ऐल उवाच
साध्वसाधून् धारयतीह भूमिः; साध्वसाधूंस् तापयतीह सूर्यः ॥
साध्वसाधून् वातयतीह वायुर्; आपस् तथा साध्वसाधून् वहन्ति ॥
कश्यप उवाच
एवम् अस्मिन् वर्तते लोक एव; नामुत्रैवं वर्तते राजपुत्र ॥
प्रेत्यैतयोर् अन्तरवान् विशेषो; यो वै पुण्यं चरते यश् च पापम् ॥
पुण्यस्य लोको मधुमान् घृतार्चिर्; हिरण्यज्योतिर् अमृतस्य नाभिः ॥
तत्र प्रेत्य मोदते ब्रह्मचारी; न तत्र मृत्युर् न जरा नोत दुःखम् ॥
पापस्य लोको निरयो ऽप्रकाशो; नित्यं दुःखः शोकभूयिष्ठ एव ॥
तत्रात्मानं शोचते पापकर्मा; बह्वीः समाः प्रपतन्न् अप्रतिष्ठः ॥
मिथो भेदाद् ब्राह्मणक्षत्रियाणां; प्रजा दुःखं दुःसहं चाविशन्ति ॥
एवं ज्ञात्वा कार्य एवेह विद्वान्; पुरोहितो नैकविद्यो नृपेण ॥
तं चैवान्वभिषिच्येत तथा धर्मो विधीयते ॥
अग्र्यो हि ब्राह्मणः प्रोक्तः सर्वस्यैवेह धर्मतः ॥
पूर्वं हि ब्राह्मणाः सृष्टा इति धर्मविदो विदुः ॥
ज्येष्ठेनाभिजनेनास्य प्राप्तं सर्वं यद् उत्तरम् ॥
तस्मान् मान्यश् च पूज्यश् च ब्राह्मणः प्रसृताग्रभुक् ॥
सर्वं श्रेष्ठं वरिष्ठं च निवेद्यं तस्य धर्मतः ॥
अवश्यम् एतत् कर्तव्यं राज्ञा बलवतापि हि ॥
ब्रह्म वर्धयति क्षत्रं क्षत्रतो ब्रह्म वर्धते ॥
aila uvāca
sādhvasādhūn dhārayatīha bhūmiḥ; sādhvasādhūṃs tāpayatīha sūryaḥ ||
sādhvasādhūn vātayatīha vāyur; āpas tathā sādhvasādhūn vahanti ||
kaśyapa uvāca
evam asmin vartate loka eva; nāmutraivaṃ vartate rājaputra ||
pretyaitayor antaravān viśeṣo; yo vai puṇyaṃ carate yaś ca pāpam ||
puṇyasya loko madhumān ghṛtārcir; hiraṇyajyotir amṛtasya nābhiḥ ||
tatra pretya modate brahmacārī; na tatra mṛtyur na jarā nota duḥkham ||
pāpasya loko nirayo 'prakāśo; nityaṃ duḥkhaḥ śokabhūyiṣṭha eva ||
tatrātmānaṃ śocate pāpakarmā; bahvīḥ samāḥ prapatann apratiṣṭhaḥ ||
mitho bhedād brāhmaṇakṣatriyāṇāṃ; prajā duḥkhaṃ duḥsahaṃ cāviśanti ||
evaṃ jñātvā kārya eveha vidvān; purohito naikavidyo nṛpeṇa ||
taṃ caivānvabhiṣicyeta tathā dharmo vidhīyate ||
agryo hi brāhmaṇaḥ proktaḥ sarvasyaiveha dharmataḥ ||
pūrvaṃ hi brāhmaṇāḥ sṛṣṭā iti dharmavido viduḥ ||
jyeṣṭhenābhijanenāsya prāptaṃ sarvaṃ yad uttaram ||
tasmān mānyaś ca pūjyaś ca brāhmaṇaḥ prasṛtāgrabhuk ||
sarvaṃ śreṣṭhaṃ variṣṭhaṃ ca nivedyaṃ tasya dharmataḥ ||
avaśyam etat kartavyaṃ rājñā balavatāpi hi ||
brahma vardhayati kṣatraṃ kṣatrato brahma vardhate ||
Айла сказал: «Земля здесь держит и добрых, и недобрых; солнце греет и добрых, и недобрых; ветер обдувает и добрых, и недобрых; воды так же несут добрых и недобрых». Кашьяпа сказал: «Так устроено именно в этом мире, царевич, но в ином мире не так. После смерти между тем, кто творит заслугу, и тем, кто творит грех, есть различие. Мир праведного медоносен, сияет гхи, обладает золотым светом и является средоточием бессмертия; там после смерти радуется брахмачари, и там нет ни смерти, ни старости, ни страдания. Мир грешника — ад, лишённый света, постоянное страдание и множество печали; там злодей оплакивает себя, многие годы падая без опоры. От взаимного раскола брахманов и кшатриев подданные входят в невыносимое страдание. Зная это, царь должен назначить здесь учёного пурохиту, сведущего не в одной науке. Его тоже следует помазать: так предписывается дхарма. Ведь брахман по дхарме назван первым во всём здесь. Знатоки дхармы знают, что брахманы были созданы прежде, и по старшему рождению им принадлежит всё последующее. Поэтому брахман, вкушающий первую поданную долю, достоин уважения и почитания; всё лучшее и превосходнейшее должно подноситься ему по дхарме. Это обязательно должен делать даже сильный царь: брахманство усиливает кшатрийство, а от кшатрийства возрастает брахманство».
a9111cbbdcfe · опубликовано 20 июн. 2026 г., 18:43:05 UTC
Доступно наRUЛистайте стихи клавишами
Кашьяпа различает видимое равенство стихий в этом мире и точное различение плодов после смерти. Именно поэтому царю нужен многознающий пурохита: сила должна быть обучена дхарме, а дхарма должна иметь защищённое место в царстве.