अनुज्ञाप्य मृगेन्द्रं तु गोमायुर् नीतिशास्त्रवित् ॥
तेनामर्षेण संतप्तः प्रायम् आसितुम् ऐच्छत ॥
शार्दूलस् तत्र गोमायुं स्नेहात् प्रस्रुतलोचनः ॥
अवारयत् स धर्मिष्ठं पूजया प्रतिपूजयन् ॥
तं स गोमायुर् आलोक्य स्नेहाद् आगतसंभ्रमम् ॥
बभाषे प्रणतो वाक्यं बाष्पगद्गदया गिरा ॥
पूजितो ऽहं त्वया पूर्वं पश्चाच् चैव विमानितः ॥
परेषाम् आस्पदं नीतो वस्तुं नार्हाम्य् अहं त्वयि ॥
स्वसंतुष्टाश् च्युताः स्थानान् मानात् प्रत्यवरोपिताः ॥
स्वयं चोपहृता भृत्या ये चाप्य् उपहृताः परैः ॥
परिक्षीणाश् च लुब्धाश् च क्रूराः काराभितापिताः ॥
हृतस्वा मानिनो ये च त्यक्तोपात्ता महेप्सवः ॥
संतापिताश् च ये के चिद् व्यसनौघप्रतीक्षिणः ॥
अन्तर्हिताः सोपहिताः सर्वे ते परसाधनाः ॥
अवमानेन युक्तस्य स्थापितस्य च मे पुनः ॥
कथं यास्यसि विश्वासम् अहम् एष्यामि वा पुनः ॥
समर्थ इति संगृह्य स्थापयित्वा परीक्ष्य च ॥
कृतं च समयं भित्त्वा त्वयाहम् अवमानितः ॥
प्रथमं यः समाख्यातः शीलवान् इति संसदि ॥
न वाच्यं तस्य वैगुण्यं प्रतिज्ञां परिरक्षता ॥
एवं चावमतस्येह विश्वासं किं प्रयास्यसि ॥
त्वयि चैव ह्य् अविश्वासे ममोद्वेगो भविष्यति ॥
शङ्कितस् त्वम् अहं भीतः परे छिद्रानुदर्शिनः ॥
अस्निग्धाश् चैव दुस्तोषाः कर्म चैतद् बहुच्छलम् ॥
दुःखेन श्लेष्यते भिन्नं श्लिष्टं दुःखेन भिद्यते ॥
भिन्नश्लिष्टा तु या प्रीतिर् न सा स्नेहेन वर्तते ॥
कश् चिद् एव हि भीतस् तु दृश्यते न परात्मनोः ॥
कार्यापेक्षा हि वर्तन्ते भावाः स्निग्धास् तु दुर्लभाः ॥
सुदुःखं पुरुषज्ञानं चित्तं ह्य् एषां चलाचलम् ॥
समर्थो वाप्य् अशक्तो वा शतेष्व् एको ऽधिगम्यते ॥
अकस्मात् प्रक्रिया नॄणाम् अकस्माच् चापकर्षणम् ॥
शुभाशुभे महत्त्वं च प्रकर्तुं बुद्धिलाघवात् ॥
एवं बहुविधं सान्त्वम् उक्त्वा धर्मार्थहेतुमत् ॥
प्रसादयित्वा राजानं गोमायुर् वनम् अभ्यगात् ॥
अगृह्यानुनयं तस्य मृगेन्द्रस्य स बुद्धिमान् ॥
गोमायुः प्रायम् आसीनस् त्यक्त्वा देहं दिवं ययौ ॥
anujñāpya mṛgendraṃ tu gomāyur nītiśāstravit ||
tenāmarṣeṇa saṃtaptaḥ prāyam āsitum aicchata ||
śārdūlas tatra gomāyuṃ snehāt prasrutalocanaḥ ||
avārayat sa dharmiṣṭhaṃ pūjayā pratipūjayan ||
taṃ sa gomāyur ālokya snehād āgatasaṃbhramam ||
babhāṣe praṇato vākyaṃ bāṣpagadgadayā girā ||
pūjito 'haṃ tvayā pūrvaṃ paścāc caiva vimānitaḥ ||
pareṣām āspadaṃ nīto vastuṃ nārhāmy ahaṃ tvayi ||
svasaṃtuṣṭāś cyutāḥ sthānān mānāt pratyavaropitāḥ ||
svayaṃ copahṛtā bhṛtyā ye cāpy upahṛtāḥ paraiḥ ||
parikṣīṇāś ca lubdhāś ca krūrāḥ kārābhitāpitāḥ ||
hṛtasvā mānino ye ca tyaktopāttā mahepsavaḥ ||
saṃtāpitāś ca ye ke cid vyasanaughapratīkṣiṇaḥ ||
antarhitāḥ sopahitāḥ sarve te parasādhanāḥ ||
avamānena yuktasya sthāpitasya ca me punaḥ ||
kathaṃ yāsyasi viśvāsam aham eṣyāmi vā punaḥ ||
samartha iti saṃgṛhya sthāpayitvā parīkṣya ca ||
kṛtaṃ ca samayaṃ bhittvā tvayāham avamānitaḥ ||
prathamaṃ yaḥ samākhyātaḥ śīlavān iti saṃsadi ||
na vācyaṃ tasya vaiguṇyaṃ pratijñāṃ parirakṣatā ||
evaṃ cāvamatasyeha viśvāsaṃ kiṃ prayāsyasi ||
tvayi caiva hy aviśvāse mamodvego bhaviṣyati ||
śaṅkitas tvam ahaṃ bhītaḥ pare chidrānudarśinaḥ ||
asnigdhāś caiva dustoṣāḥ karma caitad bahucchalam ||
duḥkhena śleṣyate bhinnaṃ śliṣṭaṃ duḥkhena bhidyate ||
bhinnaśliṣṭā tu yā prītir na sā snehena vartate ||
kaś cid eva hi bhītas tu dṛśyate na parātmanoḥ ||
kāryāpekṣā hi vartante bhāvāḥ snigdhās tu durlabhāḥ ||
suduḥkhaṃ puruṣajñānaṃ cittaṃ hy eṣāṃ calācalam ||
samartho vāpy aśakto vā śateṣv eko 'dhigamyate ||
akasmāt prakriyā nṝṇām akasmāc cāpakarṣaṇam ||
śubhāśubhe mahattvaṃ ca prakartuṃ buddhilāghavāt ||
evaṃ bahuvidhaṃ sāntvam uktvā dharmārthahetumat ||
prasādayitvā rājānaṃ gomāyur vanam abhyagāt ||
agṛhyānunayaṃ tasya mṛgendrasya sa buddhimān ||
gomāyuḥ prāyam āsīnas tyaktvā dehaṃ divaṃ yayau ||
Но шакал, знающий науку политики, попросил у тигра разрешения уйти и, обожжённый этой обидой, пожелал сесть на пост до смерти. Тигр, с глазами, полными слёз от любви, удерживал праведного шакала и снова почитал его. Увидев тигра, пришедшего в смятение от любви, шакал склонился и сказал голосом, прерывающимся от слёз: «Прежде ты меня почтил, а затем унизил; ты сделал меня мишенью для других. Я не могу жить у тебя. Довольные своим, но лишённые места, низведённые с почёта, приведённые слуги, нанятые другими, истощённые, алчные, жестокие, наказанные, лишённые имущества, гордые, оставленные и вновь взятые, желающие великого, обиженные и ожидающие потока бед, скрытые и подставные — все такие становятся орудиями врага. После моего унижения и нового назначения как ты придёшь к доверию, и как я снова вернусь? Ты принял меня как способного, поставил, проверил, а затем нарушил заключённое условие и унизил меня. Того, кто сначала в собрании объявлен нравственным, нельзя потом порочить, если хочешь сохранить своё обещание. Какое доверие ты получишь от того, кто так презрён? А если я не доверяю тебе, у меня всегда будет тревога. Ты подозреваешь, я боюсь, другие высматривают бреши, они недружелюбны и трудно удовлетворимы, а это дело полно уловок. Расколотое с трудом соединяется, а соединённое с трудом раскалывается; любовь, однажды разбитая и склеенная, уже не держится прежней привязанностью. Людей узнать очень трудно: их ум то подвижен, то неподвижен; способный или неспособный находится один среди сотен. Внезапные возвышения и низведения, благо, неблаго и величие часто создаются лёгкостью разума». Сказав такую многообразную, основанную на дхарме и пользе мягкую речь и умиротворив царя, шакал ушёл в лес. Не приняв уговоров мудрого царя зверей, он сел на пост до смерти, оставил тело и ушёл на небо».
f49c17dce99d · опубликовано 20 июн. 2026 г., 20:54:30 UTC
Доступно наRUЛистайте стихи клавишами
После нарушенного доверия одного извинения мало. Шакал не мстит, но не возвращается туда, где слово царя уже было сломано. Глава заканчивается ценой непроверенного обвинения: чистого можно оправдать, но прежнее доверие не всегда восстановить.