ततो रथाश् च बहुला नागाश् च समलंकृताः ॥
पादाताश् च हयाश् चैव पृष्ठतः समनुव्रजन् ॥
ततो वैतालिकैः सूतैर् मागधैश् च सुभाषितैः ॥
स्तूयमानो ययौ राजा नगरं नागसाह्वयम् ॥
तत् प्रयाणं महाबाहोर् बभूवाप्रतिमं भुवि ॥
आकुलाकुलम् उत्सृष्टं हृष्टपुष्टजनान्वितम् ॥
अभियाने तु पार्थस्य नरैर् नगरवासिभिः ॥
नगरं राजमार्गश् च यथावत् समलंकृतम् ॥
पाण्डुरेण च माल्येन पताकाभिश् च वेदिभिः ॥
संवृतो राजमार्गश् च धूपनैश् च सुधूपितः ॥
अथ चूर्णैश् च गन्धानां नानापुष्पैः प्रियङ्गुभिः ॥
माल्यदामभिर् आसक्तै राजवेश्माभिसंवृतम् ॥
कुम्भाश् च नगरद्वारि वारिपूर्णा दृढा नवाः ॥
कन्याः सुमनसश् छागाः स्थापितास् तत्र तत्र ह ॥
तथा स्वलंकृतद्वारं नगरं पाण्डुनन्दनः ॥
स्तूयमानः शुभैर् वाक्यैः प्रविवेश सुहृद्वृतः ॥
tato rathāś ca bahulā nāgāś ca samalaṃkṛtāḥ ||
pādātāś ca hayāś caiva pṛṣṭhataḥ samanuvrajan ||
tato vaitālikaiḥ sūtair māgadhaiś ca subhāṣitaiḥ ||
stūyamāno yayau rājā nagaraṃ nāgasāhvayam ||
tat prayāṇaṃ mahābāhor babhūvāpratimaṃ bhuvi ||
ākulākulam utsṛṣṭaṃ hṛṣṭapuṣṭajanānvitam ||
abhiyāne tu pārthasya narair nagaravāsibhiḥ ||
nagaraṃ rājamārgaś ca yathāvat samalaṃkṛtam ||
pāṇḍureṇa ca mālyena patākābhiś ca vedibhiḥ ||
saṃvṛto rājamārgaś ca dhūpanaiś ca sudhūpitaḥ ||
atha cūrṇaiś ca gandhānāṃ nānāpuṣpaiḥ priyaṅgubhiḥ ||
mālyadāmabhir āsaktai rājaveśmābhisaṃvṛtam ||
kumbhāś ca nagaradvāri vāripūrṇā dṛḍhā navāḥ ||
kanyāḥ sumanasaś chāgāḥ sthāpitās tatra tatra ha ||
tathā svalaṃkṛtadvāraṃ nagaraṃ pāṇḍunandanaḥ ||
stūyamānaḥ śubhair vākyaiḥ praviveśa suhṛdvṛtaḥ ||
За ними следовали многочисленные колесницы, украшенные слоны, пехотинцы и кони. Восхваляемый вайталиками, сутами и магадхами, произносившими добрые слова, царь направился в город, называемый Нагасахвая. Шествие сильнорукого было несравненным на земле: всё было полно движения, открыто и наполнено радостными, довольными людьми. Когда Партха приближался, жители города как следует украсили столицу и царскую дорогу. Царская дорога была покрыта белыми гирляндами, знамёнами и алтарными площадками, густо окурена благовониями. Царский дворец был украшен ароматными порошками, разными цветами, приянгу, развешенными гирляндами и венками. У городских ворот тут и там стояли новые крепкие кувшины, полные воды, девушки, цветы и козлы. Так сын Панду, окружённый друзьями и восхваляемый благими речами, вошёл в город с прекрасно украшенными воротами».
b7769be86018 · опубликовано 20 июн. 2026 г., 16:51:42 UTC
Доступно наRUЛистайте стихи клавишами
Глава завершается восстановлением царского присутствия в столице. После скорби и сомнений народ встречает Юдхиштхиру как законного хранителя порядка, а украшенный город становится знаком возвращающейся жизни.