युधिष्ठिर उवाच
आद्यन्तं सर्वभूतानां श्रोतुम् इच्छामि कौरव ॥
ध्यानं कर्म च कालं च तथैवायुर् युगे युगे ॥
लोकतत्त्वं च कार्त्स्न्येन भूतानाम् आगतिं गतिम् ॥
सर्गश् च निधनं चैव कुत एतत् प्रवर्तते ॥
यदि ते ऽनुग्रहे बुद्धिर् अस्मास्व् इह सतां वर ॥
एतद् भवन्तं पृच्छामि तद् भवान् प्रब्रवीतु मे ॥
पूर्वं हि कथितं श्रुत्वा भृगुभाषितम् उत्तमम् ॥
भरद्वाजस्य विप्रर्षेस् ततो मे बुद्धिर् उत्तमा ॥
जाता परमधर्मिष्ठा दिव्यसंस्थानसंस्थिता ॥
ततो भूयस् तु पृच्छामि तद् भवान् वक्तुम् अर्हति ॥
भीष्म उवाच
अत्र ते वर्तयिष्ये ऽहम् इतिहासं पुरातनम् ॥
जगौ यद् भगवान् व्यासः पुत्राय परिपृच्छते ॥
अधीत्य वेदान् अखिलान् साङ्गोपनिषदस् तथा ॥
अन्विच्छन् नैष्ठिकं कर्म धर्मनैपुणदर्शनात् ॥
कृष्णद्वैपायनं व्यासं पुत्रो वैयासकिः शुकः ॥
पप्रच्छ संदेहम् इमं छिन्नधर्मार्थसंशयम् ॥
भूतग्रामस्य कर्तारं कालज्ञाने च निश्चयम् ॥
ब्राह्मणस्य च यत् कृत्यं तद् भवान् वक्तुम् अर्हति ॥
तस्मै प्रोवाच तत् सर्वं पिता पुत्राय पृच्छते ॥
अतीतानागते विद्वान् सर्वज्ञः सर्वधर्मवित् ॥
yudhiṣṭhira uvāca
ādyantaṃ sarvabhūtānāṃ śrotum icchāmi kaurava ||
dhyānaṃ karma ca kālaṃ ca tathaivāyur yuge yuge ||
lokatattvaṃ ca kārtsnyena bhūtānām āgatiṃ gatim ||
sargaś ca nidhanaṃ caiva kuta etat pravartate ||
yadi te 'nugrahe buddhir asmāsv iha satāṃ vara ||
etad bhavantaṃ pṛcchāmi tad bhavān prabravītu me ||
pūrvaṃ hi kathitaṃ śrutvā bhṛgubhāṣitam uttamam ||
bharadvājasya viprarṣes tato me buddhir uttamā ||
jātā paramadharmiṣṭhā divyasaṃsthānasaṃsthitā ||
tato bhūyas tu pṛcchāmi tad bhavān vaktum arhati ||
bhīṣma uvāca
atra te vartayiṣye 'ham itihāsaṃ purātanam ||
jagau yad bhagavān vyāsaḥ putrāya paripṛcchate ||
adhītya vedān akhilān sāṅgopaniṣadas tathā ||
anvicchan naiṣṭhikaṃ karma dharmanaipuṇadarśanāt ||
kṛṣṇadvaipāyanaṃ vyāsaṃ putro vaiyāsakiḥ śukaḥ ||
papraccha saṃdeham imaṃ chinnadharmārthasaṃśayam ||
bhūtagrāmasya kartāraṃ kālajñāne ca niścayam ||
brāhmaṇasya ca yat kṛtyaṃ tad bhavān vaktum arhati ||
tasmai provāca tat sarvaṃ pitā putrāya pṛcchate ||
atītānāgate vidvān sarvajñaḥ sarvadharmavit ||
Юдхиштхира сказал: «О Каурава, я хочу услышать о начале и конце всех существ, о созерцании, действии, времени и продолжительности жизни в каждую югу. Расскажи полностью истину мира, приход и уход существ, творение и гибель: откуда всё это возникает? Если ты благосклонен к нам, лучший из добрых, я спрашиваю тебя об этом; прошу, объясни мне. Раньше я услышал высшее учение Бхригу, сказанное брахману-риши Бхарадвадже, и от этого во мне возникла возвышенная, предельно дхармичная мысль, утверждённая в божественном порядке. Поэтому я спрашиваю снова, и ты должен сказать это». Бхишма ответил: «Здесь я изложу тебе древнюю историю: то, что Бхагаван Вьяса воспел своему сыну, когда тот подробно спрашивал. Изучив все Веды вместе с ангами и упанишадами и стремясь понять окончательное действие через тонкое видение дхармы, Шука, сын Вьясы, спросил Кришну-Двайпаяну Вьясу, рассёкшего сомнения о дхарме и цели: кто творит множество существ, какова определённость знания времени и что является обязанностью брахмана. Отец, знающий прошедшее и будущее, всезнающий знаток всей дхармы, рассказал спрашивающему сыну всё это».
ab8fc70708db · опубликовано 21 июн. 2026 г., 08:45:22 UTC
Доступно наRUЛистайте стихи клавишами
Вопрос Юдхиштхиры связывает космологию с практикой: знать начало мира, время и юги нужно не ради отвлечённой схемы, а чтобы понять действие, дхарму и путь брахмана.