अमूस् तु भूरिश्रवसो भार्याः सात्यकिना हतम् ॥
परिवार्यानुशोचन्ति भर्तारम् असितेक्षणाः ॥
एता विलप्य बहुलं भर्तृशोकेन कर्शिताः ॥
पतन्त्य् अभिमुखा भूमौ कृपणं बत केशव ॥
बीभत्सुर् अतिबीभत्सं कर्मेदम् अकरोत् कथम् ॥
प्रमत्तस्य यद् अच्छैत्सीद् बाहुं शूरस्य यज्वनः ॥
ततः पापतरं कर्म कृतवान् अपि सात्यकिः ॥
यस्मात् प्रायोपविष्टस्य प्राहार्षीत् संशितात्मनः ॥
एको द्वाभ्यां हतः शेषे त्वम् अधर्मेण धार्मिकः ॥
इति यूपध्वजस्यैताः स्त्रियः क्रोशन्ति माधव ॥
भार्या यूपध्वजस्यैषा करसंमितमध्यमा ॥
कृत्वोत्सङ्गे भुजं भर्तुः कृपणं पर्यदेवयत् ॥
अयं स रशनोत्कर्षी पीनस्तनविमर्दनः ॥
नाभ्यूरुजघनस्पर्शी नीवीविस्रंसनः करः ॥
वासुदेवस्य सांनिध्ये पार्थेनाक्लिष्टकर्मणा ॥
युध्यतः समरे ऽन्येन प्रमत्तस्य निपातितः ॥
किं नु वक्ष्यसि संसत्सु कथासु च जनार्दन ॥
अर्जुनस्य महत् कर्म स्वयं वा स किरीटवान् ॥
इत्य् एवं गर्हयित्वैषा तूष्णीम् आस्ते वराङ्गना ॥
ताम् एताम् अनुशोचन्ति सपत्न्यः स्वाम् इव स्नुषाम् ॥
amūs tu bhūriśravaso bhāryāḥ sātyakinā hatam ||
parivāryānuśocanti bhartāram asitekṣaṇāḥ ||
etā vilapya bahulaṃ bhartṛśokena karśitāḥ ||
patanty abhimukhā bhūmau kṛpaṇaṃ bata keśava ||
bībhatsur atibībhatsaṃ karmedam akarot katham ||
pramattasya yad acchaitsīd bāhuṃ śūrasya yajvanaḥ ||
tataḥ pāpataraṃ karma kṛtavān api sātyakiḥ ||
yasmāt prāyopaviṣṭasya prāhārṣīt saṃśitātmanaḥ ||
eko dvābhyāṃ hataḥ śeṣe tvam adharmeṇa dhārmikaḥ ||
iti yūpadhvajasyaitāḥ striyaḥ krośanti mādhava ||
bhāryā yūpadhvajasyaiṣā karasaṃmitamadhyamā ||
kṛtvotsaṅge bhujaṃ bhartuḥ kṛpaṇaṃ paryadevayat ||
ayaṃ sa raśanotkarṣī pīnastanavimardanaḥ ||
nābhyūrujaghanasparśī nīvīvisraṃsanaḥ karaḥ ||
vāsudevasya sāṃnidhye pārthenākliṣṭakarmaṇā ||
yudhyataḥ samare 'nyena pramattasya nipātitaḥ ||
kiṃ nu vakṣyasi saṃsatsu kathāsu ca janārdana ||
arjunasya mahat karma svayaṃ vā sa kirīṭavān ||
ity evaṃ garhayitvaiṣā tūṣṇīm āste varāṅganā ||
tām etām anuśocanti sapatnyaḥ svām iva snuṣām ||
«А черноглазые жёны Бхуришраваса, убитого Сатьяки, окружают своего мужа и оплакивают его. Долго причитав, иссушённые скорбью о муже, они жалко падают лицом на землю, о Кешава. “Как Бибхатсу мог совершить это отвратительное дело: отсечь руку беспечного героя-жертвователя? Но Сатьяки совершил ещё более грешный поступок, когда ударил того, кто сел в обете смерти и сосредоточил себя. Ты, праведный, лежишь убитый неправедно, один — двумя”, — так кричат женщины Юпадхваджи, о Мадхава. Вот его тонкостаная жена, положив на колени руку мужа, жалобно причитает: “Это та рука, которая стягивала мой пояс, сжимала полные груди, касалась пупка, бёдер и чресл, развязывала узел одежды. В присутствии Васудевы Партха безупречных деяний отсёк её у того, кто сражался в бою с другим и был беспечен. Что же ты скажешь в собраниях и рассказах, о Джанардана, о великом деле Арджуны? И что скажет сам Киритин?” Так обвинив, эта прекрасная женщина молча сидит, а другие жёны оплакивают её, словно свою невестку».
c00130b16080 · опубликовано 20 июн. 2026 г., 14:21:59 UTC
Доступно наRUЛистайте стихи клавишами
Глава не прячет нравственную сложность: жёны Бхуришраваса обвиняют и Арджуну, и Сатьяки. Их голос нужен, чтобы победа не стала самодовольной и не закрыла вопрос о средствах.