युधिष्ठिर उवाच
अभ्युत्थिते दस्युबले क्षत्रार्थे वर्णसंकरे ॥
संप्रमूढेषु वर्णेषु यद्य् अन्यो ऽभिभवेद् बली ॥
ब्राह्मणो यदि वा वैश्यः शूद्रो वा राजसत्तम ॥
दस्युभ्यो ऽथ प्रजा रक्षेद् दण्डं धर्मेण धारयन् ॥
कार्यं कुर्यान् न वा कुर्यात् संवार्यो वा भवेन् न वा ॥
न स्म शस्त्रं ग्रहीतव्यम् अन्यत्र क्षत्रबन्धुतः ॥
भीष्म उवाच
अपारे यो भवेत् पारम् अप्लवे यः प्लवो भवेत् ॥
शूद्रो वा यदि वाप्य् अन्यः सर्वथा मानम् अर्हति ॥
यम् आश्रित्य नरा राजन् वर्तयेयुर् यथासुखम् ॥
अनाथाः पाल्यमाना वै दस्युभिः परिपीडिताः ॥
तम् एव पूजयेरंस् ते प्रीत्या स्वम् इव बान्धवम् ॥
महद् ध्य् अभीक्ष्णं कौरव्य कर्ता सन्मानम् अर्हति ॥
किम् उक्ष्णावहता कृत्यं किं धेन्वा चाप्य् अदुग्धया ॥
वन्ध्यया भार्यया को ऽर्थः को ऽर्थो राज्ञाप्य् अरक्षता ॥
यथा दारुमयो हस्ती यथा चर्ममयो मृगः ॥
यथा ह्य् अनेत्रः शकटः पथि क्षेत्रं यथोषरम् ॥
एवं ब्रह्मानधीयानं राजा यश् च न रक्षिता ॥
न वर्षति च यो मेघः सर्व एते निरर्थकाः ॥
नित्यं यस् तु सतो रक्षेद् असतश् च निबर्हयेत् ॥
स एव राजा कर्तव्यस् तेन सर्वम् इदं धृतम् ॥
yudhiṣṭhira uvāca
abhyutthite dasyubale kṣatrārthe varṇasaṃkare ||
saṃpramūḍheṣu varṇeṣu yady anyo 'bhibhaved balī ||
brāhmaṇo yadi vā vaiśyaḥ śūdro vā rājasattama ||
dasyubhyo 'tha prajā rakṣed daṇḍaṃ dharmeṇa dhārayan ||
kāryaṃ kuryān na vā kuryāt saṃvāryo vā bhaven na vā ||
na sma śastraṃ grahītavyam anyatra kṣatrabandhutaḥ ||
bhīṣma uvāca
apāre yo bhavet pāram aplave yaḥ plavo bhavet ||
śūdro vā yadi vāpy anyaḥ sarvathā mānam arhati ||
yam āśritya narā rājan vartayeyur yathāsukham ||
anāthāḥ pālyamānā vai dasyubhiḥ paripīḍitāḥ ||
tam eva pūjayeraṃs te prītyā svam iva bāndhavam ||
mahad dhy abhīkṣṇaṃ kauravya kartā sanmānam arhati ||
kim ukṣṇāvahatā kṛtyaṃ kiṃ dhenvā cāpy adugdhayā ||
vandhyayā bhāryayā ko 'rthaḥ ko 'rtho rājñāpy arakṣatā ||
yathā dārumayo hastī yathā carmamayo mṛgaḥ ||
yathā hy anetraḥ śakaṭaḥ pathi kṣetraṃ yathoṣaram ||
evaṃ brahmānadhīyānaṃ rājā yaś ca na rakṣitā ||
na varṣati ca yo meghaḥ sarva ete nirarthakāḥ ||
nityaṃ yas tu sato rakṣed asataś ca nibarhayet ||
sa eva rājā kartavyas tena sarvam idaṃ dhṛtam ||
Юдхиштхира сказал: «Когда поднялась сила разбойников, когда нужен кшатрий, варны смешаны и совершенно смущены, если какой-либо другой сильный человек — брахман, вайшья или шудра, лучший царей, — удерживая жезл по дхарме, защитит подданных от разбойников, должен ли он делать это дело или нет? Нужно ли его остановить или нет? Ведь оружие, кажется, не следует брать никому, кроме кшатра-бандху». Бхишма сказал: «Кто становится берегом в беспредельном и плотом там, где нет плота, будь он шудрой или кем-либо другим, тот всячески достоин почёта. Если люди, беззащитные и притесняемые разбойниками, опираясь на него, могут жить спокойно, они должны почитать его с любовью, как своего родственника. Кауравья, тот, кто постоянно совершает великое дело, достоин почёта добрых. Какая польза от быка, который не тянет? Какая польза от коровы, которая не даёт молока? Какой смысл в бесплодной жене? Какой смысл в царе, который не защищает? Как деревянный слон, как кожаный зверь, как повозка без глаз, как поле на дороге или бесплодный солончак, так бесполезны брахманство, которое не изучает Веду, царь, который не защищает, и облако, которое не проливает дождь. Того, кто постоянно защищает добрых и подавляет дурных, следует сделать царём; им удержано всё это».
d75e4bbcfad5 · опубликовано 20 июн. 2026 г., 18:58:42 UTC
Доступно наRUЛистайте стихи клавишами
Критерий царственности здесь предельно практичен: защитник достоин почёта, даже если его происхождение не совпадает с нормальным порядком. В кризисе титул без защиты пуст, а реальная защита становится основанием власти.