व्रतावसाने सुशुभान् नरान् ददृशिरे वयम् ॥
श्वेतांश् चन्द्रप्रतीकाशान् सर्वलक्षणलक्षितान् ॥
नित्याञ्जलिकृतान् ब्रह्म जपतः प्रागुदङ्मुखान् ॥
मानसो नाम स जपो जप्यते तैर् महात्मभिः ॥
तेनैकाग्रमनस्त्वेन प्रीतो भवति वै हरिः ॥
या भवेन् मुनिशार्दूल भाः सूर्यस्य युगक्षये ॥
एकैकस्य प्रभा तादृक् साभवन् मानवस्य ह ॥
तेजोनिवासः स द्वीप इति वै मेनिरे वयम् ॥
न तत्राभ्यधिकः कश् चित् सर्वे ते समतेजसः ॥
अथ सूर्यसहस्रस्य प्रभां युगपद् उत्थिताम् ॥
सहसा दृष्टवन्तः स्म पुनर् एव बृहस्पते ॥
सहिताश् चाभ्यधावन्त ततस् ते मानवा द्रुतम् ॥
कृताञ्जलिपुटा हृष्टा नम इत्य् एव वादिनः ॥
ततो ऽभिवदतां तेषाम् अश्रौष्म विपुलं ध्वनिम् ॥
बलिः किलोपह्रियते तस्य देवस्य तैर् नरैः ॥
वयं तु तेजसा तस्य सहसा हृतचेतसः ॥
न किं चिद् अपि पश्यामो हृतदृष्टिबलेन्द्रियाः ॥
एकस् तु शब्दो ऽविरतः श्रुतो ऽस्माभिर् उदीरितः ॥
जितं ते पुण्डरीकाक्ष नमस् ते विश्वभावन ॥
नमस् ते ऽस्तु हृषीकेश महापुरुषपूर्वज ॥
इति शब्दः श्रुतो ऽस्माभिः शिक्षाक्षरसमीरितः ॥
एतस्मिन्न् अन्तरे वायुः सर्वगन्धवहः शुचिः ॥
दिव्यान्य् उवाह पुष्पाणि कर्मण्याश् चौषधीस् तथा ॥
तैर् इष्टः पञ्चकालज्ञैर् हरिर् एकान्तिभिर् नरैः ॥
नूनं तत्रागतो देवो यथा तैर् वाग् उदीरिता ॥
वयं त्व् एनं न पश्यामो मोहितास् तस्य मायया ॥
मारुते संनिवृत्ते च बलौ च प्रतिपादिते ॥
चिन्ताव्याकुलितात्मानो जाताः स्मो ऽङ्गिरसां वर ॥
vratāvasāne suśubhān narān dadṛśire vayam ||
śvetāṃś candrapratīkāśān sarvalakṣaṇalakṣitān ||
nityāñjalikṛtān brahma japataḥ prāgudaṅmukhān ||
mānaso nāma sa japo japyate tair mahātmabhiḥ ||
tenaikāgramanastvena prīto bhavati vai hariḥ ||
yā bhaven muniśārdūla bhāḥ sūryasya yugakṣaye ||
ekaikasya prabhā tādṛk sābhavan mānavasya ha ||
tejonivāsaḥ sa dvīpa iti vai menire vayam ||
na tatrābhyadhikaḥ kaś cit sarve te samatejasaḥ ||
atha sūryasahasrasya prabhāṃ yugapad utthitām ||
sahasā dṛṣṭavantaḥ sma punar eva bṛhaspate ||
sahitāś cābhyadhāvanta tatas te mānavā drutam ||
kṛtāñjalipuṭā hṛṣṭā nama ity eva vādinaḥ ||
tato 'bhivadatāṃ teṣām aśrauṣma vipulaṃ dhvanim ||
baliḥ kilopahriyate tasya devasya tair naraiḥ ||
vayaṃ tu tejasā tasya sahasā hṛtacetasaḥ ||
na kiṃ cid api paśyāmo hṛtadṛṣṭibalendriyāḥ ||
ekas tu śabdo 'virataḥ śruto 'smābhir udīritaḥ ||
jitaṃ te puṇḍarīkākṣa namas te viśvabhāvana ||
namas te 'stu hṛṣīkeśa mahāpuruṣapūrvaja ||
iti śabdaḥ śruto 'smābhiḥ śikṣākṣarasamīritaḥ ||
etasminn antare vāyuḥ sarvagandhavahaḥ śuciḥ ||
divyāny uvāha puṣpāṇi karmaṇyāś cauṣadhīs tathā ||
tair iṣṭaḥ pañcakālajñair harir ekāntibhir naraiḥ ||
nūnaṃ tatrāgato devo yathā tair vāg udīritā ||
vayaṃ tv enaṃ na paśyāmo mohitās tasya māyayā ||
mārute saṃnivṛtte ca balau ca pratipādite ||
cintāvyākulitātmāno jātāḥ smo 'ṅgirasāṃ vara ||
«По окончании обета мы увидели прекрасных людей: белых, луноподобных, отмеченных всеми благими признаками. Они всегда держали ладони сложенными и повторяли брахман, обращаясь лицами к востоку и северу. Их джапа называется мысленной; благодаря такой однонаправленности ума Хари бывает доволен. О тигр среди мудрецов, сияние каждого из этих людей было подобно сиянию солнца в конце юги. Мы подумали: этот остров — обитель света. Там никто не превосходил другого: все они были равного сияния. Затем, о Брихаспати, мы внезапно увидели свет, словно одновременно взошли тысячи солнц. Те люди вместе быстро устремились вперёд, радостные, со сложенными ладонями, говоря только: “Поклон!” Когда они приветствовали Господа, мы услышали великий звук: очевидно, эти люди приносили подношение тому Богу. Но мы были внезапно поражены Его сиянием и ничего не могли видеть: наше зрение, сила и чувства были отняты. Мы слышали лишь один непрерывный звук: “Победа Тебе, лотосоокий! Поклон Тебе, творец вселенной! Поклон Тебе, Хришикеша, изначальный предок Махапуруши!” Этот звук был произнесён по правилам священной фонетики. В это время чистый ветер, несущий все ароматы, принёс божественные цветы и пригодные травы. Несомненно, Хари пришёл туда, почитаемый этими людьми-экайантиками, знающими пять времён служения, как показывала их речь. Но мы не видели Его, очарованные Его майей. Когда ветер утих и подношение было принесено, наши души стали встревожены мыслью, о лучший из Ангирасов».
665879348b40 · опубликовано 21 июн. 2026 г., 07:43:05 UTC
Доступно наRUЛистайте стихи клавишами
Экайантики Шветадвипы не нуждаются во внешнем шуме: их поклонение сосредоточено, мысленно и непрерывно. Для пришедших риши это становится уроком: даже присутствие Господа можно не увидеть, если зрение ещё заслонено Его собственной йогамайей.