एकः शत्रुर् न द्वितीयो ऽस्ति शत्रुर्; अज्ञानतुल्यः पुरुषस्य राजन् ॥
येनावृतः कुरुते संप्रयुक्तो; घोराणि कर्माणि सुदारुणानि ॥
प्रबोधनार्थं श्रुतिधर्मयुक्तं; वृद्धान् उपास्यं च भवेत यस्य ॥
प्रयत्नसाध्यो हि स राजपुत्र; प्रज्ञाशरेणोन्मथितः परैति ॥
अधीत्य वेदांस् तपसा ब्रह्मचारी; यज्ञाञ् शक्त्या संनिसृज्येह पञ्च ॥
वनं गच्छेत् पुरुषो धर्मकामः; श्रेयश् चित्वा स्थापयित्वा स्ववंशम् ॥
उपभोगैर् अपि त्यक्तं नात्मानम् अवसादयेत् ॥
चण्डालत्वे ऽपि मानुष्यं सर्वथा तात दुर्लभम् ॥
इयं हि योनिः प्रथमा यां प्राप्य जगतीपते ॥
आत्मा वै शक्यते त्रातुं कर्मभिः शुभलक्षणैः ॥
कथं न विप्रणश्येम योनितो ऽस्या इति प्रभो ॥
कुर्वन्ति धर्मं मनुजाः श्रुतिप्रामाण्यदर्शनात् ॥
यो दुर्लभतरं प्राप्य मानुष्यम् इह वै नरः ॥
धर्मावमन्ता कामात्मा भवेत् स खलु वञ्च्यते ॥
यस् तु प्रीतिपुरोगेण चक्षुषा तात पश्यति ॥
दीपोपमानि भूतानि यावद् अर्चिर् न नश्यति ॥
सान्त्वेनानुप्रदानेन प्रियवादेन चाप्य् उत ॥
समदुःखसुखो भूत्वा स परत्र महीयते ॥
ekaḥ śatrur na dvitīyo 'sti śatrur; ajñānatulyaḥ puruṣasya rājan ||
yenāvṛtaḥ kurute saṃprayukto; ghorāṇi karmāṇi sudāruṇāni ||
prabodhanārthaṃ śrutidharmayuktaṃ; vṛddhān upāsyaṃ ca bhaveta yasya ||
prayatnasādhyo hi sa rājaputra; prajñāśareṇonmathitaḥ paraiti ||
adhītya vedāṃs tapasā brahmacārī; yajñāñ śaktyā saṃnisṛjyeha pañca ||
vanaṃ gacchet puruṣo dharmakāmaḥ; śreyaś citvā sthāpayitvā svavaṃśam ||
upabhogair api tyaktaṃ nātmānam avasādayet ||
caṇḍālatve 'pi mānuṣyaṃ sarvathā tāta durlabham ||
iyaṃ hi yoniḥ prathamā yāṃ prāpya jagatīpate ||
ātmā vai śakyate trātuṃ karmabhiḥ śubhalakṣaṇaiḥ ||
kathaṃ na vipraṇaśyema yonito 'syā iti prabho ||
kurvanti dharmaṃ manujāḥ śrutiprāmāṇyadarśanāt ||
yo durlabhataraṃ prāpya mānuṣyam iha vai naraḥ ||
dharmāvamantā kāmātmā bhavet sa khalu vañcyate ||
yas tu prītipurogeṇa cakṣuṣā tāta paśyati ||
dīpopamāni bhūtāni yāvad arcir na naśyati ||
sāntvenānupradānena priyavādena cāpy uta ||
samaduḥkhasukho bhūtvā sa paratra mahīyate ||
У человека, о царь, есть один враг, и нет второго врага, равного невежеству: покрытый им и связанный с ним, человек совершает ужасные и очень жестокие дела. Для пробуждения следует держаться закона шрути и служить старшим; это достижимо усилием, царевич, и тот, кого пронзила стрела мудрости, переходит дальше. Изучив Веды в брахмачарье и тапасе, совершив по силе пять жертв, человек, желающий дхармы, должен идти в лес, избрав высшее и утвердив свой род. Даже если человек лишён наслаждений, он не должен унижать себя: человеческое рождение редчайше во всех обстоятельствах, даже в рождении чандалы. Это первое рождение, получив которое, о владыка земли, можно спасти атман благими делами. “Как бы нам не пасть из этого рождения?” — с таким пониманием люди совершают дхарму, видя авторитет шрути. Но человек, который получил здесь ещё более редкое человеческое состояние и презирает дхарму, став рабом желания, поистине обманывает сам себя. А кто смотрит на существ оком любви, видя их подобными светильникам, пока их пламя не угасло, кто действует утешением, даром и приятной речью, став равным в горе и счастье, тот возвышается в ином мире».
c8aa60279f1b · опубликовано 21 июн. 2026 г., 05:58:44 UTC
Доступно наRUЛистайте стихи клавишами
Главный враг назван прямо: неведение. Человеческая жизнь ценна потому, что в ней можно выбрать дхарму, увидеть живых существ с состраданием и не растратить редкую возможность на одни желания.