वैशंपायन उवाच
ततो ऽमृतसमैर् वाक्यैर् ह्लादयन् पुरुषर्षभम् ॥
वैचित्रवीर्यं विदुरो यद् उवाच निबोध तत् ॥
विदुर उवाच
उत्तिष्ठ राजन् किं शेषे धारयात्मानम् आत्मना ॥
स्थिरजङ्गममर्त्यानां सर्वेषाम् एष निर्णयः ॥
सर्वे क्षयान्ता निचयाः पतनान्ताः समुच्छ्रयाः ॥
संयोगा विप्रयोगान्ता मरणान्तं हि जीवितम् ॥
यदा शूरं च भीरुं च यमः कर्षति भारत ॥
तत् किं न योत्स्यन्ति हि ते क्षत्रियाः क्षत्रियर्षभ ॥
अयुध्यमानो म्रियते युध्यमानश् च जीवति ॥
कालं प्राप्य महाराज न कश् चिद् अतिवर्तते ॥
न चाप्य् एतान् हतान् युद्धे राजञ् शोचितुम् अर्हसि ॥
प्रमाणं यदि शास्त्राणि गतास् ते परमां गतिम् ॥
सर्वे स्वाध्यायवन्तो हि सर्वे च चरितव्रताः ॥
सर्वे चाभिमुखाः क्षीणास् तत्र का परिदेवना ॥
अदर्शनाद् आपतिताः पुनश् चादर्शनं गताः ॥
न ते तव न तेषां त्वं तत्र का परिदेवना ॥
vaiśaṃpāyana uvāca
tato 'mṛtasamair vākyair hlādayan puruṣarṣabham ||
vaicitravīryaṃ viduro yad uvāca nibodha tat ||
vidura uvāca
uttiṣṭha rājan kiṃ śeṣe dhārayātmānam ātmanā ||
sthirajaṅgamamartyānāṃ sarveṣām eṣa nirṇayaḥ ||
sarve kṣayāntā nicayāḥ patanāntāḥ samucchrayāḥ ||
saṃyogā viprayogāntā maraṇāntaṃ hi jīvitam ||
yadā śūraṃ ca bhīruṃ ca yamaḥ karṣati bhārata ||
tat kiṃ na yotsyanti hi te kṣatriyāḥ kṣatriyarṣabha ||
ayudhyamāno mriyate yudhyamānaś ca jīvati ||
kālaṃ prāpya mahārāja na kaś cid ativartate ||
na cāpy etān hatān yuddhe rājañ śocitum arhasi ||
pramāṇaṃ yadi śāstrāṇi gatās te paramāṃ gatim ||
sarve svādhyāyavanto hi sarve ca caritavratāḥ ||
sarve cābhimukhāḥ kṣīṇās tatra kā paridevanā ||
adarśanād āpatitāḥ punaś cādarśanaṃ gatāḥ ||
na te tava na teṣāṃ tvaṃ tatra kā paridevanā ||
Вайшампаяна сказал: «Затем Видура, утешая сына Вичитравирьи словами, подобными нектару, сказал ему; слушай это. Видура сказал: “Встань, царь. Зачем ты лежишь? Удержи себя собой. Таков удел всех смертных, неподвижных и движущихся: все накопления кончаются разрушением, все возвышения — падением, все соединения — разлукой, а жизнь — смертью. Когда Яма увлекает и героя, и труса, о Бхарата, почему же кшатриям не сражаться, о бык кшатриев? Не сражаясь, человек умирает; сражаясь, он может жить. Когда приходит срок, великий царь, никто не может его избежать. Поэтому этих убитых в бою тебе не следует оплакивать, царь. Если шастры — авторитет, они достигли высшей участи. Все они изучали священные тексты, все соблюдали обеты, все погибли лицом к лицу в битве: о чём тут причитание? Они пришли из невидимого и снова ушли в невидимое. Они не твои, и ты не их: зачем же плач?”»
1f8151af2247 · опубликовано 20 июн. 2026 г., 13:30:37 UTC
Доступно наRUЛистайте стихи клавишами
Видура начинает не с мягких слов, а с онтологии: всё соединённое разлучается, всё живое умирает. Такая правда не холодна; она возвращает ум к реальности, где долг важнее владения.