшим людям. Твоей милостью, о тигр людей, у Крипы, у меня, у моего отца и у всех наших слуг были дома, полные драгоценностей. Благодаря тебе мы с друзьями и родичами совершили многие главные жертвоприношения с обильной дакшиной. Где ещё найдём мы такое общество и такого вождя, с которым ты превосходил всех царей? Мы, трое, будем мучиться тем, что не следуем за тобой, идущим к высшей участи. Лишённые твоего неба, утратившие смысл и помня твои благодеяния, что мы можем сделать, чтобы пойти за тобой? Тяжко, о лучший Куру, будем мы ходить по этой земле; без тебя, о царь, откуда нам покой и счастье? Когда ты придёшь туда и встретишь тех махаратхов, почти их от моего имени по достоинству и старшинству. Почтив учителя, знамя всех лучников, сообщи ему: ‘Сегодня мной убит Дхриштадьюмна’. Обними царя Бахлику, великого махаратху, Саиндхаву, Сомадатту и Бхуришраваса; и других лучших царей, ушедших прежде на небо, обними от нашего имени и спроси об их благополучии”».
6fd5d522b234 · опубликовано 20 июн. 2026 г., 12:30:35 UTC
Доступно наRUЛистайте стихи клавишами
Речь Ашваттхамана полна верности и слепоты одновременно. Он видит нарушение дхармы в гибели Дурьодханы, но не видит того же в собственной ночной резне; так пристрастие к своему царю закрывает способность судить себя.