समाप्तवचने तस्मिन्न् अर्थशास्त्रविशारदः ॥
पार्थो वाक्यार्थतत्त्वज्ञो जगौ वाक्यम् अतन्द्रितः ॥
कर्मभूमिर् इयं राजन्न् इह वार्त्ता प्रशस्यते ॥
कृषिवाणिज्यगोरक्ष्यं शिल्पानि विविधानि च ॥
अर्थ इत्य् एव सर्वेषां कर्मणाम् अव्यतिक्रमः ॥
न ऋते ऽर्थेन वर्तेते धर्मकामाव् इति श्रुतिः ॥
विजयी ह्य् अर्थवान् धर्मम् आराधयितुम् उत्तमम् ॥
कामं च चरितुं शक्तो दुष्प्रापम् अकृतात्मभिः ॥
अर्थस्यावयवाव् एतौ धर्मकामाव् इति श्रुतिः ॥
अर्थसिद्ध्या हि निर्वृत्ताव् उभाव् एतौ भविष्यतः ॥
उद्भूतार्थं हि पुरुषं विशिष्टतरयोनयः ॥
ब्रह्माणम् इव भूतानि सततं पर्युपासते ॥
जटाजिनधरा दान्ताः पङ्कदिग्धा जितेन्द्रियाः ॥
मुण्डा निस्तन्तवश् चापि वसन्त्य् अर्थार्थिनः पृथक् ॥
काषायवसनाश् चान्ये श्मश्रुला ह्रीसुसंवृताः ॥
विद्वांसश् चैव शान्ताश् च मुक्ताः सर्वपरिग्रहैः ॥
अर्थार्थिनः सन्ति के चिद् अपरे स्वर्गकाङ्क्षिणः ॥
कुलप्रत्यागमाश् चैके स्वं स्वं मार्गम् अनुष्ठिताः ॥
आस्तिका नास्तिकाश् चैव नियताः संयमे परे ॥
अप्रज्ञानं तमोभूतं प्रज्ञानं तु प्रकाशता ॥
भृत्यान् भोगैर् द्विषो दण्डैर् यो योजयति सो ऽर्थवान् ॥
एतन् मतिमतां श्रेष्ठ मतं मम यथातथम् ॥
अनयोस् तु निबोध त्वं वचनं वाक्यकण्ठयोः ॥
samāptavacane tasminn arthaśāstraviśāradaḥ ||
pārtho vākyārthatattvajño jagau vākyam atandritaḥ ||
karmabhūmir iyaṃ rājann iha vārttā praśasyate ||
kṛṣivāṇijyagorakṣyaṃ śilpāni vividhāni ca ||
artha ity eva sarveṣāṃ karmaṇām avyatikramaḥ ||
na ṛte 'rthena vartete dharmakāmāv iti śrutiḥ ||
vijayī hy arthavān dharmam ārādhayitum uttamam ||
kāmaṃ ca carituṃ śakto duṣprāpam akṛtātmabhiḥ ||
arthasyāvayavāv etau dharmakāmāv iti śrutiḥ ||
arthasiddhyā hi nirvṛttāv ubhāv etau bhaviṣyataḥ ||
udbhūtārthaṃ hi puruṣaṃ viśiṣṭatarayonayaḥ ||
brahmāṇam iva bhūtāni satataṃ paryupāsate ||
jaṭājinadharā dāntāḥ paṅkadigdhā jitendriyāḥ ||
muṇḍā nistantavaś cāpi vasanty arthārthinaḥ pṛthak ||
kāṣāyavasanāś cānye śmaśrulā hrīsusaṃvṛtāḥ ||
vidvāṃsaś caiva śāntāś ca muktāḥ sarvaparigrahaiḥ ||
arthārthinaḥ santi ke cid apare svargakāṅkṣiṇaḥ ||
kulapratyāgamāś caike svaṃ svaṃ mārgam anuṣṭhitāḥ ||
āstikā nāstikāś caiva niyatāḥ saṃyame pare ||
aprajñānaṃ tamobhūtaṃ prajñānaṃ tu prakāśatā ||
bhṛtyān bhogair dviṣo daṇḍair yo yojayati so 'rthavān ||
etan matimatāṃ śreṣṭha mataṃ mama yathātatham ||
anayos tu nibodha tvaṃ vacanaṃ vākyakaṇṭhayoḥ ||
Когда Видура закончил, Партха, сведущий в артха-шастре и знающий смысл слов, неутомимо сказал: «Эта земля — поле действия, о царь; здесь восхваляется хозяйство: земледелие, торговля, защита коров и разные ремёсла. Артха есть неотступное основание всех действий. Без артхи, говорит шрути, не существуют ни дхарма, ни кама. Победитель, обладающий артхой, способен почитать высшую дхарму и исполнять каму, труднодостижимую для неочищенных. Дхарма и кама, по шрути, — две части артхи; с достижением артхи они обе получают завершение. Человека, у которого возникла артха, более высокие роды постоянно почитают, как существа Брахму. Даже аскеты — с джата, в шкурах, обузданные, обмазанные грязью, победившие чувства, бритоголовые, без священной нити, в шафрановых одеждах, бородатые, скромные, учёные, мирные и свободные от владений — живут каждый отдельно, ища артху, цель или средство. Одни ищут артху, другие желают неба, третьи возвращаются к родовому пути, каждый следуя своему пути. Верующие и неверующие, утверждённые в высшем обуздании, тоже различаются знанием и неведением: неведение — тьма, знание — свет. Кто соединяет слуг с наслаждениями, а врагов с наказаниями, тот обладает артхой. Таково моё мнение, лучший из разумных; теперь услышь слово этих двух красноречивых».
7facbc71b5cd · опубликовано 21 июн. 2026 г., 06:34:52 UTC
Доступно наRUЛистайте стихи клавишами
Арджуна защищает артху как рабочую основу мира. Его позиция прагматична: без средств не удерживаются ни обряд, ни порядок, ни исполнение желаний.