द्युमत्सेन उवाच
राजानो लोकयात्रार्थं तप्यन्ते परमं तपः ॥
अपत्रपन्ति तादृग्भ्यस् तथावृत्ता भवन्ति च ॥
वित्रास्यमानाः सुकृतो न कामाद् घ्नन्ति दुष्कृतीन् ॥
सुकृतेनैव राजानो भूयिष्ठं शासते प्रजाः ॥
श्रेयसः श्रेयसीम् एवं वृत्तिं लोको ऽनुवर्तते ॥
सदैव हि गुरोर् वृत्तम् अनुवर्तन्ति मानवाः ॥
आत्मानम् असमाधाय समाधित्सति यः परान् ॥
विषयेष्व् इन्द्रियवशं मानवाः प्रहसन्ति तम् ॥
यो राज्ञो दम्भमोहेन किं चित् कुर्याद् असांप्रतम् ॥
सर्वोपायैर् नियम्यः स तथा पापान् निवर्तते ॥
आत्मैवादौ नियन्तव्यो दुष्कृतं संनियच्छता ॥
दण्डयेच् च महादण्डैर् अपि बन्धून् अनन्तरान् ॥
यत्र वै पापकृत् क्लेश्यो न महद् दुःखम् अर्छति ॥
वर्धन्ते तत्र पापानि धर्मो ह्रसति च ध्रुवम् ॥
इति कारुण्यशीलस् तु विद्वान् वै ब्राह्मणो ऽन्वशात् ॥
इति चैवानुशिष्टो ऽस्मि पूर्वैस् तात पितामहैः ॥
आश्वासयद्भिः सुभृशम् अनुक्रोशात् तथैव च ॥
dyumatsena uvāca
rājāno lokayātrārthaṃ tapyante paramaṃ tapaḥ ||
apatrapanti tādṛgbhyas tathāvṛttā bhavanti ca ||
vitrāsyamānāḥ sukṛto na kāmād ghnanti duṣkṛtīn ||
sukṛtenaiva rājāno bhūyiṣṭhaṃ śāsate prajāḥ ||
śreyasaḥ śreyasīm evaṃ vṛttiṃ loko 'nuvartate ||
sadaiva hi guror vṛttam anuvartanti mānavāḥ ||
ātmānam asamādhāya samādhitsati yaḥ parān ||
viṣayeṣv indriyavaśaṃ mānavāḥ prahasanti tam ||
yo rājño dambhamohena kiṃ cit kuryād asāṃpratam ||
sarvopāyair niyamyaḥ sa tathā pāpān nivartate ||
ātmaivādau niyantavyo duṣkṛtaṃ saṃniyacchatā ||
daṇḍayec ca mahādaṇḍair api bandhūn anantarān ||
yatra vai pāpakṛt kleśyo na mahad duḥkham archati ||
vardhante tatra pāpāni dharmo hrasati ca dhruvam ||
iti kāruṇyaśīlas tu vidvān vai brāhmaṇo 'nvaśāt ||
iti caivānuśiṣṭo 'smi pūrvais tāta pitāmahaiḥ ||
āśvāsayadbhiḥ subhṛśam anukrośāt tathaiva ca ||
Дьюматсена сказал: «Ради поддержания жизни мира цари совершают высший тапас. Если они стыдятся перед такими людьми и перенимают их поведение, порядок рушится. Добрые люди, когда их заставляют устрашать, не наказывают злодеев из желания. Цари больше всего правят подданными именно добрым делом; мир следует лучшему поведению, ведь люди всегда следуют поведению старшего. Того, кто не обуздал себя, но хочет обуздать других, оставаясь рабом чувств в предметах, люди высмеивают. Если кто-либо из царской гордости и заблуждения совершит что-то неподобающее, его нужно сдерживать всеми средствами; так он отворачивается от греха. Тот, кто сдерживает злодеяние, сперва должен обуздать самого себя и сурово наказывать даже ближайших родственников. Там, где грешник подлежит наказанию, но не получает серьёзного страдания, грехи возрастают, а дхарма непременно убывает. Так наставил милосердный знающий брахман; так же, дитя, меня учили древние праотцы, сильно утешая и действуя из сострадания».
390c49cadfa8 · опубликовано 21 июн. 2026 г., 05:14:35 UTC
Доступно наRUЛистайте стихи клавишами
Дьюматсена связывает право на наказание с самообладанием царя. Если правитель сам раб чувств или щадит своих, наказание становится не дхармой, а лицемерием.